ابو عبدالله شوي من وقتك

[ابو زياد]

انا جيت ادور لي رفيق من العام=اباادرس واباتعلم من المشرف العام
وابي نشرة منه عن الخاص والعام=ياحيثه بخيص ويعرف الدا وش اطبابه

[الطائر المهاجر]

وانا ماخذ غفوه ولو طق دمام = اظنه بشقرا ماوصل حول دمام
بحلم عن عصير جرى فيه دم ام= بوقت شديد ولا عرف به حبابه

[ابو زياد]

هلابك عدد ماخطت الخط الابهام=معك حل للي ضيع دروبه وهام؟
لمح له غزال ودش في بحر الاوهام=ولا عاد له قدره على شوفة احبابه

[الطائر المهاجر]

غزال شرد ما ظن تلقاه قدام = ولو سرت يمه لزم تتعب له اقدام
يبي له شجاع فالحرواي ومقدام= واظنك حبيب ولا تعرف السبابه

[ابو زياد]

ابي عون منه وكل ماجيت له شام=يشوف الجنوب ونظرتي شرق و شام
ابي طب في ضبي على وجنته شام=سباني وانا شفت الغثى من سبابه

[الطائر المهاجر]

تبي لك تعلم كيف تربط بليا لحام = وتعرف اذا هو من ولد سام ولاّ حام
تغني عليه ولا تراوده بافحام= ولا اوصيك مسحوب بجر الربابه

[نجم الإبداع]

ابو زياد

ابو عبدالله

صحت السنتكم

واصلووووووووووووووا لاهنتم

تحياتي وودي

[نسناس الهوى]

تألق ..
متابعين ولاهنتم جميع

[ابو أنس]

المشاركة الأصلية كتبت بواسطة المشرف العام

وانا ماخذ غفوه ولو طق دمام = اظنه بشقرا ماوصل حول دمام
بحلم عن عصير جرى فيه دم ام= بوقت شديد ولا عرف به حبابه

سلام الله عليكم ذا سلام الدين والإسلام= سلام اللفظ والمعنى واقول اليوم يا....سلاّم
وانا غافل ولاحرّكت لي مفصل ولا سُلام=ويوم ان المنادي جا لزمنا حق اليجابه

[ابو زياد]

الشاعر فلاح
الشاعر نسناس الهوى لاهنتوا
الشاعر ابوانس صح لسانك
مشرفنا ابو عبدالله شرفتني بقبول الدعوه
واستفدت منك