بندر وابو سعد

[بنت العز]

يقولك فيه مواطن سعودي يقاله أبو سعد .. يسكن في راس تنورة .. وعنده ولدين واحد يقاله راشد والثاني اسمه خالد ..
طبعاً بتقولون وشلون يقاله ابو سعد وعياله اسمهم راشد وخالد ..
راشد ياطولين الأعمار توفى إثر أزمة ربو حادة .. تعرض لها بعد معاناه طويلة مع أمراض الرئوية ..
أبو سعد يظن ويعتقد ويكاد يجزم ان سبب هذي الأمراض اللي اصابت ولده و أدت الى وفاتة هي شركة النفط المجاوره الى منزله ..
فأبو سعد كل يوم اذا طلع يصلي الفجر يشوف غمامة سوداء جايه على بيته .. ناتجه عن التلوث الصادر من المعمل المجاور الى منطقتهم السكنيه ..
وبخاطرة يقول ماذبح سعد الا انتي يا شركة البترول .. وبعدم حرصك على مستويات التلوث وعلى مواقع المعامل ..
المهم أبو سعد خف رجله وراح لمحامي سعودي يقالة بندر البندر..
اطلع بندر على القضيه وهي الأولى من نوعها في المحاكم السعوديه …ليس لأنه لا يوجد تلوث بالسعوديه .. ولكن لأن المواطنين سمحين وحبايب ومؤمنين بالقضاء والقدر ويرجعون كل شئ له ..فما يحتاج انهم يشتكون أحد..
بندر اقتنع بالقضية وآمن باحتمالات صحة كلام ابو سعد ..
المحامي بندر استعان بشركة عالمية لقياس كمية التلوث في المنطقه المجاورة لمنزل أبو سعد .. وطلب منهم معرفة الشروط العالميه لتواجد مصافي النفط ومعاملها .. وهل يشترط تواجدها خارج النطاق العمراني .. أم حالها في راس تنورة وبقيق والجبيل وغيرها من المدن السعوديه يعتبر صحيح..
اللي اكتشفه بندر بعد حصوله على التقارير .. ان كمية التلوث أكبر من المسموح فيها .. واحتمال كونها هي السبب الريئسي لوفاة سعد احتمال كبير … وهذا الاحتمال مدعم بالتقارير الطبيه لسعد الله يرحمه ..
والشغله الأكبر هو ان وجود المعمل في هذا النطاق يعتبر مخالفة صريحة للقانون الدولي ..
بندر خذا نفسه وأوراقه ومعاه أبو سعد وراحو لأقرب محكمه .. ورفع القضيه ..وقبلها القاضي .. وحضر محامي الدفاع من الشركة ..واكتملت أركان القضيه ..
وبعد مانثر بندر الدلائل والشهادات والقوانين الدولية والمخالفات الموجوده في القضيه .. انصدم محامي الدفاع وشاف انه ماله الا ان ينتظر حكم القاضي ..
طالع قاضينا ابو سليمان القضيه .. وقام يقلبها براسه .. قال الحين انا لو حكمت للمدعي والشركة عوضته بالمبلغ المطلوب .. وقتها بيغتني أبو سعد ومحاميه .. وبعدها محاكمنا بتمتلي..
باللي يبون يرفعون قضية على شركة الكهرباء وانقطاعات التيار لأنها سببت خطر على ولدهم اللي حياته مرتبطه بالاجهزة الكهربائيه ..
وباللي يبون يرفعون قضية على المطعم الفلاني لأنه سمم ورعهم ..
وباللي بيرفعون قضية على مقاولين مشاريع الدولة لأنهم ذبحو عيالهم على التحويلات الغير مجهزة للاستخدام الآدمي..
وباللي يبون يرفعون قضية على الدفاع المدني لأنه تأخر في تلبية النداء والبيت تفحم قبل لا يوصلون..
وباللي بيشتكي على وزارة الصحه لأنهم نسو فوطه في بطن بنتهم وسببة لها عقم ..
والثاني بيجي بيشتكيني لأني حكمة على ولده بالغلط وخليته حرامي وهو اللي جاي يرفع القضيه ..
وبعد ماقلبها القاضي في باله .. قال مالي الا اروح للخطه “b”ةوهي الخطة التنحيشه ..
طالع ببندر بنص عين وبنظره استفزازيه مصطنعة.. وقاله لم أوراقك وخشرتك واقضب الباب وخل عنك انت وموكلك هالكلام الفاضي .. هالشكاوي ماتمشي عندي ..
وقتها ارتفع ضغط بندر وهذا الشئ المطلوب عندي القاضي .. وقاله بندر في حالة غضب : ماتمشي عندك؟ ليه محكمة أبوك؟
وقتها ابتسم القاضي ابتسامة مخفية .. وقالها بصوت غاضب تمثيلي!! تغلط علي؟ تسبني؟ ياااااعسكري .. شله هو وموكله وارمهم بالتوقيف ..
وقتها تبسم محامي الدفاع .. وقالها بخاطرة .. ماتغيرت يابو سليمان
وبالطريقة هذي صار بندر وأبو سعد عبرة لكل من تسول له نفسه باستخدام الطرق القانونيه لرفع شكوى ضد جهة حكوميه أو شبة حكوميه أو تجارية ويحاول انه يطالب بتعويض ..أو يحاول يسن سنة “سيئة” بالمطالبة بالحقوق ..
____________

[الطائر المهاجر]

مفروض القاضي ، يحج المدعي
فالمصفاة موجوده قبل ما يجي يسكن حولها ، وش جابه ،
اجل لو ابحفر لي بير في البر اسقي حلالي ويجون الناس ويسكنون حوله ، ويغص واحد منهم
بالماء ويموت ، يحملوني ديته ؟ القاضي ما قلبها زين ، وعلى نفسها جنت براقش ،

[الطامي]

بنت العز
اختي القانون على الجميع
والقاضي هو ابخس بهذه الأمور فهو مؤتمن على عمله
ولا اظن ان يظلم مواطن او هيئه حكوميه لأن التشريع القضائي حدد للجميع خط يتَبعه
شكرا لكي اختي

[نفحات حساسة]

يعطيك العافيه

وتسلمين..والاحكام تتنافر بين القوي والضعيف..

[عبير الورد]

تسلم يمينك ويعطيك العافيه

[زهرة اللوتس]

شكرا لك
تسلم ايدك
ويعطيك العافيه

[الخنساء]

شكرا بنت العز

طرح راااااائع لاهنتى

[بنت العز]

هلابكم

اكيد اسعدني مروركم جميعا

يعطيكم العافيه لاهنتو

[همس الورد]

[بنت العز]

هلا بك اختي
اسعدني مرورك الكريم
سلمتي ولاهنتي