تعال يا عثمان ابيك بكلمة راس

[عبدالله الشويمان]

تقدم يا مدير المنتدى الطاروق ذالليله=نبي نسري معه لين المؤذن يذن التالي
ولا من أذن التالي نهلل كم تهليله=عسى نظفر بها عند الولي يالصاحب الغالي

[الطائر المهاجر]

هلا باللي بدع قافه وصوب لي درابيله = يبي يسري ويبي ياقف الى المذن بدا عالي
ترى من ينوي يصلي فلا يسهر بتعليله= فصلاة مع طلوع الشمس ترى تركع على الخالي

[عبدالله الشويمان]

هلا بك بس لا تنعس ولا تفكر بتمهيله=انا لك واقف برجلي ولا تروَِغ وتحتالي
ونا ما نام لين اني أقوَِم باقي العيله=وروح يم بيت الله اصلي ومعي العيالي

[سـعـد الحويماني]

ياسلالالام

متابع لكم



وصحت قلوبكم

[الطائر المهاجر]

اخبرك شايبٍ قاضي يخبص الفحم مع هيله = يظنه صلح القهوه ويرشف كم فنجالي
ولا من انتفخ بطنه وحس انه ضعف حيله = يصيّح للعجوز "اسعاف" ترى قومني اسهالي

[الطائر المهاجر]

الظاهر ان ابو بدر زعل مني ولا يبي يرد
خلاص اذا تبي اغير غيرت !!

[عبدالله الشويمان]

احمد الله انا واشكره عندي حرمه حليله=مهيب اللي تتابع للمسلسل بزيادة هبالي
خفيفٍ نومها دايم كما اللي يحرس لخيله=تفقد بيتها بالليل وترعى الطفل طوالي

[عبدالله الشويمان]

هههههههههه

وراك يا ابو عبدالله موقد برطب..

-------------------------------

هلا بك اخوي سعد الحويماني

شرفتنا

[الطائر المهاجر]

ترى مدحك يدل انك مثل من تعجزه كيله = يخاف تطرف بويبه ويندب حظه البالي
الى من المره كبرت مثل باب وضح ميله = يصرصر غير ما يستر ولو صكيت الاقفالي

[عبدالله الشويمان]

حشا بنت الحلال بواجبي من قصرت شيله=وضنك ناضح الماعون ومنتب طايب الفالي
تبي لك بنت مشايه على الموديل وخبيله=بكل شوي للخياط تقول ادفع لي المالي