اكبر غلط انك تعمم بلا قياس

[الطائر المهاجر]

اكبر غلط انك تعمم بلا قياس = على الجميع اخطاء قلّه رديّه
في وقت فيه الوضع لاشك محتاس= ماعاد تدري بالقلوب النقيّه
إلا بفكرٍ واعيٍ مابه نعاس= يدري بأن الحبل ماهوب حيه
ومن يعرف التاريخ يدري بجساس=وحرب البسوس ودور شمطاء الرزيه
ومن يجهل التاريخ مصيوب باعماس= ما يدرك اللي ينطبخ من نويه
فرق تسد خطّة عدوٍ ودسّاس= همه يشوف الأخ يقتل خويّه
والله ومرنا بالتكاتف على ساس= في كلمة التوحيد نلقى الهويه
ونحمي بلدنا من عدوٍ وبلاس= كيان واحد يرفض المذهبيه
واي اختلاف بيننا يجلب اتعاس= ويعطي عدانا فرصة للأذيّه
ماقامت اسرائيل إلا على ارماس= ممن حشر في ديرته من اخيّه
وهذا العراق اليوم يلفظ للانفاس= فارس تحكمه والعرب به ضحيه
وغيره بنفس الدرب فالفكر بافلاس= ننفذ بجهلٍ مارسم بالخفيه
ماشادت امريكا على الكون نبراس= إلا بتلاحم شعبها بالحميّه
بغض النظر عن دين او نوع الاجناس=شادوا وسادوا في جميع البريه
فاخوك من كف الأذى عنك باحساس= وعاملك بالمعروف في كل هيّه
وفكرٍ نتج عن برمجة عقل واهجاس= مالله ومر به او ومر به نبيه
فاصابعك ماهيب واحد بمقياس= ومن عمم بحكمه فلا به رويّه
من عاملك بالطيب حطه على الراس= ومن عاملك بالخبث عامله زيه
حاله بحاله دون تعميم واحداس= من فكر واعي يرفض العنجهيه

[نجم الإبداع]

الله الله

صح لسانك يابو عبدالله

مصافحه واعيه

لاهنت

تقبل مروري

وتقديري

[عمر ال شيبي]

المشاركة الأصلية كتبت بواسطة الطائر المهاجر

اكبر غلط انك تعمم بلا قياس = على الجميع اخطاء قلّه رديّه
في وقت فيه الوضع لاشك محتاس= ماعاد تدري بالقلوب النقيّه
إلا بفكرٍ واعيٍ مابه نعاس= يدري بأن الحبل ماهوب حيه
ومن يعرف التاريخ يدري بجساس=وحرب البسوس ودور شمطاء الرزيه
ومن يجهل التاريخ مصيوب باعماس= ما يدرك اللي ينطبخ من نويه
فرق تسد خطّة عدوٍ ودسّاس= همه يشوف الأخ يقتل خويّه
والله ومرنا بالتكاتف على ساس= في كلمة التوحيد نلقى الهويه
ونحمي بلدنا من عدوٍ وبلاس= كيان واحد يرفض المذهبيه
واي اختلاف بيننا يجلب اتعاس= ويعطي عدانا فرصة للأذيّه
ماقامت اسرائيل إلا على ارماس= ممن حشر في ديرته من اخيّه
وهذا العراق اليوم يلفظ للانفاس= فارس تحكمه والعرب به ضحيه
وغيره بنفس الدرب فالفكر بافلاس= ننفذ بجهلٍ مارسم بالخفيه
ماشادت امريكا على الكون نبراس= إلا بتلاحم شعبها بالحميّه
بغض النظر عن دين او نوع الاجناس=شادوا وسادوا في جميع البريه
فاخوك من كف الأذى عنك باحساس= وعاملك بالمعروف في كل هيّه
وفكرٍ نتج عن برمجة عقل واهجاس= مالله ومر به او ومر به نبيه
فاصابعك ماهيب واحد بمقياس= ومن عمم بحكمه فلا به رويّه
من عاملك بالطيب حطه على الراس= ومن عاملك بالخبث عامله زيه
حاله بحاله دون تعميم واحداس= من فكر واعي يرفض العنجهيه

الله يحماك
ويسلمك

الوحده من حلمنا

سلمت لا هنت
واهي وداهي وافي عداك العيب

الله ما اجملك
كلنا رفض العنجهيه
صح لسانك

[ابو تواف]

ياسلام عليك وعلى ما تقول


ياليت يطبق هذا الاحساس بين كل المخاليق


لله درك مدرسه بل اكاديميه تعليميه


كل الشكر لك دكتورنا الفاضل ولما تجود به علينا


من هذه الدرر النفيسه وهذه التوجيهات السديده


تقبل احترامي وودي

[ترانيم المطر]

الله عليك بو عبدالله

وافي بكل المقاييس

ومبدع بكل حالااتك

لا تحرمنا جديدك لا هنت

تقبل تحيتي وتقديري

ودمت بود

[حي الضمير]

صح لسانك وفكرك يابوعبدالله
قصيده رائعه وابدعت بارك الله فيك
أجزل التحايا والاحترام

ــــــــــــــــــــــــ

[سناعيس]

صح لسانك يابو عبدالله
وهذه هي المشكله
التعميم ووكالة يقولون
لله درك
قصيدة أوجزت بها الواقع

لاهنت

تحياتي

[صعبة المنال]

جميل ... من حكيم
والحكم فى عدم التعميم ..والتروى بالقياس
من غير عنجهية وتعصب

صح فكرك

صعووووووووووب

[منيع]

ماشاء الله عليك
ابدعت واجدت
بارك الله فيكم على هذا الفكر النير
تحياتي وتقديري

[مبروك بن ماضي]

الاخ الفاضل الشاعرالعلم / د عثمان العبدالله
لله درك من شاعر متمكن ومدرسة شعرية يُحتذى بها
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي