حي الوسم

[ابو أنس]

حي الوسم تحية الناس للعيد=يسقي قفارٍ من سنينن محيله
يسقي الحريّق سهلهايسقي الحيد=حتى تحدر به صنوع جميله
مثل الحيايالامشت باوسط البيد=ثمن ملت حكرالنخيل ومسيله
والارض من عقب المحل صارت تزيد=ثم اكتست بالعشب وابهى خميله
وياعل شعبان الحماده أخاديد=ثم يتعاقبهاالسحاب ومخيله
يسقي فلاة الداهنه وبل ويعيد=لين الفياض الممحله ترتكي له
ويعلها بارض الجريفه تراديد=والصوح وايضافي عطيه مقيله
يروي المشاش من المطردون تنكيد=ووادي القصب يم الجفاره يشيله
يسقي الجزيره كلها دون تحديد=سهولها والنايفات الطويله
تلقى الزبيدي يجمعونه اواليد=وسط المناقع والآيادي تشيله
رزق من الرحمن محصي الاجاويد=في كل ديره من عباده حصيله

[داعي الشوق]

آمين آمين يا ابو انس .. ربك كريم

وصح لسانك ملاييين

قصيدة موسميه .. ترعد و تمطر ابداع و جزاله

يسلم إحساسك يالشاعر

مع خالص تحياتي لك ،،

[الطامي]

ابو انس
صح السانك ملايين
رائعة الله يتقبل
لاهنت اخي

[الطائر المهاجر]

يسقي الحريّـق سهلهايسقـي الحيـد
حتـى تحـدر بـه صنـوع جميلـه

دارٍ تركها اهلها مابها مفيد=صارت اثر يذكر بليا دليله
لو جاء لها الوسمي فلا فيه تسديد= لو تبنب الكمأه فلا من يشيله

صح لسانك
ولاهنت
تحياتي

[ابو أنس]

المشاركة الأصلية كتبت بواسطة الطائر المهاجر

يسقي الحريّـق سهلهايسقـي الحيـد
حتـى تحـدر بـه صنـوع جميلـه

دارٍ تركها اهلها مابها مفيد=صارت اثر يذكر بليا دليله
لو جاء لها الوسمي فلا فيه تسديد= لو تبنب الكمأه فلا من يشيله

صح لسانك
ولاهنت
تحياتي

حب الوطن في القلب ماهو تقاليد=لوطالت الخطوه لزوم نعني له
والى ابرقت من يمها حسي يزيد=واطمر على صلب المواتر واجي له
خرباتها وترابها واشهب الحيد=وعوج النخيل ومثمرات الفسيله
اخير عندي من مروج وأخاديد=واخير من ممتد عشب وخميله

[منيع]

ابيات اكثر رائعة
شكرا لك
تحياتي لكم

[محمد بن عمار]

الشاعر المتألق / أبو أنس
صح لسانك يالقرم
وبارك الله فيك يابعدي
لاهنت ولاهان غاليك
مودتي لشموخك العذب

[عبدالإله]

شاعر متميز وقرأت ما كتبت بإريحية
صح لسانك الوووف

جزله ومحبوكة بأبداع
تحياااتي و مودتي

[كامل السمات]

قصيدة رائعة
وجزلة من جزل
صح لسانك وعاش راسك
دمت بخير

[عاشقة السحاب]

شاعر مميز
صح نبضك وحرفك