يامحمد ابن اسعود والا ابو مياس

[الطامي]

اثناء اجازتي وجولاتي المكوكيه مريت على منطقة الرياض لقضاء بعض الأمور ولم اخبر احد من الأخوه هناك بوجودي الا ان الأخ ابو مياس حكت له جنيته بوجودي فاذا به يتصل بي ويحاول في وبشده ان امر عليه او يمر علي للسلام ولاكنني لظروفي الخاصه اعتذرت منه على ان اعوضه فيها مرة اخرى ،، الا ان الظروف لم تسمح لي الا ان تم سفري وعودتي لبلادي قطر ،، فأحببت ان احول ماجرى لي في قصيدة اهديها له ولكم اتمنى ان تحوز على رضاكم وأعجابكم وهاهي :-

يامحمد ابن اسعود والا ابو مياس = الاسمٍ طيب واللقب زود تشريف
يالشمري طاريك عندي تنوماس = برهان قول الصدق مافيه تحريف
حقك علينا موقعه قمة الراس = والا نزل بالعين من دون تصريف
هذا العذر وانَا نبي الرد لاباس = والك العوض منا بزين التغطريف
مافيك شكه وانت للطيب مقباس = ياشوق من كنه غزال الاطاريف
انته نويت ونيتك من تحماس = وحنا قبلناها بعد دون تعريف
انا نويت لجيتك بس محتاس = والشاهد الله صدق ماهو بتخريف
ثمٍ نويت بجيتك عقب مرواس = لاكن اظروف الوقت فيها تعجريف
مشغول بالأسواق ومسايرة ناس = واحقوق واحلوقٍ تدور تصرًيف
والوقت ضيق غيرمذَن وحراس = وشوراع فيها تضيع العواريف
جاك العذريحمل زمرد مع الماس = وزودٍ عليها حُبة الراس ومريف

ملاحظات :-
التغطريف = الشعر بصوت بلغة اهل الشرق
تصرَيف = اي مصاريف على التابعين لك
المرواس = اخر مكان بعيد مرعليه ،، وهي بالشرقيه والجنوبيه بعد لفة بعيده
تعجريف = الظروف النكده والصعبه على الأنسان
ومريف = سلام على الراس من قلب وبحنَيه

[سعيد الصاعدي]

انا نويت لجيتك بس محتاس = والشاهد الله صدق ماهو بتخريف
ثمٍ نويت بجيتك عقب مرواس = لكن اظروف الوقت فيها تعجريف


الاخ الفاضل / الكاشف
صح لسانك وعلى شانك
تسلم ويسلم ابو مياس
وافي يامنصور
تقبل تحياتي وتقديري
أخـــــــــــوك
س / ص

[ابومياس]

لاهنت لاهنت والحمد لله على سلامتك

انت والاهل 0

وصح لسانك وبيض الله وجهك ومعذور يابو محمد

اخ عزيز وغالي ويشهد الله على ذلك 0

بس مره ثانيه ترى مانسمح لك 0

لي عوده تليق بالمقام0

[نجم الإبداع]

صح لسانك يامنصور

ويستاهل ابو مياس كل طيب

ابدعت

لاهنت

فائق الاحترام

والود

[داعي الشوق]

صح لسانك يا بو محمد

والحمد لله على السلامه يالغالي

لو ودنا نركّبك حق ،،،

لكن يالله سموحه هالمره مثل ما قال ابو مياس

وصح لسانك على القصيدة الجزله ،،،

[الخنساء]

صح لسانك اخي الشاعر الكاشف
لاهان را سك قصيدة رائعه
والنعم فيك وابو مياس
سلمت وسلم شعرك
دمت بخير

[محمد الأحمري]

صح لساااااااانك ياجزل
وبيض الله وجهك على هذا الرد
لأخوانك وأنا أشوف أنك معذور
وهم بيعذرونك
وبصراحة قصيدة جميلة وقوية ورائعة
ونعم فيك وفيمن عزيت به شعرك
ويستاهلون التقدير والله يديم محبتكم
ونعم برجل يقدر أخوياه
ويخاف من أن ياخذون بخاطرهم شي
بيض الله وجهك مليوووووووون يا الغالي


والمري اللي لاحكى حكيته جد=ولد الشيوخ وللمراجل دليله
له معدن(ن)وافي على الأصل يمتد=يابخت صاحب صاحبه ياجميلة

[سناعيس]

صح لسانك يالكاشف
على هذه الاعتذارية الرائعه
ولكن لاتعودهتجي للرياض ولانشوفك تراك عزيز وغالي
والحمدلله على السلامه
لاهنت

تحياتي

[الطامي]

سعيد الصاعدي
صح الله بدنك
ولاهنت عيني على المرور والرد الأجمل
شكرا لك مرة اخرى

[الطامي]

ابو مياس
صح الله بدنك
ولاهنت عيني على المرور والرد الأجمل
وانت راعي الأوله وتستاهل اكثر مني
شكرا لك مرة اخرى