الشعر مبدا

[عبدالعزيز ابراهيم المنصور]

بسم الله الرحمن الرحيم

في الحقيقة أن الشعر قبلنا قد طرق وكما قيل عند العوام ( من سبق لبق ) أو(الأول ماترك للتالي شيء ) ولكن لكل إنسان
الحق في كتابة مايختلج في داخله من مشاعر ومايدور في خاطره أوباله من أفكار فكتبت هذه الكلمات المتواضعة أملاً أن تحوز على رضاكم إليكم الكلمات
][ الشعر مبدا ][

نثرت بوحي في حسين التواصيف=وذكرى ليالي الحب وقصة هيامي
واذكر حبيب ٍ يوم كنا مواليف=ابديت له سري وكثر اهتمامي
اكتب غزل واشكي هموم الصواديف=وعن ماجرالي في دروب الغرامي
واشوف ماقلته كلام وسواليف=ولايطرب اللي يقدرون الكلامي
في رايي ان الشعر مبداوتثقيف=وايضا حدود نصونها بالتزامي
واليوم ابكتب ماطرالي على الكيف=شعر ٍامدوزن فيه قول ونظامي
واقول من قدرك صادق بلا زيف=عزه وخله فوق صدرك وسامي
واللي تحس انه يودك بتكليف=اترك سبيله وانسحب باحترامي
الناس واجد خل عنك الملاقيف=واتبع رجال ٍ وافيين وحشامي
ولاشفت في دنياك حلوالتصانيف=لاتحسب ان الوقت فيه انتظامي
لاتغرك الدنيا تراها تناتيف=والكل.. فيها منتهاه انعدامي
اترك دروب ٍتجلب العاروالحيف=واحذر وخل الآخرة لك مرامي
اتبع طريق الحق وبلا تخاريف=فالدين نور قلوبنا فالظلامي
الدين مثل سراج حوله عواصيف=والى طفى عشنا بوسط العتامي
ودرب الحقيقة واضح ٍ دون تعريف=من يمشي بدربه فلاهو بظامي
حافظ على سنة كريم التواصيف=محمد عليه افضل صلاة وسلامي
من يتبع ربه ومن دون تزييف=يبشر بفضل ٍ منه واعلى مقامي
ياحافظ القرآن من اي تحريف=ياربي ياخالق جميع الانامي
جنبني ادروب الشقى والمحاذيف=وخفف حمول ٍ فوق متني جسامي
واجعلني ممن يشكرك دون تطفيف=وابعدني عن فعل الردى والحرامي
هذا كلام العقل قلته بتصنيف=صغته وطرزته بجزل الكلامي
لي مدة ٍ وانا اشوفه كماالطيف= وله مدة ٍٍ بالصدر يرزم رزامي
كنه بجوفي لاذكرته بتوصيف=خلج ٍ ترازم ثم حامت حيامي
واختم لما الفت باحساس تاليف=من بوح فكر ٍ صاينه لايلامي
واقول باني لما مضى بي تحاسيف=ويالله انا طالبك حسن الختامي

إن أخطأت فمن نفسي وإن أصبت فمن الله
وسلامتكم

[داعي الشوق]

صح لسانك يالشاعر محاكي

قصيدة معناها سامي و جميلة ،،

تقبل مروري السريع

و لي عودة مع التقدير

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام

[زهرة اللوتس]

صح لسانك
محاكي
سلمت وسلم فكرك
تحية طيبة

[محمد عبدالله البدراني]

اخي العزيز الغالي شاعرنا الراقي عبدالعزيز المنصور سلمه الله



قصيدة جزله جزله صغتها باتقان يامحاكي الورق

لافض فووووووووك

والف الف مليون مليون صح السانك

وعلا شانك


لله دررررك

وبارك الله فيك ايه الشاعر النقي والانسان الخلوق


لي عودة ان شاءالله لأرتوي شعرا عذبا

لاعدمناك


تحيتي وتقديري

[عبدالله مذكر العقيلي]

جزله من راس جزل

صح لسانك

ولله درك

ودام نبضك الرائع

سجل اعجابي

[الـزلـزال]

محاكي الورق
بوح مميز ورائع وجميل
من شاعر متميز ورائع في بوحه
مبدع وممتع شاعرنا فيما قدمت
دمت بخير ودام نبض حرفك المميز
صح لسانك ملايين ملايين
ولك فائق تحياتي وتقديري

[منيع]

رائعه وهادفه
كل الشكر والتقدر لكم
تحياتي

[عمر ال شيبي]

صح لسانك لا هنت ابد