الشّوق مندوبي

[ماجد الزيد]

قال الذي جزلات قافه كتبها=وقلبه تراقص به ثلاثين شيطان
في تالي مْن الليل قام وطلبها=متخلوين بارض ٍ على راس ما بان
الجنّ لا جاها تزايد طربها=تلعب على القيفان وتطق طيران
النّار كنّ ضلوع صدره حطبها=وقلبه تفجر به من الشوق بركان
على هنوف ٍ كل جسمه شربها =تجري بدمّه كل عرق ٍ لها دان
لامن طرت خلا العرب ما قربها=ويسج في قفر ٍ عن النّاس بحلان
ياما رقى ياما نزل في شعبها=فكره يروج ورايج الفكر بلشان
وليا نظر راس الطويلة رقبها=كنّه يرود لشوف داعجِة الاعيان
بنت الرّجال اللي رفيع ٍ نسبها=اللي لطاريهم شهق سور برزان
لطّامة العايل إلى من حربها=عدّالة المايل من الانس والجان
كان الليالي واخلفت في عربها=ما تخلف عبيّة ولا تخلف حصان
يا شوق عين ٍ جوّدت في قربها=لو سيّلت ماها جرى الدّمع شعبان
لعيونك اللي غازياتن سربها=ترسل كتايبها وتسبي للأذهان
لا سلهمت , ترمي صواعق لهبها=تذيب جال طويق وتذيب ثهلان
الشّركسيّةٍ باش منها هدبها =جيش الحبش غازي على جيش رومان
امسك بعيني لين منّي نهبها=نظرة غلا ويّا ابتسامة ورضوان
و ثغر ٍ تبسّم لي و روحي سلبها=برق ٍ تلالا يطري طروق هزّان
ماهي هيا يوم إنّ محسن جذبها=إلا عناق وكلّ ما غيرها .شان
الله عليها يوم حطّت ذهبها=غازل نحرها لين من رقّته لان
اليا مشتْ مهره تزايد خببها=يوم الشّعَر كنّه سبيب ٍ بميدان
جتني وربّي في خفوقي سكبها=ميّن طهور وخالطه ريح ريحان
اميرة ٍ في حسنها مع ادبها=بنت القروم وصفوة عيال عدنان
طفلة وقلبي راح كلّه , سببها =فدوه عيون الرّيم يا طير حوران
الشوق مندوبي وهو من ندبها=وويله على فرقى المواليف شامان
الطف من الحور العريبات وابها=في حدّها ملهن على الزّين بيبان
تبارك اللي يوم سوّى وهبها=عذب السّجايا وكل شيِّ بميزان
ذربه , سخيف الهرج عنْها جنبها=عيطا عزيزة نفس معسولة لسان
التّوت يشكي من حلاوة عنبها=لا من تمخطر حكيها عذب الالحان
الزّين وافي والحسب , هو حسبها=والدّين .منها قمت اصلّي مسيّان
يسقى على قلبي ايلامن كسبها=وإلا فلا والله على البيض شفقان

[شجون القصيد]

الله الله

ياااااصباحاااات الشعر

صح لساااانك وجاد بيااانك

الكبار حينما يهطلون إبداعاً لا يتركون لنا مجالاً للتعليق

نص يجبرنا على قراءته للنهاية ... ويجبرنا على الابحار معه

الشاعر الكبير والرقم الصعب

نص مشبع بالشعر والشعر الراااقي

من اجمل ما قرأت هذه النايفه

مثلك لا يأتي الا بالجمال وما يسرق الالباب0

ابدعت بهذه الدره اللي عانقت سما العذوبه والروعه

ارويتنا جزاله وصور شعريه جميله

لا فض فوووك شاعرنا

حتما سنعود لهذه الباذخه كثيرا

اعجابي وتقديري

[منيع]

ياسلام على الشعر الراقي واهله
تسلم ياماجد الزيد
تحياتي وتقديري

[الجفول]

الله

الله الله

نص في منتهى الروعه

هنا الشعر الحقيقي لا يختلف عليه اثنان

رائع امتعت الذائقه

لاتحرمنا ابداعك

دمت بود



الجفول

[مبروك بن ماضي]

اخوي المبدع :
الشاعر / ماجد الزيد
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[عمر ال شيبي]

اعجابي وامتاني لنزف حرفك الراقي
صح لسانك لا هنت

[داعي الشوق]

وش هالزين يا بو حمد

الله الله

جزل و شاعر مبدع

صح لسانك مليوووووووون

مع التقدير

***************

[الطائر المهاجر]

صح لسانك
ولا هان راسك
والدّين .منها قمـت اصلّـي مسيّـان؟؟؟؟
تحياتي

[حي الضمير]

رائعه من روائعك
شاعرنا النجم ماجد الزيد
وملياااار صح لساااانك

[الـزلـزال]

ماجد الزيد
قصيده جزله ومميزه
من شاعر متمكن وجزل في كل مايكتبه
أبدعت شاعرنا بكل المقاييس ولنا أمتعت
أرتوينا شعرآ من شعرك رعاك الله
دمت بسلام ودام نبض قلبك وحرفك
صح لسانك ملايين ملايين
ولك فائق تحياتي وتقديري