في العالم الثالث اذا صرت حاكم

[الطائر المهاجر]

في العالم الثالث اذا صرت حاكم = فكل الذي حولك على الناس حكام
ياصلك واحدهم وهو شبه خادم= واليا تمكن عنك يختم بالاختام
ومن قبل ياصل يبحث لشخص قادم= يصير له جسرٍ يعبره لقدام
يثني عليه بقولة الرجل عالم = ومخلص وفيٍ وبالمهمات ضرغام
حتى ولو هو طبل ماهوب نادم= يسهل اموره رغم قانون ونظام
ويتحولون الشعب شبه الأوادم= كلٍ يبي المرعى وفي خشمه خطام
خدام تطمح في فتات المكارم = متبلدين وعايشينٍ كالانعام
تعلموا طبع النفاق الملازم = والكل له وجهين وقناع ولثام
لكن بجواهم من الحقد كاتم= ولا حانت الفرصه لهم صاروا اخصام
ياسرع قلبتهم مع ادناة غارم = وياشين نقمتهم بسحلٍ واعدام
ولا من بحثتَ للسبب وانت سالم= تلقى خطأ ف البرمجه خرب "الرام"
فيروس عشق الذات في عقل حاكم= يعميه عن واقع به الناس تنضام
واللي حوالينه لهم دور حاسم = بتصوير ان الشعب في خير وإنعام
ويرقدونه في مدح رسم راسم = ومن خلف ظهره يفعلوا كل الاجرام
مابين سرق ونهب والكل باحم= وظلم الضعيف وحلق روسٍ للايتام
واليا صرخ مضيوم من ظلم ظالم= ياسرع مايتهم بتهماتٍ جسام
ويضيع حق ويصبح الشخص ناقم= يتحين الفرصه لشلات الاقزام
فالعالم الثالث يعيش بتقادم = وغيره تطور والسبب شعب خدام

[الخنساء]

ويـرقـدونــه فــــي مــــدح رســـــم راســـــم

ومـن خلـف ظهـره يفعلـوا كـل الاجـرام

مـابـيـن ســـرق ونـهــب والــكــل بــاحــم

وظلـم الضعيـف وحـلـق روسٍ للايـتـام

واليـا صــرخ مضـيـوم مــن ظـلـم ظـالـم

يــاســـرع مـايـتـهــم بـتـهـمــاتٍ جـــســـام

ويضيـع حـق ويصبـح الشخـص نـاقـم

يـتـحـيــن الـفــرصــه لــشـــلات الاقــــــزام

فـالـعــالــم الــثــالــث يــعــيــش بــتــقـــادم

وغـيـره تـطـور والسـبـب شـعــب خـــدام

صح لسانك مليووووووووون

قصيدة جزلة من شاعر حكيم

سلمت ولاهنت

[ساهر الليل]

صح لسانك يابو عبد الله

ابداع ليس غريب من شاعر الابداع

لافض فوك يا شاعرنا

يسلم بوحك ومنطوقك

والله يعين يا صاحبي

[هترل]

هالله الله

قلت الحقيقه ولانت عاجز ونادم .. وحنا نتعلم منك يالعود الاجرام
مجرم شعر منت بمجرم اوادم ... الناس تجزع وانت يالقرم مقدام

صح لسانك يادكتور
ابداع كعادتك لاهنت


تحياتي وتقديري

[حرف وشعر]

هذاهو الحال للأسف يابوعبدالله

نص عبر عن واقع مرير

[عادل بوبدر]

ولهذا يا صاحب الامتياز سمينا بالعالم الثالث
بل لربما ادنى من الثالث!!!!
ولنا في التاريخ ضروب كثيرة من خلالها جعلنا من يرأس في عمل او يحكم في منظومة شخص عبقري وهو ليس الا انسانا عاديا
نطبل له كرئيس حتى يعيش الوهم حقيقة
فيرى سراب واقعه عظمة
وما ان تنتفي مصلحتنا معه نهوي به الى القاع
اجدت يا استاذي في وصف واقع الحال

صح لسانك مليوووووون

[نجم الإبداع]

صح لسانك يادكتور

تقديري

[عبدالمحسن الرحمه]

صح الله السانك دكتورنا رائعة ووافية منك طال عمرك
كل الشكر لمقامك الكريم

[منيع]

مبدع وجزل
شكرا لك
تحياتي

[الراقي]

صح السانك وعلا شانك
على هذه الجزله

يا شاعر الجزاله

مع ارق التحايا لك