بالحرام ...قصه مثيره(إهداء خاص)

[سمّار]

بالحرام انك وَهَج هالديره=وإن تغيّبت انعمَت وانصمّت
ما بو علومٌ ولا بو سيره= غير لاحضرتك فيها اتْسمّت
ان لمع سيفك وشعّ شطيره=رَجْفَت قلوب الردا وانغمّت
والجيوش اللي تجيك مغيره=من مقاطيع الطرق والتمّت
كل واحد قام باع خشيره=والبيوع على النجش ما تمّت
ياسوالف ورد فاح عبيره =ياربيع الروضه اللي جمّت
صُب فنجال الغلا ونديره=لين تروى روح فيك انحمّت
همّت على شئ يالله الخيره= ياعسى همّت بمن هي همّت
مرحبا ربّع بقلب الحيره=لو تكن جولتك قبله عمّت
الشغاف مبَسِّطين حريره=والعلايق لك رخت وانزمّت
انّ مهما كان من هو طيره=كفخة جناحه لقلبي ظمّت
والله ان القصه عاد مثيره=ما وعتها الا نفوس اهتمّت
عيد مرسالك وعِد تحريره=عطّر انفاسٌ لعطرك شمّت
دامني آشوفك وهج هالديره=فان تغيّبت انعمت وانصمّت

[فارس القوافي]

هلا ابو هاشم

صح لسانك

لاهنت

يعطيك العافية

دمت بخير

[داعي الشوق]

صح لسانك مليون يا بو هاشم

تقبل مروري السريع

لي عوده ولاهنت

[الطائر المهاجر]

سلمت
وصح لسانك وقلبك
ولاهنت
طيبة من راس طيب
تحياتي

[عبير الورد]

الله الله


صح لسااااااانك ملايين

سلمت وسلم منطوقك الجزل

ربي يعطيك العافية

[السحيباني]

صح لسانك وكلك يامبدع
ولا هان راسك
احترامي وودي

[حي الضمير]

قصيده رائعه وابدعت
ومدد صح لسانك

[الـزلـزال]

سمّار

نص رائع وجميل
من شاعر رائع في كل مايقدمه
أبدعت وأمتعت شاعرنا
دمت ودام لنا حرفك
صح لسانك ملايين ملايين
ولك فائق تحياتي وتقديري

[منيع]

ابداع وتميز
شكرا جزيلا
تحياتي لكم

[حرف وشعر]

نص بديع من شاعر مبدع

ابا هاشم صح كلك