لا من رفضنا نساير موجة الواقع

[الطائر المهاجر]

لا من رفضنا نساير موجة الواقع= نقول حظٍ رديٍ وش نسوي به
والاّ نقول القدر ماللقدر مانع = ارزاق مقسومه وكل ومكاسيبه
لكن اذا شفت طبلٍ خاضعٍ خانع=تلقاه يرقى السلالم مع عذاريبه
ويصير له شان دام الذل له دافع= وانت بكرامتك ماترضى اساليبه
ان كنت عاقل فانت بعيشتك قانع= والاّ تجننت من وقتك والاعيبه
فالحظ والاّ المقدر ماهو الصانع= "الواو" تكفي لجعل الطبل له هيبه
من عقب ماهوب صايع داشرٍ ضايع= فجأه تلاقي تقدم في مراتيبه
لأنه مفصل ينفذ امر للبارع = اللي يبي طبل يخدم مع مناديبه
ماللكرامه بهذا الوقت من طامع = الكل يرخي بما ناسب مطاليبه
حتى اصبح الذل طبع الناس بالشارع= كلٍ يطمن ويبحث عن معازيبه
يعني اذا ما انت لا ذيلٍ ولا تابع= مكتوب تحيا الشقا باعلا مناسيبه
لو كنت مبدع وامين وبالشغل باتع= تموت مغبون من وقتك وتعذيبه
فاللي بيده قرارك للشرك زارع= لانّك تعرفه فلا من علم او هيبه
ولو كان يحمل شهاده بالعلم خادع= عطوه بعض القشور وعاد بالخيبه
يضحك بوجهك وهو لابد بك قادع=حتى يحط اللذي يوافق اساليبه
ما يندرى به لأنه دايمٍ طايع = شاطر بحاضر .. نعم او نقلة الغيبه
وهو يفكر بنفسه بالطمع جاشع= ومن بعد فقره نشوفه انتفخ جيبه
ما ينتعدل وضع ويصير له طالع= والسوس ينخر بساسه لينما يجيبه

[منيع]

اجدت واصبت وابدعت
شكرا لك
تحياتي

[داعي الشوق]

صح لسانك مليوووون يا دكتور

دائما كلماتك على الوتر الحساس

صح لسانك مدد

ولاهنت

[الخنساء]

صح لسانك مليوووووون

قصيدة جزلة من شاعر متمكن

سلمت ودام حرفك

[بنت النور]

يعطيك العافيه

صح لسانك مليوووون

صح لسانك مدد

ولاهنت

[الطامي]

الطائر
ياسلام ابداع ماله حل نوووووووووب
صح السانك ملاييين
وهاي الدنيا تعرفك عالخبل والصاحي وتشوف ناس مختلفه
شكرا لك

[طوفـــان]

صح لسانك يادكتورناااا ...

واقعية وجزلة وللأسف هذا مانعيشه ..

الله المستعان ..

لك كل الشكر على طرحك ..

[كظيم]

الله الله الله

حكيم وجزل ومتمكن
الدكتور الطائر
صح لسانك وفكرك وكلك
ابيات في قمة الروعــه
ابيات تحاكي وتصوغ ما نعيشـه
لله درك من شاعر
تقبلني وتقبل اعجابي ومروري المتواضع لاهنت
ودي وتقديري

[عمر ال شيبي]

لله درك
تضرب دوم على وتر حساس
صدقت
حكيمنا وشاعرنا صح لسانك

[فارس القوافي]

حياك الله يابو عبدالله

صح لسانك ولاهنت يالحكيم

دمت بخير