الايام لو ضحكت سريع(ن)هجومها

[فواز الغسلان]

الايام لو ضـحـكـت سـريـع(ن)هـجـومـهـا=وعـاداتـهـا تكـسـب معـارك خصـومـها
سوى عـاقل(ن)مايـنـخـدع فـي سـرابـهـا=والامـال يـقــنــع عـن مطـارد حـلـومـها
والايام لو تعـطي خـذت فـوق ماعـطت=وهـذي طـبــايـعــهــا وهــذي سـلــومـها
فـكـم مـن ديـار(ن)بـالــوسـيـعـه نشـوفها=بـقــت عـقـب ماراحوا عن الدار قومـها
سكـنـهـا رجـال(ن)مـاحـمــتـهــم جـبــالــهـا=وراحت وراهـم فـرس كـسرى ورومها
بـقـت شـاهد(ن)لعصور ناس(ن)تقدمت=ركـونـه تـلــوح قـبــال عـيـنــك ثـلــومـها
فـمـا عــاش غـيـر الـذكر بالطيب والردى=قرون(ن)مضت نسمـع تـوالي عـلـومـها
تـبـــيـــد الاوادم والـسـمـــاء مـاتــغــــيـــرت=هــذي كـــواكــبـــهــا وهــــذي نـجــومــها
وهـذي بـروق الــوسـم يـوضـي شعـاعـها=تـخـيـلــه عـيــون(ن)مـاتـهــنـت بـنـومـها
دعـت نـاظـري فـي تـالـي اللـيــل كـنــهــا=جحـيم(ن)قـبس يشعل طوارف غيـومـها
اعادت لي الـذكـرى لـمـا فـات وانـقـضى=ودار(ن)عــفــت مـابـاقــي الا رسـومـها
احسب انها راحت تـحـت سافـي الزمن=ولا راح يـشـكـي خـافـقـي من هـمومـها
ولـكــنـــهـا عــــادت مـع الـبـــــارق الــذي=كشف لـي مـن الـبيداء عـوالي رجومـها
اذا نـاض بـطـبـوق الـسـحــايــب تـخـيـلـها=جبال(ن)بوسط الغـيـم تسكن خشومـها
كشف لي طرف رجم(ن)قديم(ن)قعدت به=وطرت لي ديار(ن)دجت عالي حزومها
رجـوم(ن)رقاه اللي شكى الجرح بالـحـشـى=من اللي لوسط القـلب ترسل سهـومـها
دخل في بـحـور(ن)يرهب القلب موجـها=وهو جـاهـل(ن)بـامـواج هـمه وعـومـها
واثـاري جــذور الـجـرح تـنـبــظ بـخـافقي=وتـسـقـي ضـمـيـري من عـلاقـم سمومـها
كـمـا النـار تـوضـي فـي رماده ولا طـفـت=واذا هب ريـح الغـرب يشعل جرومـها
فـلا الوقت يشفي جرح روح(ن)تكدرت=وبانـت عـلـى الـجسم المشقى وسـومـها
ولا يـنـفــع الــوارد نـصـوح(ن)عـن الهـوى=ولا حـاســد(ن)لـلـــروح دلا يـلــومـها
ولا الـقـلب حاز عيون ريم(ن)اذا مشت=الارداف تـشـكـي من مـغــثـة هـدومـها
عـنـود(ن)سـكـن زيـن الـخـلايـق بـزولـهـا=وعـطـر(ن)سـحـرنـي فـي مثاني كـمومها
مـشـيـنـا بـدرب الـطيب فـي واضـح النقى=والاريـام تـضـعـف بالـمـساري عزومها
ولـيــتــه ظـهــر ضـعـفــه عـلــى راس دربـنــا=لعل الـحـشـى يـتـرك دروب(ن)يـهومها
ولـكـنـهـا يــوم انـصــف الــدرب واسـتــوى=غـرامــي ولاحـت بـالـضـمــايـر وشومها
بـدى الـزيـن يـنـزف يــوم زادت طـعـونـهم=وطـاحـت بـدرب اللـي بـمـالـه يسـومها
فيا هاجـسـي دع ظـلــم من طـاح واشتكى=ترى اردى قلوب رجال الامه ظـلومها
لك الله يـاخـشـف(ن)نــثــر دمـعـــه الــذي=جـرحـنــي وخـلا الـروح تـشـكي كلومها
فـهــذا سـبـب جـرحــي وهــمــي وحــيــرتـي=وقـولـي تـرى الايـام تـهــزم خـصــومـها

[الأموره]

الغسـلآن

صح لسانك ملايين

سلمت و سلم فكرك

الف شكر لك

دمت برعاية الخالق

[داعي الشوق]

صح لسانك يالشاعر فواز الغسلان

إبداع وتميز منفرد

إعجابي وتقديري لك مع التحية

و صح لسانك ،،،

[حي الضمير]

رائع يافواز والحقيقه ابدعت بالحيل بهذه الشامخه
شاعر متمكن ودائمآ تتحفنا بروائع القصيد
والف صح لسااااانك على هالقصيده الراقيه

[سناعيس]

شاعرنا فواز الغسلان
صخ لسانك والله لايهينك
رائعه وجزله كالعاده
بيض الله وجهك

تحياتي

[الخنساء]

صح لسانك اخي الشاعر فواز

لاهان راسك قصيدة راائعة

سلمت وسلم شعرك

دمت بخير

[منيع]

ابيات تذكرنا بفطاحلة الشعر مثل الامير محمد السديري وبديوي الوقداني
لله درك مااروع شعرك واعذبة
بارك الله فيك
تحياتي

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري عالي الشاعريه
من شاعر متمكن
تحياتي
أخـــــــــــوك
س / ص

[ام العمده]

فواز


//


صح لسانك لاهان راسك
جزله من شاعر جزل
دمت بهذا الشموخ
لله درك
دمت بخير

[صوت الإحساس]

الله اكبر

تقتبس كاااامله


لله درك ما اروعك وما اروع حضورك

عملاق نتشرف بتواجده ونستفيد من حضوره


صح لسااااااااااااااااااااااااااان ك مليون


صادق الود