الاياهلي قومو معي قبل يبرى الحال

[الطامي]

ادعو معي لي بظهر الغيب
بعد قراءة القصيده

قمة القهر والذل والهون للرجال = افراقه بعد جمعى طويله بها اغراسه
يفارق عزيزن له سبب نمة الحثال = سعو بالفراق و خطة جات بدراسه
اذا جاه قال اعلوم واعلوم ماتنقال = واعلومن خصوصيه دقيقه وحساسه
تقولون وش في حالتك كنك بغربال = لاتاكل ولا تشرب والافكار محتاسه
هني الذي له خاطر يشرب الفنجال = يعالج خوى راسن بعد طول اعماسه
وهني الذي له خاطرن ياخذ المقيال = يريح عنى جسم تعب من فكر راسه
الا ياهلي قومو معي قبل يبرى الحال = ترى الحال مني واصلن حد مقياسه
وشوروعليه ايقود سلمي مثل مازال = عسى الروح تهنى من شقى الوقت واتعاسه
واذا ماجتمعنى يعني الحال ولى وزال = واثامي عليه وفدوتن له على ارما سه

معاني الكلمات
1- ارماسه ،، تعني رمسه القديم اي اثاره القديمه

[عبدالرحمن الصباح]

الغالي منصور الوذين المري صح السانك وعلا شانك مبدع كعادتك اسجل اعجابي وتقديري اخوي

[الطامي]

سلمت يداك وكل شر تخطاك
تسعدني طلتك يالغالي
لاهنت

[الأموره]

صح لسانك ملايين ،،

سلمت و سلم هالهطول ،،

الف شكر لك ،،

دمت برعاية الخالق ،،

[حي الضمير]

جمعك الله بمن تحب دنيا واخره

شاعرنا المميز منصور صح لسانك وعلا شانك

قصيده تستحق المرور والتأمل في معانيها

لاهنت يالقرم

[عذب القوافي]

الأخ الشاعر/ منصور الوذين المري

صح الله لسانك

وافيه من وافي

تقديري .

[صوت الإحساس]

اسعد الله قلبك بتحقيق رغبتك هطول معانه من السماء إلى قلوبنا صح نبضك وأضاء الله دربك

[الخنساء]

صح لسانك اخي الشاعر منصور
لاهان راسك قصيدة رائعة
سلمت وسلم شعرك
دمت بخير

قصيده جزله يامنصور


إستمتعت جدا ً بقراءتها
صح لسانك حتى ترضى ..




تحيتي وتقديري

[مبروك بن ماضي]

الأخ الشاعر/ منصور الوذين المري

صح الله لسانك وجاد بيانك
جزله من راس جزل
دم للإبداع والتألق
وتقبل تحياتي وتقديري
أخوك / بن ماضي