منتدانا

[مجدي صالح المبارك]

أبيات كتبتها من ذو زمنٍ غير قريب في مكانٍ ما وهي تعبر عن نفسها أرجو أن تحوز على جزء من إستحسانكم

أنتبه ياسيـدي واسمـع كلامـي=ماأبي لك شكر أو حتـى إشـاده
ودي بس (ا)تكون في التفكير سامي=ودي تسعى (ا)لكل مافيـه استفـاده
خذها من إنسان في نهجه عصامي=له من دروس الزمن خبرة وشهـاده
ماتشيل المنتـدى كثـرة أسامـي=ملونـه أحمـر ولا فيـهـا إراده
تمرنا إذا اشتهـت مـرّ الغمامـي=وباقي أيام الشهر فـوق الوسـاده
لكتبت موضوع كل الكون قامـي=وكل مشرف علّق (ا)بجيـده قـلاده
بعدها يمشي مثل مشـي الحمامـي=يتبختر كنّ راس الذيـب صـاده
ولايشيل المنتدى عضـوٍ حرامـي=يسرق افكار البشر فن و أجـاده
ثمّ ينسجها علـى نحـوٍ نظامـي=كنها من وحي فكـره واجتهـاده
صار متميز علـى كـل الأنامـي=و لاسلم شخصٍ من سهام انتقـاده
عنجهـيٍ نرجسـيٍ إنفصـامـي=لو يجيه الضيف مايكـرم وفـاده
أخرسٍ لا لـه كـلامٍ أو سلامـي=في جـدار الحقـد دوّن إعتمـاده
من حشمته راح يلهـث لاتهامـي=وهْوَ ذم الناس في شرعـه عبـاده
منتدانا آسف اشعلـت اهتمامـي=كنت احسب اني على راس القياده
اشتكيتـك ميـر مابيّـن ملامـي=والخفوق اليوم ينـزف مـن وداده
بين خلاني ولا لـي مـن محامـي=والحصاني صار له كـل السيـاده
طاح توقيعي على الصفحات دامي=ولا فزع لله واحـد مـن عبـاده
والتزمت الصمت ولانـي إنهزامـي=بس ابعْرف من هو ينصف في مداده
احتويت الجرح في داخل عظامـي=والألم لا هـاج ماينفـع ضمـاده
والله لو سلّيت من غمدي حسامي=كان اخليها مثل حـرب الإبـاده
بس انا إنسان و احساسي إمامـي=حتى لو صوتي تسربل من حـداده
منتدانا لـك أكاليـل احترامـي=وكل صبحٍ لي على صـدرك ولاده
وان لفاني الليل شلتك في منامـي=مثل ماضم الطفـل دافـي مهـاده
منتدانا لك وصيـه فـي ختامـي=كون عادل كان تطمـح للريـاده

[العصفور]

شكرا لإمتاعنا بإبداعك
لاهنت
تحياتي

[فارس القوافي]

مجدي

صرخة نادرة


صح لسانك
\

لاهنت


يعطيك العافية


دمت بخير

[الطائر المهاجر]

له دروس الوقت خبره واستفاده
مداعبة لطيفه مع منتداك ، بس ياليت
تحط لنا رابطها في المنتدى المذكور
صح لسانك
ولاهنت
تحياتي

[بحر الجنوب]

لا هنت وماقـــــصرت

[عبير الورد]

صح لسااانك ولاهان راسك
يعطيك العافية

[داعي الشوق]

صح لسااانك يا بو صالح

و لاهنت على القصيدة الجميلة ،

عتب من نوع خاص

و العدل هو اساس النجاح

تقديري لك شاعرنا

وصح لسانك

[مجدي صالح المبارك]

المشاركة الأصلية كتبت بواسطة العصفور

شكرا لإمتاعنا بإبداعك
لاهنت
تحياتي

حياك الله أخي القدير

(العصفور )

وكل الشكر والتقدير لك على

هذا الحضور العطر

تقبل تحياتي

مع فائق الاحترام

[مجدي صالح المبارك]

المشاركة الأصلية كتبت بواسطة فارس القوافي

مجدي

صرخة نادرة


صح لسانك
\

لاهنت


يعطيك العافية


دمت بخير

الشاعر القدير

(فارس القوافي )

حضورك عطر متصفحي بالورد والرياحين

لك تحياتي

مع فائق التقدير

[مجدي صالح المبارك]

المشاركة الأصلية كتبت بواسطة الطائر المهاجر

له دروس الوقت خبره واستفاده
مداعبة لطيفه مع منتداك ، بس ياليت
تحط لنا رابطها في المنتدى المذكور
صح لسانك
ولاهنت
تحياتي

حياك الله شاعرنا القدير

( الطائر المهاجر )

والف شكر لك على هذه الإضافة الجميلة

تقبل تحياتي مع فائق التقدير