سلامتك يا من بحبك تعليت

[الطائر المهاجر]

سلامتك يا من بحبك تعليت = عرش القلوب الطاهرات الوفيه
سلامتك تعداد من حج للبيت = وعداد من سلم ورد التحيه
سلامتك من وين ما رحت او جيت= ويمد في عمرك سنينٍ هنيه
مالوم ظهرك لو شكى او تعنيت= شايل هموم الخلق صبح وعشيه
مخلص نقي القلب وافي ووفيت = فعلك سبق قولك على صدق نيه
طيّب ومتواضع ولاقد تعاليت = كملك ربي بالخصال النقيّه
حتى سرقت قلوب شعبٍ توليت= ومعهم عباد اللي خلق للبريه
بعهدك لقينا الخير فينا توصيت= وصرنا نفاخر بالوطن والهويه
للي يشوف الخلق من مجد علّيت = في كل امان وعدل بين الرعيه
يحفظك ربي كلما اصبحت وامسيت= ويحفظ عضودك مكملين الوصيه
وصية المرحوم من حط تثبيت = وارسى قواعد مملكتنا الفتيه
صقر الجزيره عالي الشان والصيت= موحد شعوب اهلكتها المنيه
مابين جوع وحرب والكل تشتيت = وامراض تفتك مالهم مقدريه
حتى نقذهم عالمٍ سر ما اخفيت = بعبدالعزيز اللي قليلٍ خويّه
ومن بعده رجالٍ وانا ما تماديت= لاقلت ذاك الشبل يشبه ابيّه
رجالٍ على اليمنى اذا ما تناخيت= فخر الجزيره بالوفاء والحميه
يحفظك رب العرش ياخادم البيت = ويمد في عمرك سنينٍ هنيّه

[داعي الشوق]

و صح لسانك مليووووووووووووون

قصيدة وافية من وافي

وسلامة ابو متعب

وعيدك مبارك يا بو عبدالله

ولاهنت

[حرف وشعر]

ابوعبدالله صح الله السانك

كفيت ووفيت

تقبل مروري

[منيع]

مالـوم ظهـرك لـو شكـى او تعنـيـت
شايـل همـوم الخلـق صبـح وعشيـه

ياسلام عليك
ابدعت واجدت
في رجل يستحق الثناء والمدح
تحياتي لكم

[الخنساء]

صقر الجزيره عالي الشان والصيت

موحد شعـوب اهلكتهـا المنيـه

مابين جوع وحرب والكل تشتيـت

وامراض تفتـك مالهـم مقدريـه

حتى نقذهم عالمٍ سر مـا اخفيـت

بعبدالعزيـز اللـي قليـلٍ خويّـه

ومن بعده رجالٍ وانا مـا تماديـت

لاقلـت ذاك الشبـل يشبـه ابيّـه

رجالٍ على اليمنى اذا ما تناخيـت

فخر الجزيـره بالوفـاء والحميـه

يحفظك رب العرش ياخادم البيـت

ويمد فـي عمـرك سنيـنٍ هنيّـه

صح لسانك مليوووووون ولايكفون
قصيدة جزلة من شاعر محنك متمكن
سلمت ودام حرفك

[عبدالعزيز العمار]

ابوعبدالله

صح لسانك وجاد بيانك

كتبت فأجزلت ويستاهل ابومتعب المدح والله يقومه بالسلامه

وانت تستاهل الثناء والشكر وكل عام وانت بخير

تحياتي وتقديري

[ماجد الراشد الهيري]

الدكتور عثمان
مشاعر صادقه وكلمات معبّره جدا لخادم الحرمين صقر العروبه
هنا اجد للابداع والتميز حضور له في قلوبنا اجل مكانه منها وفيها ولها ترابط الاب بابنه
ملحمه أقل مايقال عنها انها كتبت باحرف من ذهب
اشكرك على هذه الباذخه الفكريه الفريده والجميله والمتأججه في نفوسنا وقلوبنا
لاهنت ولاهان فكرك

[الـزلـزال]

الطائر المهاجر

قصيدة وفاء ومدح مميزة ومتقنه

من شاعر متميز وجزل في كل مايقدمة

مبدع طائرنا دائمآ ومروي للذائقة في كل ماتقدمة

حلق وزد بتحليقك الشعري

ولنا الأستمتاع والتصفيق لك بحرارة

الله يحفظ خادم الحرمين ويمدة بالصحة والعافية

والله يحفظ أسرتنا المالكة ويرحم موتاهم وموتى المسلمين

صح لسانك ملايين ملايين

ولك فائق تحياتي وتقديري

[عبدالله راشد الثويني]

يحفظك رب العرش ياخادم البيـت

ويمد فـي عمـرك سنيـنٍ هنيّـه

اللـــــــــــهم امين
الله يطول بعمره ويمده بالصحه والعافيه

صح قلبك يابو عبدالله دائماً سبـاق للخير
ترجمت مانكنـّه عبر ابياتك الجزله وتكلمت بلسان الشعب الاوفياء
تسلم يمناك ولا هنت
طامعين بجديدك دائماً
تقبـّـل تحيتي

[نجم الإبداع]

اللهم امين

صح لسانك يابو عبدالله وقلبك

ويستاهل ابو متعب

لاهنت

تقبل مروري

وتقديري