طلب فزعة اهل الجود واهل الخير للمساعده في أعتاق رقبة اخونا فيحان السبيعي ودفع الديه

[عايض ابوشيبه]

قصيده كتبتها انخى فيها اهل الخير للمساعده في عتق رقبة اخونا فيحان بن محمد بن وهق السبيعي وتسديد المبلغ المطلوب
المقدر بسته ملايين ريال وإنقاذه من القصاص

ياهل المعروف وأهل الجود وهل المقدريه=ياهل الوقفات ياباغين مرضات الأله
ياهل النخوه هل الفزعات والكف السخيه =وين من يبغى الجنان ورحمة الرب ورضاه
اسمعو صوت السجين اللي طلب رحمت وليه=وأنتخى بأهل المكارم وأهل تسبيح وصلاه
اسمعو للي حياته من سهر ليله شقيه=ينتظر فزعة كريمن خاف ربه وتقاه
اسمعو صوت السبيعي في نداه أهل الحميه=يطلب الله لايخيب في هل الفزعه رجاه
سببت له نزغت الشيطان باالدنياء قضيه=من سبايبها دخل بالسجن والهم أعتلاه
افزعو له ياهل الأفضال فزعاتن قويه=فزعتن تخرجه من ظلمته لأ نوار الحياه
الله اللي موعدن لاهل العطاء بأكبر عطيه=من سعى في عتق نفس مؤمنه يلقاء جزاه
أقبلو للخير يأهل الخير والدنياء فنيه=كل من قدم بها من خير بالجنه لقاه
بيض الله وجه من مد يمناه النقيه=وانفق الأموال في طاعة الرب ورضاه

بيض الله وجهك يالقرم

موقف خير ومالك الا الأجر والثواب انشاءالله

صح لسانك ولاهنت

[عبدالله الشويمان]

الاخ عايض ابوشيبه

صح لسانك
وبيض الله وجهك على شعورك النبيل يالقرم

وجزاك الله خير
ولاهنت

[الطائر المهاجر]

ما قصرت كفيت ووفيت
وسبيع مارايح يصيرون اردى من غيرهم
فلعلك تتجه ببث النخوة في سبيع بالدرجة الأولى
صح لسانك وبيض الله وجهك
تحياتي الطيبة

بيض الله وجهك على هذه اللفته الطيبه من طيّب شرواك ..
صح الله لسانك اخوي واعتلا شانك على ما قمت به ..
وعسى الله يدفع بصوتك ويسمعه كل هل الخير والغانمين ..
وتفك كربة السبيعي وينال حريته بعون الله ..
تحياتي لك ودمت بخير وعافيه ..

[كريمة محمد]

[move=up]اسمعو صوت السجين اللي طلب رحمت وليه
وأنتخى بأهل المكارم وأهل تسبيح وصـلاه
اسمعو للي حياته مـن سهـر ليلـه شقيـه
ينتظر فزعة كريمـن خـاف ربـه وتقـاه
اسمعو صوت السبيعي في نداه أهل الحميـه
يطلب الله لايخيب في هـل الفزعـه رجـاه
سببت له نزغت الشيطان باالدنيـاء قضيـه
من سبايبها دخل بالسجـن والهـم أعتـلاه
افزعو له ياهل الأفضـال فزعاتـن قويـه
فزعتن تخرجه من ظلمته لأ نـوار الحيـاه [/move]


الله الله الله .....................عليك اخى عايض
قصيدة فى منتهى الروعة والابداع
وتحمل معانى واحاسيس خيالية
تسلم لنا اناملك اخى
ودمت ولا هنت
اختك
كريمة

[سناعيس]

صح لسانك أخوي عايض
وأسأل الله تعالى أن تجد هذه القصيدة الصدى المأمول
كما أسأل الله تعالى أن يعتق رقبة فيحان السبيعي سواء بالعفو أو بالحصول على الدية المطلوبه
وأهل الخير ولله الحمد كثر وفيهم البركه وسبيع لن تتخلى عن أحد أبنائها وهذه عاداتهم
تحياتي

[الخنساء]

صح لسانك اخي الشاعر عايض
لاهان راسك قصيدة راائعة
والله يفرج لهم ويصلح الامور
سلمت وسلم شعرك
دمت بخير

[ابومياس]

شاعرنا عايض

بيض الله وجهك وجزاك الله خير الجزاء

فالدال على الخير كفاعله ان شاء الله

قصيدة مناشدة رائعة المعاني

صح لسانك وعاش راسك

دمت بخير

اللهم فك اسرى المسلمين

[حمد العيد]

لاهنت اخي الفاضل

نسئل الله العلي القدير ان يوصلك مبتغاك من هذه القصيدة ولايحرمك الاجر

وللمحكوم العفو وان يثيب كل من ساهم بذلك

ودي وتقديري

روض الغلااا