..,,.. اصرف ذهب ..,,..

بنت القصيد · 07-10-2009, 09:17 PM

للتواصل

ارحب هلا يامن تبا قنص الشعور مْن الشعر=تقنص من اشعاري بيوتن خافين مضمونها
اكتب عبر للي يبا ياخذ مفاهيم العبر=واغوص غبات البحور آجيب لك مكنونها
ابيوت لامنه قراها كامل العرف انبهر=قال الله الله فالبيوت النادره ولحونها
اصرف ذهب وابهر عقول الناس في نظم الدرر=لين القوافي في قدومي تم قر عيونها
ماني من اللي لا كتبت اصوغ من هزل وهذر=انحت صخر واغرف بحر والشامخه تقرونها
ماني من اللي لا كتبت الشطر أبحل في شطر=لامن زهمت النادره هلت علي امزونها
واللي سبقني فالطريق اقول له صبر صبر=وافوح كبدي من عقولن منفقع طبلونها
اللي على الهزله تروم وماهي لشعري خطر=اشطف مفارقها رجاحة عقل واقدم دونها
ياهيه دربي غير ما احب السهل دربي وعر=وآروّض الصعبه على كيفي واجيد افنونها
ماهو غرور اللي كتبته ياعميلي ذا فخر=لان القوافي نادرن من فالزمان ايصونها
دامي بديت الطرق واطربني تلاحين البحر=بغير الوجهه على دنيا تحد اسنونها
دنياي ساقتني على الضيقه كما سوق المهر=حتى تباشر بي غرابيل الزمن من هونها
أواه ياهمن سطابي صار له فيني مقر=عيا يروح وصرختي هالناس ما يوحونها
ينبيك عن فعل الهموم اللي تخفا بالصدر =ضعف الاوادم والجروح اليا كشفت امتونها
واقلبي اللي من غثا الايام يصلاه الجمر=واعيني اللي من ردا حظي نشف مخزونها
من سبة اللي غاب وغيابه عن عيوني قهر=وشلون يبطي عن عيوني يوم هو مفتونها
ماعاد يمدي للفرح وش عاد باقي بالعمر=بقعا نوتني لين شفت الجمره وغليونها

نجم الإبداع · 07-10-2009, 09:31 PM

ارحبي

بنت القصيد

صح لسانك وسعيد بتواجدي هنا

نعم انتي شاعره مبدعه

وجزله وتنحتين من درر

شكرا لاتحافنا

لاهنتي

تقبلي مروري

وتقديري

الذيب الذيب · 07-10-2009, 10:02 PM

center] [/SIZE]
صح لسانك اختي العزيزة الشاعرة بنت القصيد على هذه القصيدة الرائعة وطرقها المميز والجميل على بحر الرجز

الطامي · 07-10-2009, 10:17 PM

أواه ياهمن سطابـي صـار لـه فينـي مقـر

عيا يروح وصرختي هالنـاس مـا يوحونهـا
ينبيك عن فعل الهموم اللـي تخفـا بالصـدر
ضعف الاوادم والجروح اليا كشفـت امتونهـا
واقلبي اللي من غثـا الايـام يصـلاه الجمـر
واعيني اللي من ردا حظي نشـف مخزونهـا
بنت القصيد
صح السانش
ملايين
جزلة من جزله
ومجارة من الهموم
لاهنتي