قصائد للنادرة

[سناعيس]

هناك شاعرة قديرة جدا وأسلوبها مميز جدا وأسمها ( النادره )
ومن قصائدها هذه القصيده الجميله والقويه أتمنى أن تعجبكم

يالله يامعبـود ياهـادي الـضـال=ياعالمٍ بالكـون عرضـه وطولـه
يامهـئ الارزاق عـلام الاجــال=يامنـزل كتابـه وباعـث رسولـه
اطلبك تغفرلي وتلطـف بالأحـوال=وتجيرني من شـر دنيـا ذهولـه
وتزيـل هـمٍ ماهـدا منّـه البـال=يمضي زماني وانهكتنـي حمولـه
الناس في وادي وانا اهيـم فجبـال=بوديان حزنٍ جرفتنـي سيولـه !!
القلب فيـه مـن المعانـاه ولـوال=والعين تبكـي والسعـاده جفولـه!
اخايل الفرحـه ولا شفـت همـال=متى تشوف العين لحظة هطوله ؟؟
لا ياقصيدي هات لي عـذب وزلال=مـن القوافـي بيـن الٍ واولــه
جزالتك ماناشهـا نقـص واشكـال=ياكيف تنقص (نادره) من تقوله ؟!
جهزّ سهومك واعيره تشعل اشعال=واطلق عنان القاف واسرج خيولـه
صوب الذي رجولته كلهـا اقـوال=هي جعجعه من غير تظهر فعوله !!
ياهيه يامخطي المراجـل وياضـال=عن دربها مثلـك تخونـه رجولـه
ترسل سهامك ذاه شاربك ماطال ؟ !=تعجز وانا اسمي فوق لا ماتطوله !
ياناكر المعـروف ياخايـب الفـال=ياواطـيٍ لا ماعرفـت الرجـولـه
المرجله عندك شماغٍ مـع اعقـال=ثوبٍ مفصّل بس يحشاه زولـه !!
وقفت لك بالعـز والجـاه والمـال=وعلمتك الاكـرام وشهـي اصولـه
شبيت ضوك بعد ماعشت بـااذلال=واطلقت وجهك ياصغير الحمولـه !
من قيض وقتك صرت لك فيَ وظلال=فرشٍ خضر والكل يرغـب نزولـه
ياما انصحوني قلت ماغيـر عـذال=واهم ماقالـو يخـون بسهولـه !!
رميت كلمتهم على يابـس الجـال=واغلقت يمّـك كـل دربٍ سعوولـه
بانت علومك لي قصيرات وطـوال=وستار عِرفك حان موعد سدوله !!
ماهمني قولك وانـا بنـت رجـال=عزي جبل تبطـي عظـم ماتنولـه
ارقا سنودٍ وانت مافيـك تحتـال !=وعلى القمم كسبت صوله وجولـه
الفخر لي دله لهـا العـز فنجـال=وطيب المبادي نلت فيها البطولـه
عرضي نزيه وسمعتي فخر الاجيال=وابوي شيخٍ وانت تفداء نعولـه !!
ذكره بياض الوجه لوغاب فرمـال=ولا انت حيٍ ماوصلت لوصولـه !
ذكري ينومس كل ذربيـن الافعـال=وتغتاض منّـه كـل كبـدٍ غلولـه
عسى حياتك كلها بـاارذل الحـال=وحظك تعيس منوخٍ لك ذلولـه !!
واشوف عينك تذرف الدمع همـال=ومن عز نومـك ياعساهـا ملولـه
واشوف بقعا عامله فيـك الاهـوال=والوقت يعلن في حياتـك ميولـه !
وبين المشافي علَك اقفاي واقبـال=شـرٍ يصيبـك حيرتهـم حلـولـه
والله يحرمك كـل تحقيـق الامـال=وتبقى عيونـك فالزمـان امعلولـه
اكبر خطا صرت اصفق يمين بشمال=درسٍ تعلمته واراجـع فصولـه !!
ظنيت في شخصك تواصيف رجال !=ولاانت لاشٍ جاهلتـك الرجولـه !!

.......

النادرة


تقبلوا تحياتي

سناعيس

[عبدالرحمن الصباح]

صح السانك ولسان النادره اختيار رائع تقبل ودي وتقديري اخوي

[ابومياس]

اهلا وسهلا بالبناخي والاخ العزيز

سناعيس

اختيار ذوق ياذوق

قصيدة جميلة

دمت بخير

[ابراهيم عبدالحميد]

أخى المتميز دائماً/ سناعيس

و تعريف للشاعره ( النادره )
بقصيده رائعه من فيض تألقها و إبداعها
سلمت يداك أخى و دام ذوقك الراقى

و دمت و سلمت و غنمت

[صعبة المنال]

نقل رائع

صعووب

[معتدل]

احسنت
ولاهنت
تحياتي

[البتال]

شكراً لك
اسمتعت بالقراءه
تحياتي

[البديعي]

شكرا لك
على الجهد الطيب
تحياتي

[المؤذن]

مشكور
على ما افدتنا به
تحياتي

[الحويطي]

بارك الله فيك
كتبت فقرأت فاستفدنا
تحياتي واحترامي