تعال وكمل الأبيات

[الطائر المهاجر]

قمت اتفكر والمرايه قبالي = وشلون راسي صار مثل المطارات
ياحيسفا شعري تركني لحالي= وانا طوال العمر ارعاه بسكات

[ابومياس]

والعمر راح وحدرته الليالي =وياما على هالراس مرة صعيبات
ماينفعك لو جبت شمبو وغالي= والا على شعرك وضعت الكريمات

[الطائر المهاجر]

اظن اسبابه زمان التوالي = فالرجل ما تدري خرنثى او انثات
ولا جيت للي يعجبك بالمقالي= لامن نصيته لاخروف ولا شاة

[هاجس نجد]

طائرنا المهاجر
د/ عثمان العبد الله آدامه الله
يعجبني فيك تواضعـك.طيبة نفسك .فطنتك. .غزارة علمك وتطور ثقافتك ماشاء الله عليك
الله يستر عليك ويحميك من عيون الحاسدين
بس الله يهديك لا تذكرنا بالشيب والتفكير في العمر فالأعمار بيد الله سبحانه
ترى بعد الأربعين أشوف البعد عن المرايه أحسن وما يسبب وجع رأس
حبيبي أبو عبد الله أعجبتني كثيراً هذه الأبيات الأربعة وكذلك رد أخي الشاعر / أبو مياس عليك
أحببت أن أشارك معكما ولو أن مشاركتي لن تصل إلى مستوى إبداعكما.

الشيب ماهو عيب يابن الحلالي -- يمكن عليه تحتال بقصن وصبغات
العيـب بناتن تشبّهـن بالرجالي -- وشبـاب لبسـو للخـكـاره دعايـات

[منيع]

الشيب شيب الجيب هووالريالي=واترك كلام فيه ضمة وهمزات
الاملكت القرش انت المثالي=بالمال وحده ماتشيب ظمانات

[الطائر المهاجر]

هلا بك اخي هاجس نجد

الشيب مثل الثلج في طعس عالي = لكن بلاك بصخرةٍ حيل ملسات
يزلق عليها الماء عذبٍ زلالي= وما تنبت اغصانٍ ولو هي قليلات

[الطائر المهاجر]

هلا بك اخي منيع

كم واحد عنده كنوز وحلالي = وده مطاره ينزرع بس هيهات
لو ضحكوا الزراع واهملالي= يطيح زرعه من جذور وبصيلات

[هاجس نجد]

الشيب ماعيّب قــروم الرجالــي ** اللي لهم فالطيب جوله وصولات
أهل الوفاء والدين مابـه جـدالي ** وفعولهـم تذّكــر سنين طـويلات
أمـا شباب اليــوم يهـمــــلالي ** ماينعـرف أولادهـم مـن البنيات
بلايز ومكياج والكعـــب عالـي ** الثـوب ضيّـق والبناطـل قصيرات

[منيع]

المال زينه مابهاذي جدالي=نطق بها القرأن في بضع ايات
والشيب وقار ياكريم السبالي=ولاجت وراحت على كم شعرات

[الطامي]

الطائر المهاجر
الا متى ماتحط اما ان لك ان تنزل
اول القابض لك هو الشيب والله يسهل علينا وعليك الأخر
(( يالله بحسن الخاتمه )) للجميع

الشيب للطيب يزيده اقبالي = والا الردي كبه قليل المروات
الشيب سنه واصل لامحالي = يالله بحسن الخاتمه لاذكر مات