دق جوالي.. انسرق بيتي

[الطائر المهاجر]

دق جوالي ونا حول المنام= قال الحق بالشميسي لك قريب
والقط الدتسن اهابد ف الظلام = للطوارئ كود الاقي لي مجيب
وابحث بكل الأسامي بالتمام = مالقيت احدٍ قريب ولا صحيب
وارجع لبيتي بعد جهد وسقام = والتقي البيبان في وضع مريب
كلها مفتوح خلفي وامام = والعفش مسروق في وقتٍ عصيب
نظفوا بيتي على احسن مايرام= وما لقوا عندي دراهم او ذهيب
واركض البوليس واغطس ف الزحام= ويوم جاني الدور ناداني الرقيب
قلت له شكواي في موجز كلام = قال روح لين تستدعى قريب
ودام عودك سالمٍ فانت بسلام = يعوضك ربٍ على خلقه رقيب
ويوم جيت البيت حالي بانهزام = واثر كلش راجع بوقتٍ عجيب
ما كأنه لمس او صابه صرام = وش حصل .. مدري فذا وضعٍ غريب
والحظ اللي فوق طاولة الطعام = وريقةٍ فيها .. "تمهل يالحبيب"
حنا أهل البيت سكانٍ كرام = انشغلنا عنه يوم انك تغيب
في حفل تزويج بنتٍ للعمام = يوم جانا العلم قلنا امرٍ صعيب
كيف يسرق عمنا وقت العتام = وهو معنا ما صدر منه معيب
وانتخينا ربعنا بحرب وسلام= جيبوا الجاني فحنا له حسيب
وجابو الجاني معه ربعٍ لئام= وجبنا كل العفش من اقصى الشعيب
ونجلده حتى انبرت منه العظام= ومعه كل اللي تشارك في النصيب
من يعاملنا بلطفٍ واحترام = ننفعه والظن فينا ما يخيب
ومن غلط فينا بدينا بالخصام = نزعجه مايوم بالمسكن يطيب

[عمر ال شيبي]

الله هالله

ورب الكون ما حد مثلك مبدع مبدع
صح لسانك لا هنت

[حرف وشعر]

منصور يالذيب كفو ويستاهل اللي جاه السروقي

ومره ثانيه غلق الباب عدل ههههههه

[داعي الشوق]

ممتازة يا بو عبدالله جدا جدا

هذي لو شافوها طاش ما طاش شروها منك ،

صح لسااانك مدد ،

ابداعك لا حدود له دائما

ولاهنت يا مبدع

************

[عطر الياسمين]

روعه صح لسانك ولا هنت
تحياتي الطيبة

[الشعيبي]

درة ثمينه من شاعر جزل
صح لسانك الف
مع أطيب التحيه

[صعبة المنال]

وارجع لبيتـي بعـد جهـد وسقـام

والتقي البيبان فـي وضـع مريـب

صح لسانك

صعوووب

[الـزلـزال]

الطائر المهاجر

نص مميز ومتقن وجزل
من شاعر متميز ورائع في كل مايقدمه لنا
أبدعت وأمتعت طائرنا المميز العذب
حلق بفنون شعرك وعلينا الأستمتاع والتصفيق
صح لسانك ملايين ملايين
ولك فائق تحياتي وتقديري

[السبيهين]

ابدعت فحق لنا ان نستمتع
شكرا لفكرك النير
مع أطيب تحياتي

[الخنساء]

صح لسانك مليوووووووووون

قصيدة جزلة من شاعر متمكن

سلمت ودام حرفك