ياوجودي وجد من ضيع خوية

[عبدالله سعود الحويطي]

بسم الله الرحمن الرحيم

الأحبة الكرماء مرتادي هذا الصرح الشامخ
اعتذر لكم عن فترة انقطاعي والتي لن تتكرر بأذن الله تعالى

واصافحكم لهذا اليوم بهذهِ المولودة الصباحية علها تروق لكم

يا المسيّد سادت الدنيا عليه=من بعد ما اقفى الهميّد بالحزامي
طحت في بعض المواقف حسن نيه=احسب إن الحِمل مايضهِد عضامي
وياعسى فدوى حزامي له وفيه=ترضي الّي حاضرا فوق الانامي
لو حضر وقت المطالب والعنيه=يمكن اصعاب المطالب للعدامي
لنّي اعرف من فتل قيد المطيه=واعرف إنك ذيب لا يمكن تنامي
جيت بالبيضاء ومديت الهديه=وافياً ما يلحقك مني ملامي
ولادعاني للشعر كود المديه=ضامني وقتي وصبري والخِصامي
وابتداء مشوار شوقي للعطيه=كل يوم آجد بقلبي رمح سامي
ولا بيدي غير ترويض البقيه= والتوجد بالشعر وقت المرامي
ياوجودي وجد من ضيّع خويه=في متاهات القْنص والجو ضامي
للذي سوى بقلبي له سويه= واحرم العينين من لذ المنامي
هو مناة الروح هو شف البرّيه=حظ منهو بادله رد السلامي
لو وصفته بالحروف الابجديه=يعجز التعبير ويضيع الكلامي

لامانع من النقد الهادف والبناء

وألى اللقاء

[داعي الشوق]

الله الله يا بو سعود

يسعد صباحك و يسعد مساك

و صح لسانك مليووووون

ابداع و امتاع جميل جدا

شاعر كبير و جزل و مبدع

تقديري لك

ولاهنت

**********

[عبدالله سعود الحويطي]

الأخ سعود العتيبي

صح ابدنك ترررليووووون

وامتعنا الله واياك بالصحة والعافية

واشكرك على إشادتك وإطرائك الجميل


دمت بود

[عبدالله راشد الثويني]

شاعرنا الغالي / عبدالله الحويطي
صح لسانك مليون ولا يكفون
نص راقي وأطلاله مميزه تسلم يمناك ولا عدمناك
طامعين بالجديد دائماً
تقبـّــل تحيتي

[الطائر المهاجر]

حجز وانتظار

[منصور العبدالله]

صح لسانك

يابو سعود

القدير عبد الله الحويطى

رائعه ترتقى بالذائقه

تحياتى لقلبك

[نفحات حساسة]

صح السانك.. ولاهنت

أبيات رائعه..يعطيك الف عافيه

وسلمت..تحيتي..

[بنت العز]

صح لسانك وعلا شانك
ابيات ولا ارووووع
يعطيك العافيه

[حي الضمير]

صح السانك
على هذه الابيات الجميله والراقيه.
لا عدمناك يا مميز

[الراقي]

نص اكثر من راائع

وحضور جميل

صح لسانك شاعرنا