وين ابو عبدالله المهاجر

[ابومياس]

المساء احلى مساء وين القصيد= طاب لي نظم القوافي والتغني
يالمهاجر هات لي كل المفيد= ضايقٍ صدري وابلعن كل جني

[الطائر المهاجر]

ان لعنته جاك لو دربه بعيد = اكسبه بالود لاتبدا التجني
اطيب من الإنس بالرأي السديد= ماخبرنا جن تقبل بالتدني

[ابومياس]

مشكلتنا بجننا دايم تزيد= وفي عقول يالمهاجر حجرني
انسنا صارت شياطينٍ مريد= ماسلم من شرهم حتى المسني

[الطائر المهاجر]

دبرة الخلاق يفعل ما يريد = والخلايق بين هذولا وذني
سرع قلبتهم خويٍ او ضديد = ماحدٍ يرحم ولا ظني يحني

[ابومياس]

لابغى له حاجة جاء من بعيد= يضرب الاسفار ناصيني متعني
عارفٍ جيته عندي مستفيد= ولاخذاها استدار وصد عني

[الطائر المهاجر]

المعادن ذابت بخردة حديد = وسط فرن النفط وافكار الهبني
والمصالح تحكم الوقت البليد= كل يطرد في سرابه مرجهني

[ابومياس]

خل عنك النفط لعبيدٍ وزيد= وغير الموضوع في طرقٍ يحني
الهواوي ذاب في قلبه جليد= من هواهن يارفيقي ولعني

[الطائر المهاجر]

سرع ما يقلب مزاجك يالرشيد = خايف من الموج وسيوفٍ تسني
رحت يم العشق وعلوم الخويد = ما ابيهن لو بحبٍ بادلني

[سناعيس]

الله الله الله
متابع وشكلكم بديتوا باللي ندور عليه
الكل منكم صح لسانه

وسنتابع ...

[متعب المتعب]

صح لسانك يابومياس ابداع

وصح لسان ابوعبدالله المبدع بعد

الله لايهينكم

وينك يابوعبدالله

متابعين

الليله صباحـــــي اعجل علينا يالطائر ..