العودة   منتديات الفطاحله > منتديات الأدب العربي/يمنع الفيديو > مرآة الأدب العربي

مرآة الأدب العربي قصائد فصيحه وخواطر لشعراء وكتاب يحتاجون للتوجيه

إضافة رد
 
أدوات الموضوع
قديم 13-04-2008, 01:35 AM   رقم المشاركة : 1
محمد اسماعيل الرفاعي
(أبوملاذ)كاتب وشاعر
 الصورة الرمزية محمد اسماعيل الرفاعي







معلومات إضافية
  النقاط : 10
  الحالة :محمد اسماعيل الرفاعي غير متواجد حالياً

 

افتراضي ثلاثة اعمــال للتقييم ( محمد اسماعيل )


دمــوع وطنــي
وا .. اسفي الوطن دمعاتو
سالن في الخدود جــاريات
وحاكن مقرن النيلين
على السدر الحزين إتلمو متقالدات
بيحكن في مآ سي عجيبة
وحاجات تفرح الشمات
واعجب حاجه حاصله علينا
انو بقينا كل ما يوم بيصبح
فينا
يلقى الحاله ياها الحاله
ما عارفين نقبل وين
الليله البنصبح فيهو نتمسابو
وتاني كمان بدون تغيير
ولا تبديل
ولا تحوير
ولا تعمير
ولا تطوير
والأسواق يوم تدور تمشيلا
يتلقاك جحيم وسعير
والسايس مكنكش تب
في الكرسي المريح ووثير
جمع حولو ناساً
همها التنظير
بتتنقل يوم وراء يوم
يوم في الطاقه
يوم ماليه
يوم الصحه
ويوم تغلب في كرسي بديل
بتمشي تساعد الريس
واصلو الهم جليل وخطير
ونفس الناس بتتداول
وتلعب لعبة الكرسي
والباقين يفتشوا فيهو
وينو شليل ؟؟
شليل وين راح
وما عافين شليلن في
كرش تمساح
وناساً همها التنظير
وجوغه بتعرف التطبيل
وتهتف بالنهار والليل
سير سير يا مشير
نحنا وراك للتعمير
وباقي الناس بتتبهدل
شباب عاطل بيتجمع
في ضل دكان
فلس حاصل
وكل بيحكي يا ما كان
زمان وزمان
وناساً تلعب الضمنه
وناس بتجوط مع الكونكان
وكل الأسرة تتجارى
فشان لقمة الكسرة
وما ينوم الطفل جيعان
والبتجيبو كان قضاها يوم يومين
باقي اياما كلو جروره بالدفتر
من الكنتين
وحليلك انت يا مسكين
وماك عارف الدرب بي وين
اكان في مريضه ولا مريض
لا في عياده
لا شفخانه
لا عمبر
ما اصلو الناس
كل الناس بتتعلم من الأيام
ومن البيها تتدكتر
واصلو الشعب كان فقران
وانتو الليله زدتو فقر
بعد ما زالت الطبقات
يا بالحيل تكون فقران
او تصدف تكون غنيان
حظوظك واسعه لما تكون
من الكيزان
بدل ما تجر من الدكان
حسابك في البنوك عمران
وشايل ليك كم دفتر
وتقدل في مشيك بشويش
وتتمخطر
لكين بس .. في حكمة بسيطة
حك الراس واتذكر
لو في دوام
و السبقوك اكيد اشطر
.




الجــارة

[size=5]
زمــان .. من زمن ولى
كـان الناس .. كل الناس
بدون اديان
وعايشين بس ..
على الإحساس
كانوا بخافوا .. حق الناس
ويقولو عليهو .. صـح كناس
وكان الناس .. كل الناس
بقيفوا على الخلق حراس
بيوتن كان بدون إنذار
بدون اجراس
وما كان بعرفوا الترباس
بيتك اصلو ما بيتك
وكل الفيهو حق الناس
بيوت من قش.. بيوت من طين
بيوت حيشان
وناسا بيكرموا الضيفان
أكان عرفوك زول فقران
ما بخلوك ولو فد يوم
تبيت جيعان
والجمبك غني وشبعان
وكان .. وكان
كان في زمان
اكان الناس
اكانو حنان
وإن حمي الوطيس شجعان
وفي الحرب الضروس فرسان
وكان الناس .. كل الناس
ما بترضى الشرف ينداس
وكان الجار.. بقدس حرمة الجاره
ولو بانت عليو فجأه
بيغض بصرو
لمن تخش البيت وتتضارى
وعن عينيهو تتوارى
ونحنا القلنا
ناس فاهمين
وناس قارين
وناس عارفين
حدود الدين
نغني ليها ياجارة
ما بتطلي من السور
ولا بالباب تجي زيارة
نتاوق ليها بالشباك
ونكسر ليها كم مدماك
نمد عينينا بالرقراق
نطارد فيها بالحارة
ونتصنت دوام لغناها
في الحمام
ونسمع في ترانيما
نحفظ كل تقاطيعا
ونعرف كل تفاصيلا
وكان واتتنا يوم فرصة
ابداً ما بنرتيـلا
نغني ليها طمبارة
ونشيل شبالا في الدارة
ومافي حرج ..
دي ما جاره
ونفوسنا الديمة اماره
بتوحي لينا
نعمل ازمة في الإسكان
ونتطاول في كل بنيان
عشان ما نكتر الجيران
ويبقى القددوة ( يعقوبيان )
دوام مسطول .. وكان جلا
بيجيك سكران
يغازل في سهى واحسان
يعاكس في مها وسوزان
ويعزل في الندي ورويان
ويعمل فيها .. بس سلطان
ويسقي الكل .. وما يخليلو
زول عطشان
وما في حرج ..
ما الكل في السكن جيران
ونحنا خلاص ..
بقينا خلاص ..
ما شاعرين باطمئنان
وقت نمرق نحس بي خوف
علي الشفع
علي ناس ملاذ وايمان
بعد ما جاطت الشغلة
وانطمست معاني الجيرة
والجيران
وتاهت في البراري النخوة
دون عنوان
ولبس الزول لبوس ابليس
وصار العن من الشيطان
[/
size]8/4/2008م

( 2 )
أعــذرنـي يــابــا



يـا يابا لو ماه الظروف
عصرتني زي باقي الخلوق
خلتني اجري من الشروق
لامن تغيب شمس الله تب
واشوفو بي عيني الهلال
وبرضو المرتب ما بيحوق
يسقينا كوز موية زلال
شان اهدأ في الواطه واروق
واحسب زمن نلت الحقوق
واقومبو واجبي كمان وافـوق
قبل الرويح تصل الحلوق

****************

يـا ابويـا هـاك قولي الصريـح
هاك ليهو بالعربي الفصيـح
الدنيا ما يـاهـا الزمـان
وناسا ما الناس الحنـان
ونعيما ما هو نعيم جنان
وامانا ما ياهو الأمان
الكان عزيز الليلة هـان
والمطمئن خسـر الرهان

****************

الحال صعيب بالحيل ومر
واحوالي صبحت ما بتسر
الفار شرد خلى الجحـر
ما البيت عدم سوس التمر
واصبحت كل ما يوم يمر
اعود واحسب في الشهر
لكين شهرنا صبح دهـر
اليلة يوماً طعمو مـر
وباكر بجينا طعم امر
وبقيتا غالبني الصبر

****************

يا ابوي بفصل ليك كتر
لو ترضى تقبلو لي عـذر
ما الدنيا ماها متل قبل
يوم كنت تدينا الشلن
شان نمشي بيهو المدرسة
كنا التلاته وما براي
كافينا تب شلن الفطور
وناخد معاو داندرمة
فول حاجات بنخلطو بالتمور
يايابا شلنك ما قليل
وما كنت ابدا زول بخيل
لكين زمنكم كان جميل
والكل رضيان بالقليل
ماسكين طريق واحد عديل
سالكين هدى الرب الجليل
بركاتو تتنزل تكيل
ورحماتو كان طلاً مطير

****************

يا ابويا يا رمز الكفاح
يا ابويا برجوك السماح
برجوك بالقول الصراح
كل ما ينادينا المنادي
أن هيا .. هيا على الفلاح
تدعوا الإله ..
يبدلنا بعد العسر يسر
ما انت اصلك زول صلاح
ما بتقرب اللقمة الحرام
وحريص على الرزق المبـاح
تقبل وقت رزقك يجيك
لو كسرة بي كمشة ملاح

****************

يا ابويا لو ماها الظروف
ما كت بسيبك قيد شبر
وكت يا ابوي
بفرد جناح
من رحمة يكسيك
زي وشاح
وكت يا ابوي
بشتل دواخلك إنشراح
وكت يا ابوي
بوليك كل حبي المتاح
وكت يا ابوي
بنداح عليك عطفي اندياح
وما كت بفوتك قيد شبر
ومن تاني برجوك يا ابوي
لو مره بس قصرت فيك
ارجوك تفتش لي عذر
وتذيدني في عفوك ورضاك
ما بي رضاك حالي دايما بنعدل
انا داير اكون
شقيش تقبل اكون معاك
وما ابقى عاق وقليل اصل
11/4/2008م






توقيع محمد اسماعيل الرفاعي
 
  رد مع اقتباس
قديم 13-04-2008, 01:39 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: ثلاثة اعمــال للتقييم ( محمد اسماعيل


اسف اخي الكريم
لابد من الإسم الصريح حتى يعدل اسمك إليه
وتجاز مشاركاتك
شكرا لحسن تفهمك
تحياتي







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 13-04-2008, 07:07 PM   رقم المشاركة : 3
محمد اسماعيل الرفاعي
(أبوملاذ)كاتب وشاعر
 الصورة الرمزية محمد اسماعيل الرفاعي







معلومات إضافية
  النقاط : 10
  الحالة :محمد اسماعيل الرفاعي غير متواجد حالياً

 

افتراضي رد: ثلاثة اعمــال للتقييم ( محمد اسماعيل


استاذي د . عثمان العبدالله ( الطائر المهاجر ) حقيقة عجزت ان ادرك ما هو مطلوب مني .. كتبت الإسم الصريح مثنى وثلاث ورباع وفي كل مرة افاجأ بانه مطلوب مني ذكر الإسم الصريح ..

انا ياسيدي ( تلميذكم ) محمد اسماعيل محمد ابراهيم الرفاعي ( ابو ملاذ ).
واليوم وعلى الرغم من ظهور اسمي الصريح منذ المبتدأ الترحيبي إلا أنني فوجئت حقيقة بأن الطلب لا زال قائماً ..
ولكم الود والتقدير على اية حال







توقيع محمد اسماعيل الرفاعي
 
  رد مع اقتباس
قديم 27-05-2008, 12:41 AM   رقم المشاركة : 4
شهد الحب




معلومات إضافية
  النقاط :
  الحالة :

 

افتراضي رد: ثلاثة اعمــال للتقييم ( محمد اسماعيل


صح لسانك ونعم فيك وفي ربعك


فخر يستحق الإشادة


لك الشكر ولحرفك الإعجاب







توقيع شهد الحب
 
  رد مع اقتباس
قديم 27-05-2008, 12:48 AM   رقم المشاركة : 5
شهد الحب




معلومات إضافية
  النقاط :
  الحالة :

 

افتراضي رد: ثلاثة اعمــال للتقييم ( محمد اسماعيل


صح لسانك ونعم فيك وفي ربعك


فخر يستحق الإشادة


لك الشكر ولحرفك الإعجاب







توقيع شهد الحب
 
  رد مع اقتباس
قديم 02-06-2008, 12:44 AM   رقم المشاركة : 6
نجيبه




معلومات إضافية
  النقاط :
  الحالة :

 

افتراضي رد: ثلاثة اعمــال للتقييم ( محمد اسماعيل


تسلم اخوى على كلماتك الرقيقه الراقيه

بارك الله فيك







توقيع نجيبه
 
  رد مع اقتباس
قديم 02-06-2008, 06:00 PM   رقم المشاركة : 7
أبو رائد
شاعر V.I.P
 الصورة الرمزية أبو رائد





معلومات إضافية
  النقاط : 10
  الحالة :أبو رائد غير متواجد حالياً

 

افتراضي رد: ثلاثة اعمــال للتقييم ( محمد اسماعيل


الأخ محمد الرفاعي

السلام عليكم ورحمة الله وبركاته

كلهجو محلية .. لا اعتبر نفسي خبيرا بها فهي تخضع لعادات كل منطقة بذاتها

اعجبتني المعاني الى درجة كبيرة اشكرك عليها

مواضيع مثل هذه يمكنك ادراجها مباشرة في قسم الخواطر

لك اجمل تحياتي وكل الاحترام

ابو رائد







توقيع أبو رائد
 
الكل منا يهمه رأيك فيما يكتب .. رجاءاً لا تبخل به

  رد مع اقتباس
قديم 04-12-2010, 12:12 PM   رقم المشاركة : 8
المورد
مشارك






معلومات إضافية
  النقاط : 10
  الحالة :المورد غير متواجد حالياً

 

افتراضي


بارك الله فيك
على ما تقوم به
احترامي







توقيع المورد
 
  رد مع اقتباس
قديم 04-12-2010, 12:48 PM   رقم المشاركة : 9
البديعي
مشارك






معلومات إضافية
  النقاط : 10
  الحالة :البديعي غير متواجد حالياً

 

افتراضي


لك الشكر
على ما فاض به قلمك
تحياتي







توقيع البديعي
 
  رد مع اقتباس
قديم 05-12-2010, 10:11 AM   رقم المشاركة : 10
الهامس
مشارك





معلومات إضافية
  النقاط : 10
  الحالة :الهامس غير متواجد حالياً

 

افتراضي


بارك الله فيك
كتبت فقرأت فاستفدنا
تحياتي واحترامي







توقيع الهامس
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بني خالد الطائر المهاجر القبائل بلدانها وشعرائها 46 24-08-2020 02:01 PM
سلسلة بعض الأحداث الطائر المهاجر تاريخ وآثار 15 16-12-2010 06:50 AM
اسماء الشهداء السعوديين على تراب فلسطين راجي الحاج المواضيع المنقوله 25 01-12-2010 07:48 AM
(لا تتركيني)القصة كاملة مدموجه ذيب السنافي منتدى الشعر والخواطر بالفصيح 40 10-01-2009 10:32 PM


الساعة الآن 11:57 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة