![]() |
رقم المشاركة : 1 | ||
|
جهز بن فازع بن شرار الميموني من بني عبدالله من مطير شاعر وفارس من الاشداء وكثير المغازي
يالله يارفّاع سبع السموات=ياللي بمدات العطاء ما انت بمشير تمدني عن العطايا الردّيات=اما عطايا غبر والا معاذير قولوا لأبو معتق رفيقي بما فات=لو احرز الميراد ما احرز مصادير ماتخبره يازبن تال الونيّات=اللي ورد ماتخبره بالمصادير لو ان بيبان الخرايم مخلات=ماكثّر الميقاف بين الدواوير نرجى العطاء من عند رب السموات=فوق النضى ومعسكرات المسامير مار ان لبيبان الخرايم حراسات=وغير الحرس حطوا وراهن نواطير وله ايضا :
ياهل العيرات خلوهن شلايـل=يم ابوتركي وتبراهـن عبيّـه ماتجي بالسوم من كل القبايـل=يوم خفنا منه جبناهـا هديـه نجد من قبله تعشاهـا القبايـل=وانت يامحفوظ قنّعت اعشويه حاكم الحكيم حلحيل المحايـل=خالط الافعال بابصـارٍ قويـه ياعشير الترف منسوع الجدايل=يوم اخذتم نجد ابي منكم حذيّه
يم فاضه مطربـه جانـا عشيـه=يتمنى اللي حضر بالكون غايـب يوم جات افزوعهم من كـل نيـه=خيلهم والجيش دقلاتٍ غصايـب نحمـد الفعّـال واللابـه شويـه=يوم سلمت روسنا وانجى الركايب سلئل الحضـار والذمـه بريـه=عن مواقف ربعنا يوم الغصايـب المواقـف لهلهـا ماهـي غبيـه=والكرب بالضيق عند الله وهايـب اخبر الغايب ترى عنـده زريـه=واعذرينـي يامنسعـت الذوايـب نورد الهايب على روس الرعيـه=وفايت الارزاق مايوخذ غصايـب
العقله اللي مادهلها العطينـي=حنا الى هيبت نقطـن شفاهـا ولاهي بعادتنا كلاب القطينـي=تنبح سلف وردا على جال ماها ولاهي تحوز بيوتنا بالبطينـي=عن وجه ركبانا بعيـدا مـداه
يوم اسهجني نابيات النسانيس=الموت عندي والحياة متساوي عسى فقيدة قوم فازع كديميس=يضرب برمح بين الأضلاع هاوي الله يجيبه له على دارة الديس=بمشلشل عوده طويل رهاوي اما أنت يا مثال ولا أنت يا نعيس=حيث انكم قدامهم بالحراوي حيث إنكم فرّيس وعيال فرّيس=أهل امهار الخيل ما أنتم شواوي
كم ذود مصلاح نحرك له أسباب=وحنّا إلى شا الله نشتت نويّه
إن جيت أعدّ أكواننا عدّ وحساب=كواينن بفعول ماهي خفيّة بالطيب تشهد لي مغاتير شبّاب=وكاين سبيع بوادي القنصليّة |
||
![]() |
![]() |
رقم المشاركة : 2 | ||
|
يالله ياللـي سايلـه مـا يخيبـي=يا منفذ أرزاقـه بليـا تحاسيـب
طالبك تغفر لي ذنوبـي وعيبـي=باكر ليا وردت علـي الطواليـب دنيا فرحها مـن كرهـا قريبـي=هني من لا أشقاه همه عن الغيب طرايف الدنيا تحضـر وتغيبـي=لو ساعفـت بواقـة للأصاحيـب صنيتان يا ابني كان لك بان عيبي=إستر علي إن كان فيه عذاريـب ياما جرى لي في شبابي وشيبـي=من قطعة الفرجة على شمخ النيب وقحص المهار مشعثرات السبيبي=جراير يشبع بها الطيـر والذيـب الله ينادي لـي بحـظ ونصيبـي=إخلاف جيش يوم يقفي صواليب يوم إن هراج السعة يتقـي بـي=عند المواقف يلزمـن المواجيـب ليا ركبنا أكوارهـن مـا نهيبـي=نبعد حراوي الذم عنا ليـا جيـب الذم مـا يلقـى علينـا مصيبـي=لا عدت الأفعال بالكره والطيـب كود الظلايم من ضعاف النصيبي=وإلا فلا للشيـن فينـا مقاضيـب ياما قطعنا سـرح وإلا عزيبـي=في دبرة المولى وحنـا مناديـب مع درب شيخ ما يبوق الصحيبي=يشكون منه القوم كفي المحاليـب يا ليت عصر فات يرجع قريبـي=وإن الصبا يجلب ويغلى ليا جيب نشريه لـو إنـه علينـا تعيبـي=وإلا نجيبه من ديـار الأجانيـب على التقى ماله علينـا مصيبـي=ليا ركبنـا سايجـات المحاقيـب مختـم قولـي بذكـر الحبيبـي=الله يغفرلـي نهـار التحاسيـب |
||
![]() |
![]() |
رقم المشاركة : 3 | ||
|
وله ايضا
وليا تعلينا على اكـوار حـزاب=هجـن يبوجـن الديـار الخليـه
ليا جالهن مع ايمن النير مضراب=وما حدرت شرمه الى الشبرميـه كم ذود مصلاح نحرك له اسباب=وحنا اليا شاء الله نشتـت نويـه وان جيت اعد اكواننا عد وحساب=كواينن بفعول مـا هـي خفيـه بلكن تشهد لي مغاتيـر شبـاب=وكاين سبيع بـوادي القنصليـه |
||
![]() |
![]() |
رقم المشاركة : 4 | ||
|
يالله ياللي عالمن بالحقيقه=ياوالي الدنيا بتدبيرك الزين وخلاف ذا ياراكبن عدمليه=منوت مودين الخبار المعنين تلفي على أبن عقاب زين الونيه=ضيف الله اللي يحتمي خربة القين عميلنا اللي نسنحه بالغزيه=العالم الله مانويناه بالشين يقص جرتنا بقومن رويه=ناون على أخذتنا وحنا معيين عيا الولي والعزوه العبدليه=عبادلن سور الحرايب ومضحين تضحى حرابنتا لسبع اللفيه=حتى بني عثمان جمع السلاطين وردوا علينا ورد مثل الظميه=وحنا لهم مثل الحجيج الملبين وطاح العشاء لذيابه الخنفريه=وحنا لزرفات الضرايا مضرين بأكل العصيب وياحدن البغيه=وأن جاء القضى عند قضاية الدين الجيش رديناه رد الرعيه=حتيش لو فوقهم رماتن متاقين خلوا عذاب الفاطر العدمليه=جاسم عقيد أقطاع بدون منيسين وخلف ريف الضيف ولاهليه=ريف القوايا اللي على الزاد شفقين هذا صويب وذا تشله دميه=وهذا طريح وذا يسوابه الزين والخيل نركبها الحزوم الحفيه=راحن بفرسان الحمايل مطيعين أخوان نوره شافوا المكرهيه=راحوا على قبن سوات الشياهين ماذمهم والله رقيبن عليه=معين الله والقبايل معيين شوخ الضحى صبابت الشاذليه=أيضاًً الى جت الفعايل مديحين وياليت متعب شاف ذيك العشيه=ليته تحلا ما تحليت بالعين وأنا أحمد الله الي زين الهرج ليه=من غير تدبيره محنا مسوين ومنها :
رفيقنـــا اللي نســـــنحه بالغــزيـــه =الشــــين والله ما نوينـــــاه بالشــــين يقصنــــا كنـــا رويعــــي مطيــــــه =يبــــي ركـــايبنــــا وحنـا معييـــــن عيـــة علينـــا العــــزوه العبدليـــه =عبـــادل ســـور الحــــرايب ومضحيــــن الخيـــل نوطيهـــا الحـــزوم الحفيــــه =واقفــت بعيــال الحمـايــل مطيعيـــــن اخـــوان نــوره شـــافوا المكــرهيـــه =واقفـــوا على قـــب ســـوات الشـــياهين مــــا ذمهـــم والله رقيـــب عليّــــــه =معيــــن الله والخـــلايــــق معييـــــــن خلــو عـذاب الفاطـــــر الشـــوشـــليه =قاســـم عقيــد اقطـاع بـــدو منيســــين وخلــو ريــف الضيــف والأهــليـــــــه =ريــف الضيـوف اللي على الـزاد شــــفقين ومنها ..
عيت عــلانا العزوة العبدليّة =عبادل ســور الحرايب ومضحين
تضحي حرابتنا لسبع اللّفيّة = حتّى بني عثمان جمع السلاطين |
||
![]() |
![]() |
رقم المشاركة : 5 | ||
|
يعطيك العاافية |
||
![]() |
![]() |
رقم المشاركة : 6 | ||
|
|
||
![]() |
![]() |
رقم المشاركة : 7 | ||
|
تسلم على اختيارك |
||
![]() |
![]() |
رقم المشاركة : 8 | ||
|
لاهنت
ومشكور على النقل الرائع |
||
![]() |
![]() |
رقم المشاركة : 9 | ||
|
نقل قمة في الروعه |
||
![]() |
![]() |
رقم المشاركة : 10 | ||
|
كتبت فاجزلت |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قبيلة مطير | عهود | القبائل بلدانها وشعرائها | 31 | 16-05-2010 09:42 PM |