۩,,,,, دوك قلبي يسمعك ,,,,,۩

[فارس بن عويف]

جديدي مع فائق تقديري لقلوبكم الجميله
.
.

ياصغيّر لو ملـى كونـك سـؤال=لـك إجابـه تحتويـك وتِقْنعـك
انت مثلك مايليـق ابـه انفعـال=إشرح الخافـي وقلبـي يسمعـك
ادري انـّك هايـمٍ حَـدّ الخيـال=و السحايب في سمانـا تجمعـك
ارعدت دنياك من برق المحـال=وامطرت في ليلك اللي يخدعـك
جيت يمي .. يوم انا لك راس مـال=أنحر همومك واكفكـف مدمعـك
كل همّ(ن) يـا غناتـي للـزّوال=غير هم افراقنـا .. خلّـه معـك
ما اقول انّـي بخيـلٍ بالوصـال=او اقول اقـدر اغيـب وأقطعـك
اعشقك .. هذي ولا فيها جـدال=لو تجود بكل لحظه .. ما اشبعك
البلا من شيّ ما يخطر في بـال=يسرق الفرحـه وعنّـي يمنعـك
ويل قلبي لو عليك الوجـد طـال=والله انّـي لاتمـادى واتبـعـك
وان بغيت اضرب على حبّك مثال=افقـد المينـاء بليـا أشـرعـك
قلت شي .. وشي باقي لا يـزال=خايفٍ شرحي يطول .. ولاقْنِعك
ياصغيّر قبل ماهيمك .. تعـال=وش سؤالك ..? دوك قلبي يسمعك

.
.

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[سناعيس]

الله الله يافارس
صح لسانك ولله درك
على هذه الرائعه
لاهنت

تحياتي

[عبدالعزيز البليهد]

الله الله يافارس

اتخذت العذوبه فرس ... وجوّدت العنان

قصيده تجبرنا على التصفيق والتحيه

صح لسانك ولاهنت

ولي عوده

[محمد عبدالله البدراني]

اخي العزيز الغالي فارس بن عويف

سلمه الله


قرأت شعرا عذبا سلسا للغايه رغم قافية العجز الاحترافيه الا انها اتت بكل انسياب وتوضيف متقن للمفرده المناسبه

مليون مليون صح السانك
وعلا شانك

فارس القوافي روضتها كيفما تشأ بكل اقتدار فأتت منقادة لك ومذعنة لامرك قائلة سمعا وطاعه

لنقف لك ولحرفك اجلالا واعجابا


جيت يمي .. يوم انا لك راس مال
أنحر همومك واكفكـف مدمعـك
كل همّ(ن) يـا غناتـي للـزّوال
غير هم فْراقنـا .. خلّـه معـك



الله الله الله
الله الله
الله


قلت واجزلت
وتفننت واتقنت


لله دررررررررك

ولافض فوك
ولاعدمناك ايه النقي



تحيتي وتقديري

[الآكيد]

صح لسانك على هذه الابيات الرايعه

[الـزلـزال]

البلا من شيّ ما يخطر في بـال=يسرق الفرحـه وعنّـي يمنعـك
ويل قلبي لو عليك الوجـد طـال=والله انّـي لاتمـادى واتبـعـك

فارس بن عويف
بوح في قمة الجمال والروعه والجزاله
من شاعر متمكن وجزل فيما قدمه
أستمتعت كثيرآ بمعانقتي لهذا البوح الراقي الجزل
وسعدني ماحواه من جمال وعذوبه ورقي
دمت من تألق الى مثله ودام لنا نبض بوحك العذب
صح لسانك ملايين ملايين
ولك فائق تحياتي وتقديري

[البسام]

جزلة وطيبه من راس جزل وطيب
صح لسانك وقلبك
ولاهان راسك
تحياتي واحترامي

[محمد عبدالله البدراني]

المشاركة الأصلية كتبت بواسطة فارس بن عويف

جديدي مع فائق تقديري لقلوبكم الجميله
.
.

ياصغيّر لو ملـى كونـك سـؤال=لـك إجابـه تحتويـك وتِقْنعـك
انت مثلك مايليـق ابـه انفعـال=إشرح الخافـي وقلبـي يسمعـك
ادري انـّك هايـمٍ حَـدّ الخيـال=و السحايب في سمانـا تجمعـك
ارعدت دنياك من برق المحـال=وامطرت في ليلك اللي يخدعـك
جيت يمي .. يوم انا لك راس مـال=أنحر همومك واكفكـف مدمعـك
كل همّ(ن) يـا غناتـي للـزّول=غير هم افراقنـا .. خلّـه معـك
ما اقول انّـي بخيـلٍ بالوصـال=او اقول اقـدر اغيـب وأقطعـك
اعشقك .. هذي ولا فيها جـدال=لو تجود بكل لحظه .. ما اشبعك
البلا من شيّ ما يخطر في بـال=يسرق الفرحـه وعنّـي يمنعـك
ويل قلبي لو عليك الوجـد طـال=والله انّـي لاتمـادى واتبـعـك
وان بغيت اضرب على حبّك مثال=افقـد المينـاء بليـا أشـرعـك
قلت شي .. وشي باقي لا يـزال=خايفٍ شرحي يطول .. ولاقْنِعك
ياصغيّر قبل ماهيمك .. تعـال=وش سؤالك .. دوك قلبي يسمعك

.
.

هي ابلغ مما سأقول ولن ابرح ارتوي شعرا

[داعي الشوق]

قلت شي .. وشي باقي لا يـزال=خايفٍ شرحي يطول .. ولاقْنِعك

صح لسانك يالشاعرفارس

ابداع رائع

و تصوير جميل جدا

سبك وحبك

لله دررررررررك

وصح لسانك مدد

مع التحية و التقدير

***************