سجلو بالكتب من شمر فتاه

[النايفه]

رد احد الشعراء على قصيدتي

والله ان الدين للمديون ضيم =كان دار الحول دينه ما وفاه


رد به انتقاد لمعاني القصيده

رديت بهذي القصيده عليه

ياالله اني طالبك صبر الحليم =يازبون العبد في ساعه بلاه
منجين مريم مع الطفل الكليم =يوم اشارت له تبي منه البراه
قال انا من خلق علّام ن رحيم=روح قدس وفالمهد تنطق شفاه
ياولي العرش يالرب العليم=تعلم البيّن وتعلم ماخفاه
فالكتب وش قال لقمان الحكيم =قال ما وصلت به علوم الرواه
من كتم غيضه ذو حظن عظيم = ولا يوفق غير من ربي هداه
ما يجيب العلم رجالن سقيم = ولا عطا المجنون للعاقل وصاه
الكبر خصلة من الرجل الذميم=وانكر الاصوات صوتن ما تباه
من بدأ بالظلم بالظلما يهيم = يوم كلن بـ مافعل تشهد عضاه
وش ثمن دمعة على خد اليتيم=ووش لزوم الصوم لا انكرت الصلاه
الخطا ما ارضاه في دربي يقيم=انحر المخطي و ارده عن خطاه
شاعرة وانظم من الدر العديم=ملهمة والشعر يوحا لي وحاه
ما اعرف بحرن يسمونه طميم=ولا اعرف وجه يشكّل من قفاه
اعرف انه في الصدر مثل النسيم=ياخذ الاحساس يا ذعذع هواه
كان خنسا اخت صخرا من سليم=سجلوا فالكتب من شمر فتاه
ماعطيت اللغز ابي حل الفهيم =لا حشا قصدي بها حبل النجاه
النصيحة مطلبي والشر نيم=لين كش اللاش والحقني وذاه
ياتعلّق قافية شعري غشيم=جزت عن حرفه ويعذرني غناه
وشبلاه الذيب صوته به رهيم = قص كتفه وطبخوها في غداه
ياخساره من زرع زرعن هشيم= ما جنا غير المهالك في وعاه
وياخسارة من يناصح له لئيم = انتثر حبه قبل ياصل رحاه
الحراراحرار لو لاجت بغيم = ماتجيب الا السمينه في عشاه
من فقد ابوه جت امه لطيم =ومن فقد مبداه هوّن عن عزاه
يازمان اليوم لاتغدر حميم = الزمان الي مضى درسه عطاه
من غدر بخوه شيطانن رجيم =لا تعده بالوجيه ومنه جاه
ومن تسمى بذيب وهو ضانن وخيم=اكسر انيابه يصير الذيب شاه
ومن تسمى حر وهو ريشه ظليم=قص جنحانه وخله حول ماه
ومن يقول انه رجل توه فطيم= جاهلن يلعب وعيني من وراه
ويرتخا محزمك والتم اللميم = لاتواجه جمع قومن في حصاه
ترهقك كثر المصايب ياغريم=وينهدم بيتن حكم شيخ(ن) بناه
جبتها لك من ضميري بالصميم =لا تعزو باسم ما تحمي حماه

[الطائر المهاجر]

صح لسانك
ولا هنتي
رد في محله
تحياتي

[عبير الورد]

صح لسانك ملايين
سلمت وسلم منطوقك الجزل
ربي يعطيك العافية

[حرف وشعر]

النايفه صح الله السانك

رد قوي ومعبر

تقلبي مروري

[ماجد الراشد الهيري]

كفو والله يالنايفه ابدعتي ابداع غير مستغرب علىك
بصراحه رد في محله وجزاله والله كبيره من فكرك الجميل
لاهنتي وانا لي الفخر بمروري هنا بصفحتك

[حوريه]

ابداع منقطع النظير
يسلم قلبك وحرفك
ولا هنتي

[داعي الشوق]

صح لسااااااااااااانك مليووووووون يالنايفة

شاعرة معروفة ولا يشق لك غبار

و أقديتي فيه يا بنت شمر

و القصيدة جزلة بالحيل و وافيه

صح لسااانك مدد

مع التحية لك والتقدير

**********************

[أم ريما]

صح لسانك

يعطيك العافيه

ابيات جميله

[عبدالله راشد الثويني]

صح لسانك اختي النايفه
كفيتي ووفيتي وابدعتي بهذه الرائعه
لا هنتي طامعين بجديدك دائماً
تحيتي

[عبدالعزيز العمار]

صح لسانك يالنايفه وجاد بيانك

عز الله كفيتي ووفيتي والقصيدة جزله من شاعره قديره

تحياتي وتقديري