جديدي(بني شويمان)

[عبدالله الشويمان]

السلام عليكم ورحمة الله وبركاته..وكل عام والجميع بخير..
هذه القصيده جديده نظمتها وألقيتها بمناسبة اجتماع اسرتي وعزوتي الشويمان ..(الاجتماع السنوي)
لهذا العام ثالث ايام العيد..والذي ضم جميع رجال الشويمان من جميع مناطق المملكه المتواجدين فيها.
على ارض مهبط رأسهم محافظة المذنب.وأقول فيها:

عليكم يا وجوه الخير مني=سلام الله وزود الاحتراما
بهذا الجمع يسعدني وقوفي=ويشفي خاطري رد السلاما
دواعي وقفتي ماهي غريبه=لجل أهلي رفيعين المقاما
اذا لابه وهايم في غلاهم=فلا يلحقني أحدٍ في ملاما
لقيت الوقت يسعفني بفرصه=أعايدكم عقب شهر الصياما
لعل الله يكرِّمكم بفضله=ويقبل صومكم في كل عاما
هجوسي هيضها فيكم يشرف=من أقصى القلب ريحتها خزاما
مدام إني أعرف أنظم قصيدي=بشد الحيل واكرب للحزاما
حلات الشعر لا جا بالعزاوي=يغنابه كما سجع الحماما
مرامي يا بني شويمان أذكر=محاسن من محاسنكم تساما
دسم طيب وكرم منشور صيته=مع العربان ما شابه ظلاما
سميتوا بالشهامه والمراجل=على هام السحايب والغماما
لو ان إحجارة المذنب تكلم=عن اهل الطيب تسبقني الكلاما
يأيدني بثنايا كل خير=على منح الشهاده والوساما
مباديكم مبادي ما تخالف=علوم الدين وسلوم الكراما
الا يا عزوتي يا تاج راسي=عسى طبعٍ طبع فيكم إيداما
نعم وآقولها في صوت عالي=على مرقاب عالي يالنشاما
اياديكم بدم الحيل حمراء=على مرور الزمن واسم وشاما
لعين الضيف تفدون الجزايل=مع دلالٍ بهيل الهند عاما
شذاه براس راع الكيف صحوه=تطيب خاطره لو به إسقاما
ولو إني أبي طول القصيده=بذكر افعالكم دامت لعاما
يغبط افعالكم من تقصر إيده=عن الطولات وانتم بالسناما
مواقفكم نقا يا اولاد وايل=على المشراف رايتكم علاما
أباقف عند هالنقطه ببوحي=بذكر المصطفى خير الاناما
نبي الله صلى الله وسلم=عليه إعداد من صلى وصاما

عبدالله الشويمان-الرعد

[يوسف الشقران]

اللهم صل على نبينا محمد

الف الف الف الف الف صح لسانك

اقبل تقديري وتحيتي

[سناعيس]

صلاة ربي على النبي
صح لسانك ياعبدالله
وألف نعم فيك وفي بني عمك والويلان كلهم
ويستاهلون
والله يبيض وجهك على هالجزله

تحياتي

[ابو زياد]

صح لسانك يالرعد
ونعم بك ياعبدالله وبالشويمان كلهم
الله لا يفرقكم

[عبدالرحمن الصباح]

الف نعم بك وبجماعتك وصح السانك وعلا شانك جزله من راس جزل

صح السانك اخوي

ابيات في قمة الروووووووووووعة

يعطيك الف عافيه

ولا تحرمنا يديدك

صح لسانك بلا حد

لا هنت

بوح صادق ومشاعر جياشة

دمت بود

المفروض هم يفخرون فيك
لأنك كفو

صح الله لسانك
لا هنت ولاهان ربعك

ونعم فيكم جميع

قصيدة وافية ،، سجل إعجابي وهنيئاً لهم بك

[مبروك بن ماضي]

الاخ الكريم الشاعر / عبدالله الشويمان
صح لسانك وجاد بيانك
والنعم فيك وفي ربعك وجماعتك
وكل عام وانت بخير وكل آل شويمان
تقبل تحياتي واحترامي ،

[محارب]

اخي الغالي

شاعرناالقدير

ياهلابالشعر

وياهلابالقصيد