ثلاثين صافية \ ترى الروس من ضرب الأسنة

[ماجد الزيد]

يقول الفتى ماجد له بطرقِ قافيّه=وقد عد من دهّره ثلاثين صافيه
ثلاثين ليله لا سواهن وغيرهن =لك اللّه يا وقتي فلا أدركت ما فيَّه
فبي كلَّ حسراتن على فقد ما مضى=ما يكفي عن الأقوام ألفين كافيه
فماذا عسى يسوى الدهر بعد أجود ٍٍ=ومقرن مذل الروم في كل نافيه
أتاهم ولا ابّنٍ لهم ثمّ ها لهم = ترى الروس من ضرب الأسنة ها فيه
وهو راعي الحيزا وابيها واميرها=وسلطان بر الشرق حامي مرافيه
حماها من عْمان المسمّى الى عمرو=على الدما هامات الاعْداءَ طافيه
أتى له من الرحمان أمر مقدرٍ=فنال الشهادة بأرض لنجه موافيه
فذا مقرن ومن غير مقرن إلى حمت=يفجّ الصّفوف ان جت الى العرب سافيه
وذا اليوم ويش العرْب من بعد ابن جبر=شيوخ ٍ تسمّى ما تعدّت متافيه
فأين الذي عزّت شمائله كلّها=الى عدّو الأبطال مقرن على فيه
فهل انْت إن اقبل من الروم هل ترى=نطيح ٍ لهم يضرب بشلفاه شافيه
فبي دين ربّي يازماني و أمتي=رجال ٍ عليهم كل الاقوام جافيه
غريبن وطوبى للغرب جنةً الخلد=يعيشون اغراب ٍ الى كشف خافيه
فكل اشعثنٍ اغبر مجافينه الملا=ويرجي من الرحمان عفْوٍ وعافيه
طواه الحزن طي السجلّات للكتب=على التي من عدّة أعوام غافيه
بكاها كما يبكي اليتيّم اميمته=ويمسح وهو ينشق بردنه دوافيه
ففقده لها عصّار فيٍ بسرة القلب=وهل يبكي الرّجال الا لوافيه
فيا ناشدي عنها ومن هي وهل هيا=الى اين حتّى ثم ماذا اُوافيه
فيبكي الرجل حتّى عيونه تبيضت=عظيمه ولو انه يصاب بشعافيه
ففي كل وادي بعدها صرت نازلن=فراشي الاديمُ والسماءُ لحافيه
فقل للذي يبدي اليك ملامتي=سيبكي الدّهر لام الجديلات ظافيه
سيبكي عليها لين يتلونه البشر=يجارونه من الناس حافي وحافيه
سيبكي عليها لين تنهض من القبر=وترضع حليب العز لافي ولافيه
تسلّم من الجبري القريشي ماجدن=وداعه من الّي قد بعث لك قوافيه
ومثّلي يموت ولا بخنتوا سريرته=كتومن كقبرن مايبيح بخوافيه
تزنّ الليالي فوق راسي ونا لها=تعوصف على جال ٍ رواسي اثافيه
كطودن رسى ما بين ابناء لابته=اسودن وعن سوء الليالي تكافيه
فربعي بني خالد والى قيل خالدي=فقد حزّت مجد العرب في اطرافيه
فجدّي ابا سليمان وهو حامي الحمى =واخوالنا من روس عامر وصافيه

[النهج المختلف]

صح السانك أخوي المبدع ماجد حمد الزيد

لاهنت ولا هان راسك الجزالة دائما تفوح من حرفك وشعرك

ونعم فيك وفي لأبتك بني خالد ,,, تقبل تحياتي وتقديري ,,,

[عبدالعزيز العمار]

صح الله لسانك ياماجد::

جزل مايجيب الا الجزل .. لاهان راسك..

استمتعت بها بحق .. تقبل مروري وتحياتي..

[ابوعبدالرحمن القريشي]

ماجد حمد الزيد
والنعم فيك وفي لابتك وفي قوافيك الجزلة
اتعبت الحوف واعجزت القوافي

استمتعت بمروري من هنا

دمت بود

[داعي الشوق]

صح لسانك يالشاعر ماجد الزيد

قصيدة جدا رائعه كروعة شاعرها

تسلم والله و صح لسانك مع التحية ،،،

كفو ياماجد


وصح لسانك مدد بلاعدد
والشهاده فيك مجروحه ...



لاااهنت..



إحترامي وتقديري

[سناعيس]

صح لسانك ياماجد
والله لايهينك على هذه الجزله
كثيرا ما نستمتع بجزيل القصيد
من شاعر فذ اسمه ماجد
بيض الله وجهك

تحياتي

[شعيل الزلامي]

اخي العزيز/ماجد الزيد
والنعم 000000000000000000000000000000 000000000000يعني بلاحدود
واقول لك هذا هو حال الدنيا
والدنيا دورات كما يقال
يعطيك العافيه على هذا الجزله
والنادره في كل النواحي

[صوت الإحساس]

صح لسانك ياماجد



وش اقول


الصمت والله أبلغ

من حروف لن توفيك حقك


صادق ودي

سلمت يداك

للكلمات الاروع من الرائعة

والممتعة جدا

تحياتي لك