يوميات موظف اصل وصورة ؟؟!!

حياكم الله


قمت من النوم الساعه (( 6 )) الصبح وانا كلي نشاط
وحيويه
....تروشت ... حلقت ... فرشت اسناني ... نظفت غرفتي .
ورتبت سريري !!
نزلت تحت لقيت الوالده مزينه الفطور !!!
قعدت مع ابوي واخواني على طاولة الفطور
ابوي قاعد على رأس الطاوله وانا واخواني حوله ....
ابوي يحبنا ... يقطع لهذا خبزه ويقرب صحن ( الفول
لهذا ويصب ( عصير برتقال فرش ) لهذاك ....
امي الله يخليه لي ولكم قاعدتن ترتب اغراض خواتي " وتضبط
" شعورهن استعدادا للمدرسه .....
قضيت مفطر .... حبيت راس ابوي وامي وحببت اخواني واحد
واحد
ركبت سيارتي وربطة حزام الامان ومشيت ..... الشوارع
فاضيه مافيه الى انا وابوي
سرعتي ما تعدت 15 كلم ... وصلت العمل وسلمتــــ على المدير
همن رحت للقهوجي " مهب حق الاهلي " وحبيت راسه(شويب) وقلت له
الله لا يهينك بيالة شاهي علماشي
دخلت المكتب خلصت المعاملات اللي علي وقضيت شغل
المراجعين بسرعه!!!
جت الساعه " 2 " ونص الظهر وقعت وطلعت راجع للبيت
يوم دخلت البيت والقا ابوي ... وانا اللي امطخــــــــــته مع
راسه وادور امي بسرعه ابي امطخهـــــا ... وامسك اخواني واحد
واحد وامطخهم بس الشغاله يقولون فوق تنشر الملابس قلت
مايحتاج !!
العصريه اذاكر لاخواني ... وعقب المغرب زيارات عائليه
وبعد صلاة العشاء اقعد على الكمبيوتر اسوي برامج خاصة
بالشغل ,,,,
هذا جدولي اليومي الكذبى؟؟؟؟؟
@@@@@@@@@@@@@@@@@@@@@@@@@@@@@@ @@@@@@@@@@@@
تبون الصدقى ...؟؟؟؟
شوفو .......!!!!
اقوم من النوم الساعه "8 " ونص " 9 " .. وانا مقفلة معي
لو يقولي واحد صباح الخير قلت كل تبن
عيوني منفخه ومتأخر على الدوام يعني مهب لازم تغسل
انزل تحت ولا مافيه احد ... امي نايمه .. ابوي اخذ
اخواني للمدرسه ... وراح للشغل
القى شاهي مزين قبل ثلاثة ايام .. يوم تجي جارتنا "هذي عااااد قويـــة شوي"
لامي ... اشرب الشاهي واركب السياره
افتح الدرايش ...موت حر ...
<==== ما عنده مكيف بالسياره
امسك طريق العام ..... بس ما هنا سرعه يعني 140 ــ150 بس
انواع المجاكر والتخطيم على العالم ... وانواع الحركات
باليدين اذا احد ضرب بوري
آآآآصل الشغل ... القى المدير يحتريني عند الباب ....
مبرطم تقل هو اللي يكد علي
يسألني ... وشفيك متأخر ؟؟؟
اقول .. والله جدتي انفقعت ...
<==== هذا يبي يقول ... جدتي ماتت .. والكفر انفقع
عقب هالاجابه الدوبلوماسيه ... يفلقني بخصم
تجي الساعه 11 ونص وامسك الباب يقالي ابروح اجيب اخواني
... والصدز اني اعسل
ارجع الساعه " 1 " الظهر ... مالي نفس بشي ...
<==== هذا راسه منتفخ من المعسل ... اثر الشيشه تنسم
يجون المراجعين اناظرهم بطرف عين واقول راجعنا الى حجة
البقره !!!
<==== ما يحب العجله
اوقع الساعه " 2 " الظهر واروح للبيت القى ابوي يحتريني
مابعد تغدى .. بس مهب عشاني عشان اللي معي
<==== متصله عليه اامه تقول جب لبن معك مافيه لبن
نتغدى انا وياه ويقحن من هاللبن لين يفقد الوعي .....
وينام جنب " السفره "
اقوم وانا دايخ .. اروح آآخذلي غطه الى عقب صلاة العشاء
<==== لا صلاة ولا عباده
اقوم من النوم وانواع السعسعه ... الى الساعه 3 الفجر
وبعدين وينك 000 يالمخـــــــــــــــــــــــــ ــــــــــــــده000

منقول (للأستمتــــــــــــــــــــــ ـــــ ـــــــــــــــــاع))

[الطائر المهاجر]

خل عنا المنقول فقد يكون فيه مبالغة وتميلح من الكاتب
عطنا يومياتك انت
اما انا اذكر لما كنت موظف صغير واواصل دراستي
جيت للمدير العام ابي اجازة اضطرارية اظن بعد عيد الفطر
قال خير إنشاء الله ، انت عارف مافي القسم إلا انت
وانا اللي اسدحه بذاك العذر ، قلت الوالد يطلبك الحل
ولازم اخذ اجازة نتدبر الأمر ، ولكن اللي ما تعود يكذب
يبان عليه ، الرجال كفشني على طول ، قال لي ما تستحي على وجهك
تفاول على ابوك ، على شان اجازة ، تدورني ما تلقاني
وعقبها تبت توبه نصوح ماعاد اكذب ، وغديت قبل الإمتحان بشهر
آخذ اجازتي السنوية حتى اذاكر وأدي الإمتحانات .

لاهنت يالمغترب
تحياتي الطيبة

[بارقةأمل]

ههههههههههههههههههههههههههه
بس الحمد لله إحنا وعائلتي ولا واحدة من هالصورتين
تسلم يا المغترب
بس كلها قدرت أصدقها إلا اللي يمشي 15 كم في الساعة تقصد ولا الدقيقية ههههههههههههههههههههه

[صعبة المنال]

المغترب
انا استمتعت فى الاثنان
بس الثانى الصدق فى حالته اكثر
الاول شكله نص نص
مثل ما قال ابو عبدالله اكتب لنا يومك


تحياتى

صعبة

[العمده]

والله مشكله لو تشوفون واقع موظفي الشركات مع الورديات وخاصة الصبح كل واحد بسيارته ولابس نظارته الشمسيه وسادح بوزه على طبلون السياره تقول مافيه الا هو اللي يشتغل لاسلام ولاكلام يبي يلحق على الفول
وأنا أولهم.................هههههههه ههه

[ماجد الزيد]

تشكر على المنقول وبالواقع هذا جدول كثير من الموظفين فعلا
اقصد الجدول الحقيقي الاخر

المشاركة الأصلية كتبت بواسطة الطائر المهاجر

خل عنا المنقول فقد يكون فيه مبالغة وتميلح من الكاتب
عطنا يومياتك انت
اما انا اذكر لما كنت موظف صغير واواصل دراستي
جيت للمدير العام ابي اجازة اضطرارية اظن بعد عيد الفطر
قال خير إنشاء الله ، انت عارف مافي القسم إلا انت
وانا اللي اسدحه بذاك العذر ، قلت الوالد يطلبك الحل
ولازم اخذ اجازة نتدبر الأمر ، ولكن اللي ما تعود يكذب
يبان عليه ، الرجال كفشني على طول ، قال لي ما تستحي على وجهك
تفاول على ابوك ، على شان اجازة ، تدورني ما تلقاني
وعقبها تبت توبه نصوح ماعاد اكذب ، وغديت قبل الإمتحان بشهر
آخذ اجازتي السنوية حتى اذاكر وأدي الإمتحانات .

لاهنت يالمغترب
تحياتي الطيبة

واحد من الشباب يابو عبدالله طلع شهادة وفاة لجدته مزورة علشان يختبر ايام ماكنا بالكلية

[الخنساء]

ههههههههههههه

روعه اخي المستشار المغترب

يوميات واحد مقطوع من شجرة

طرح رااائع دمت بخير

[البتار]

مشكور
على ما افدتنا به
تحياتي

[طويق]

مشكور
على ما افدتنا به
تحياتي

[الحويطي]

خالص الشكر والتقدير
على كل جهودك الرائعه
تقبل اطيب التحيه