مجاراه (رثائيه)

[ابو أنس]

هذه قصيده رثائيه من زميلنا المنقطع ابوزياد في فقيد العائله رحمه الله...

نجوم الليل لو تبكي ويبكي صبحنا الوضاح=وضلع طويق لو يحكي وينشر صادق شعوره
سبب فقدك ياوالدنا و يسمعنا الحمام نياح=عقب فقدك مشاعرنا غريبه بس معذوره
يحير الراي من عقبك يضيع القفل والمفتاح=عسى الله يسقي قلوب عقب فرقاك مدهوره
عقب عينك عيون الخلق غالي دمعها ينساح=ودمع العين مايطفي لهيب الجوف وحروره
سلام الله على قصرٍ تنام بداخله مرتاح=سلام الله على قصرك وينشر داخله نوره
سلام الله على روحك وريحة طييك الفواح=سلام الله على يمناً تمد الخير وجسوره
انا اشهد والعرب تشهد بطيبك ياندي الراح=ويشهد ربنا بانك وصلت قلوب مكسوره
عسى الله يرحم عضام بدرب الخير ماترتاح=عسى الله يرحم عيون بدمع الخوف مغموره
صورك البيض ماترحل عن الخاطر ولا تنزاح=وصحايف دنيتك تبقى بفعل الطيب مسطوره
عزانا والعزى بالله بان الله كساك وشاح =من السمت ومن الحكمه وحب الخير وبحوره

أبوزياد (عبدالله الحسن)





مجاراة لقصيدة ابو زياد

سلام الله على فكرن تهلهل بالقصيدوباح=نثرمااكتن في صدره من الاهات بحروره
يعزيبالفقيد اللي تركنافي الحياةوراح=رحل واودع قلوبن من لهيب الفقد مكسوره
رحل يم المنيه منوته انه قبل يرتاح=من آلام الرجل حيث الرجل بالقيد مهجوره
يبي أيضابأنه ياتي المسجد بلياسلاح=بلاعكاز أوسايق اوانه يخفق بدوره
والى من الإمام اخضع بسجده للولي انساح=مثل غيره بسجده خاشعه للرب محصوره
عقب مامرت سنينن فقدطعم السجود وراح=ينزل غترته كوده يحجب الشوف ومروره
لأنه عارف السجده خضوع للولي بالحاح=وتكمل بانقطاع عن شواغل تقطع الصوره
ويبي لامن قصد مقصد يصيرن الرجول صحاح=يوصل بِره بنفسه يمد الكف مستوره
ويبي حبل الوصل منه طويل ويلبسه بوشاح=الى زار القريب اومقعد رجليه موسوره
نظيف الصدر له قلب رهيف حاضر المفتاح=يهزه موقف الرحمه ويظهر صادق شعوره
والى زاره قريب بشّ له واظهرله الافراح=صغيرالسن اوشايب فقير اوزينه اموره
ابدمارام يخطب ود راعي منصب اوله راح=يداهن له اويواطيه كود يمد في جسوره
صدوع بكلمته في الحق ظاهر كلمته مصباح=تضوي ساعة العتمه صريح وصادق بشوره
عسى ربي يحول قبره الضيّق رياض فساح=على مدالبصر يكفيه ضمة قبره وجوره
ويبنى في جنان الخلد له قصر وله مفتاح=يسلم باليمين كتابه المشرق وهو نوره
ويجمعنامعه في عالي الفردوس رٓوح وراح=ونلقى والديناكلهم بوجيه مسروره

أبوأنس )

[حوريه]

ابـو أنس
ابو زياد
عـظم الله اجـركـم واحسن الله عـزائـكم
واسكن فقـيدكم الـفـردوس الأعـلى
شـعر مـؤثر من شـعراء كـبار
ومــجارة معـبره ورائـعـه
صـحت قـلوبكم ودمـت بألـف خـير
000

[كظيم]

رحم الله فقيدكم واسكنـه فسيح جناتــه

ابو أنس
صح لسانك وفكرك
مجاراه محبوكـه ووافيــــه من وافي
ابدعت فيهـا يالغـلا لله درك
وصح لسان ابو زياد
والله يرده بالسـلامــه

تقبلني وتقبل اعجابي ومروري المتواضع لاهنتم
ودي وتقديري

[الخنساء]

صح لسانك مليوووووون
قصيدة جزلة من شاعر متمكن
احسن الله عزاكم والله يرحمه ويغفر له
سلمت ودام حرفك

[عبدالعزيز العمار]

مجاراة جزله لشاعر جزل

عظم الله اجركم وأجبر الله عزاكم

صحت الالسن ولاهنتوا

تحياتي وتقديري

[الطائر المهاجر]

الله يغفر له ويرحمه
ويجبر عزاكم ويلهمكم الصبر والسلوان
ويجمعكم به في الفردوس الأعلا
مجاراة وافيه
صح لسانك
ولا هنت
تحياتي

[فارس القوافي]

الله يرحم فقيدكم يابو أنس

ويعظم أجركم ويحسن عزاكم

مجاراة من نوع آخر

صح لسانك

لاهنت

يعطيكم العافية

دمتم بخير

[منيع]

من اصدق الشعر شعر الرثاء
رحم الله الفقيد رحمة واسعة واسكنة الفسيح من جنتة
ابيات ومجاراة مؤثرة وصادقة
تحياتي

[روح الشعر]

ابو انس

صح فكرك مجاراة رائعه

لاهنت

الله يجبر كسركم

[نجم الإبداع]

رحمة الله على فقيدكم رحمة واسعه واسكنه فسيح جناته


درتان في الرثاء يا ابو انس


صح لسانك ولسان ابو زياد


واحسن الله عزائكم

ولاهنتما

تقديري