مسلوع الجسم

[ناصر عبيد الهواوي]

إن قلت لي صار علمك قلت لك ما يصير=شخصٍ مغربل وشخص بعيشةٍ هانية
من زيلة الماضي اجفل لو يصفر صفير=حتى خياله ولو بالحلم ما ادانيه
لكن انا شفت لي شيفة عسى فال خير=واظنها اشباح جن وعالمٍ فانية
جالس بروضة عطاها الزهر شكلٍ نضير=واكتب قصيدة واجربها على الحانيه
واشوي لحم صيد فوق الجمر واشرب عصير=وارمي على شايبٍ يسني على سانية
مسلوع الجسم ناحل بس مخه كبير=يعرض فتاوي وعما سلته افتانيه
يقول حسان يضحك من كلام الضرير=وخٌناس اعادت مراثي صخرها ثانيه
وترى الفرزدق معصّب من نقايض جرير=ونفس الحطيئة على نفسه هي الجانية
وناسٍ يقولون ابو تمام شانه خطير=وطُرفة بتالي زمانه قامته حانيه
وإن شان وقتك غدا طعمه بحلقك مرير=والى صفى طعمه احلى من لمى غانية
قلت اشهد إني نويت اكتبك عندي شوير=لو كان يا كثر ما بأعصي وتعصانيه

[داعي الشوق]

ما شالله

صيد و مشوي و عصير و قصيد

وش خليت يالهواوي

قصيدة حاكت الجمال و الخيال

صح لسآآآآآآآنك مليوووووووووون

شاعر متمرس في الابداع و المعنى

لله دررررررررك يا بو عبيد

تحياتي لك مع التقدير

[ترانيم المطر]

لله درك وكفى

شاعر مميز لا يأتي الا بالجزل

والإبدع ليس غريب على أهله

دمت ودام تميزك

دمت بود

[الطائر المهاجر]

صح لسانك واعتلى شأنك
نص رائع من شاعر رائع
وفيه ما فيه من رمزيه معناها في بطن شاعرها
لاهنت يالغالي
تقديري واحترامي

[منيع]

ابيات اكثر من رائعه
بارك الله فيكم
تحياتي وتقديري

[عذب القوافي]

صح لسانك اخي ناصر

وافية من وافي

تقديري ,,,,,,

[الطامي]

الهواوي
ويش بقيت وخليت
صح السانك ملايين
تصوير رائع جدا لافض فوك ياشايبنا
شكرا لك ولاهنت

[عمر ال شيبي]

جمال ما بعده جمال
ايدك الله

صح لسانك لا هنت

[عبدالعزيز البليهد]

صح لسانك وعسى فالك خير

[مبروك بن ماضي]

الفاضل : ناصر عبيد الهواوي
صح لسانك وجاد بيانك
وتسلم يمينك على هالشامخه
جزله من شاعر جزل
سجل الاعجاب والتقدير
تحياتي واحترامي ،