النقد غير الحقد

[صالح سعود]

ايها المبدعون في فطاحلة الشعر والادب
ايها المميزون في الطرح والقصيد .

هذه قصيدة جديدة اطرحها بين يديكم ارجوا ان تنال
رضاكم واستحسانكم

النقد غير الحقد والكل معروف =في هندسة علم العقول الذكيه
اللي تميز راعي العقل وتشوف = إن الخطاء مبداه نفس رديه
وترجح العاقل على كل ملقوف = و فيها نمط للعرف ما هي غبيه
وتقييم الموضع تقييم منصوف = حتى تجنب فكرت الاوحديه
فكر العقل راجح ولا هو بمكلوف = تعليم جاهل عاشق الجاهليه
والمجتمع كله ملايين و ألوف = والناس طماعة ولا هي رضيه
جموع ضد جموع وصفوف لصفوف = هذا يبي هذا وذيه لذيه
وهذا يخوف قوم وهذا به الخوف = وهذا طوى الصفحات و هذا مطيه
وهذا تحده عن مطاميعه ظروف = غصب (ن) عليه ظروف وقته قويه
وهذا على العالم مسلط له سيوف = ظنه ما في هالناس مخلوق زيه
يشوف كل الناس في عينه ضعوف = ونفسه تدهور به بير(ن) هبيه
عالي يحسب انه على راس شرشوف = ينزل غصب في مبداء الجاذبيه
وهرج القفى ضعف (ن) ولا هو بمخلوف = وفي مجلس الضيعه له الاغلبيه
موضوع منقول (ن) وموضوع محذوف = وجلسة عصر تمتد للمغربيه
و اذا حصل معها من الكيف مرشوف = شاهي ربيع و دلة (ن) شاذليه
ولى زمان الخوف واليوم بريوف = ولى زمن ريمه وعصر العبيه
هذا زمان أهل الحكي لسان وحروف = مجد السوالف واليدين الخفيه
اللي تسير ابها المشاعر على طروف = جال القرابة ونبرة العنصريه
واللي تحوفها على الغش وتحوف = نار الخطاء والعيب والمهزليه
و تنسى المبادي كلها كنها تنوف = فوق المبادي و المبادي دنيه
و محد(ن) ترى عن مجمل الناس مكلوف = وكل (ن) حياته في حياة قضيه
والنقد غير الحقد والكل معروف = مبداء ذكي يا اهل العقول الذكيه

صالح سعود / أبو مهند

[مبروك بن ماضي]

اخوي المبدع : أبو مهند
الشاعر / صالح سعود
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[صنداح الزلامى]

الشاعرالقدير // صالح بن سعود

الف الف صحة للسانك ابدعت بكل حرف كتبت

قصيدة جميلة تحكي واقع ملموس وهكذا الشعراء

لابد وان يكونوا هم من يرسم في قصائدة مثل ما تكلمت

عنه لحيث ان الشعر رسالة من خلالها يتفهم الاغلبية

سجل اعجابي واحترامي لك

[منيع]

ابيات رائعه ومعبره
شكرا لكم
تحياتي وتقديري

[عمر ال شيبي]

صح قلبك والسانك

سبكتها حروف ومعنى

سلمت

[عبدالرحمن بن زهير]

شاعرنا صالح سعود لا تخلو الساحه من مثل هؤولاء ولكن ماقصرت فيهم صح الله لسانك وبيض الله وجهك يالجزل

[عبدالعزيز البليهد]

اخوي صالح الله يكون بالعون الدنيا تبي صبر

تصوير لواقع مؤلم للاسف وعسى الله يهدي الجميع

صح لسانك ولاهنت

[داعي الشوق]

صح لسانك يالشاعر صالح سعود

قصيدة رائعة و هادفه

لله دررررررك

شاعر كبير يا بو مهند

و معروف بالجزالة و الابداع الجميل

صح لسانك مدد

مع التحية لك

،،،،،،،،،،،،،،،،،،،،،،،

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[صعبة المنال]

صدقت

قصيدة جزلة

من شاعر متمكن

صح لسانك

صعووووب