سلطه وقانون

[احمد الكثيري]

السلام عليكم

لو كان لي في الشرع سلطه وقانون =لاحكم على افعالك بحد الحرابه
هذا جزايه يوم سكنتك النون=تزيد قلبي بالحزن والكآبه
وش السبب قلي ترى القلب مطعون=انا انتظر يازين منك الاجابه
يكفي ثمان سنين بالحب مسجون=شفت القهر والحب ذقنا عذابه
امشي وحسبني وحيدٍ بهالكون=ياطول ليلي والسهر والغلابه
قالوا لي هونها ترى ايام وتهون=من يطلب المعبود ماصك بابه
عمري بعد فرقاه من دون في دون=حسبي عليه الله قاسي بجوابه
لجله سهرت ابدع مواويل والحون=اتذكر اوصافه وريحة ثيابه
هنيكم ياهل الهوى كم تنامون =ونا كما المطعون فاقد صوابه
ليته علّي يدق لو بالتليفون= وسمع صدى من خذ فؤادي وذابه
بالهون يالمزيون بالهون بالهون=هم الحشاء زايد وكلاً درابه
مجنون في حب ادعج العين مجنون=لوغاب لحظه ماتحمل غيابه
لو غاب عني ياملا يظلم الكون=عفت الملا لجله وعفت القرابه
في حبيّبي ياناس مهما تقولون=بصبر على زلات حضرة جنابه
تكفون يالابطال تكفون تكفون=قولوا لخلي القلب فاقد صوابه

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[عطر الياسمين]

ابدعت وامتعت لله درك
صح لسان وفكرك
تقبل خالص تحياتي

[منيع]

مبدع وجميل
ودي وتقديري
تحياتي لكم

ماشاء الله عليك أبيات في قمة الإبداع ..

لافض فوك ويعطيك العافيه

تحياتي وتقديري

[داعي الشوق]

صح لسااانك مليووون يا احمد

و الله يعين قلبك يالشاعر

ولاهنت يا مبدع اللحون

و صح لسانك

[حوريه]

حضور شعري جميل جدا ياأحمد
صح لسانك واحساسك
دمت ودام نبضك
0
0

[روح الشعر]

صح لسانك واعتلي شانك

قصيده جزله من جزل

جاد بيانك

[الـزلـزال]

أحمد الكثيري

نص مميز ورائع وجميل
من شاعر متميز ورائع في كل حالاته
أبدعت وأمتعت شاعرنا رعاك الله
دمت بقرب أحبابك ودام لنا حرفك
صح لسانك ملايين ملايين
ولك فائق تحياتي وتقديري

صح لسانك ويعطيك العافيه

تحياتي