ياسهيل شاقتني علوم الفطاحل

[سناعيس]

هذه المتواضعه أردت بها محاكاة الأخ الشاعر الغالي سهيل رغبة برده عليها
علما بأن المعني بها الجميع دون استثناء
وبما أنها قصيره أرجو من الجميع الرد عليها للمتابعه وسعة الصدر علما بأنها ليست رديه
ولكن زي مانقول في حائل نبيلها لديّه
ودمتم لنا أخوة وأصدقاء

ياسهيل شاقتني علوم الفطاحل=اللي لهم بالقلب كل المعزه
عنهم ترى ياسهيل مانيب راحل=لكن بغينا شعرهم نستفزه
ولاني بهم ياسهيل والله باحل=كلن نبي قافه بسرعه يدزه
ابداعهم ياسهيل بكل المراحل=وحضورهم نلقاه في كل حزه
مثل النحل ياسهيل وسط المناحل=بأقوال مثل الشهد حلو(ن)نمزه

[الطائر المهاجر]

صح لسانك وبيض الله وجهك اخي الغالي / سناعيس
وسنعوسي يهمس لسنعوسي آخر ، وليس لنا إلا انتظار سهيل
ليقول كلمته ، ولكن قبل ما انام خذ هالبويت:
ابي اجاوب لو قضى قاف آحل = واجيب لك قاف جديدٍ يهزه

تصبح على خير
تحياتي الطيبة

الشاعر .........سناعيس

ياسهيل شاقتني علوم الفطاحـل
اللي لهم بالقلـب كـل المعـزه

ونحن نكن لكم كل تقدير واحترام
اهلا بك وبحضورك البهي

ولي عودة
إن شاء الله

صح لسانك

[سهيل الشمري]

هلا بعزوتي
اجيك ياعل راسك يسلم
سهيل

رمعه وترحيب


ويا هلا با السناعيس

يا مرحبا مزنٍ يغيث القواحل=بالشاعر الي حدّ قافه على الزه
داج القفاري وانتجع كل ساحل=ولا كل ريحٍ يعترض له يهزه
ولاهو بمن كار المطاليق ماحل=سديد شور ولا ابرم الحبل مزه
حياك مابين الزحول الحلاحل=ربعٍ لهم في منقع الطيب فزه
عُرّاف وانته للنوادر تواحل=والدرب قدمك يا السنافي تقزه

..

..

[ماجد السعد]

شاعرنا المتألق

سناعيس

رائعه وقافيه واسلوب اروع

من القلب شكرا لك على هذه الجميله

[ابو أنس]

سناعيس..................
جميلة من جميل الى جميل
والجمال يكتنفها ويكسوها من كل جانب
ننتظر رد الشاعر سهيل
ونحن نتابع
لك تحيتي

[يزيد النمي]

صح لسااااااااانك ياسناعيس
وصح لسانك يامحمد سعود

وبانتظارك يا سهيل

[سهيل الشمري]

رجعت لكني فحمان

سناعيس من يقوى عليك ماشاء الله عليك

ولكن خذ مني لو بعض الشيء والا اللي قبلي ماقصرو

ياطيب قافٍ ناهي الصدر آحل= وياقوّته دام آخر العجز ازّه
سنعوس ورّدنا أمان السواحل= يومه رسم طيبه وللنار وزّه
بهّر لفنجاله لعين الفطاحل= وقدّر حضور بسيف طيبٍ وهزّه
يالشمري منته من الطيب ضاحل= هذا مجمّك وانظر اليوم نزّه
اهديت جوخ ولاعطيت السواحل= والازرق لدار الفطاحل تكزّه
ياجوٍ أروى كل ظمْيٍ وقاحل= إيْ والله ان الجود منّك مفزّه

[سناعيس]

حبيبنا طير السعد ... قصدي ( الطائر المهاجر ) أشكرك على كريم تجاوبك وردك
ولك مني أجمل التحايا
دمت لنا ناقدا ومعينا