ويش جايبك ؟

[عبدالله راشد الثويني]

مصيري آنسى عِــشرتك .. وآرقد الليل = وآنسى السهر .. واللي جرى من سبايبك
صبرك علينا فالليال .. المقابيل = لو جيتني .. بقول لك .. ويش جايبك ؟
غرّك زمان(ن) فات يوم آسرج الخيل=تبعت طيفك يوم هبـّـت .. هَبايبك
جيتك ولا لدّيت .. للقال .. والقيل=سهلك تساوا .. بناضري مع صعايبك
غنـّـيت لك قافي .. وعذب المواويل=لبيـّـك ياخلـّـي .. ولبـّـى .. قرايبك
اثرك خذيت الحـُـب .. لعبه وتمثيل = لا عاده الله يوم كنـّـا .. حبايبك
سَليت عن قلب(ن) يعد ْ المراسيل =ماصابني ليته مع الوقت .. صايبك
ليتك تحسْ .. بحِمـل مغليك .. وتكيل=ماضنـّـتي تقوا .. حموُلي .. ركايبك
لا تعتذر ماعاد لي فالهوى حيل = وإن جيت يمـّـي من يسدد ضرايبك ؟
الضيم .. والدمعه .. والاكدار .. والويل=زادت على قلب الشقاوي .. مصايبك
لعلـّـي اسلى فالليال .. المقابيل = وانسى السهر .. واللي جرا .. من سبايبك

[العصفور]

شكرا لإمتاعنا بإبداعك
لاهنت
تحياتي

[منيع]

ياسلام عليك
في منتهى الروعة والابداع
تسلم اخي الكريم
تحياتي

[الطامي]

لا تعتـذر ماعـاد لـي فالهـوى حـيـل
وإن جيت يمّي مـن يسـدد ضرايبـك ؟
الضيم .. والدمعه .. والاكدار .. والويـل
زادت على قلـب الشقـاوي .. مصايبـك
ــــــــــــــ
الثويني
صح الاسنك ملايين
مبدع الى مالا نهايه
لافض فوك اخي
شكرا لك

[الطائر المهاجر]

مسكين راع الهوى مانام من ليله= يكتب قصيده ودمعه فوق الاوجاني

الله ... الله
يعينك ربك وتنساه وغيره

صح لسانك وكلك
ولاهنت
تحياتي

[غازي]

صح لسانك وفكرك
ودام ابداعك
تحيتي ومودتي

[السماحي]

ابداع تميز
صح لسانك وقلبك
ولاهان راسك
تحياتي

[النوفل]

صح لسانك
وسلم بنانك وفكرك
تحياتي وتقديري

[القرشي]

صح لسانك على هذا الإبداع
لاهنت طال عمرك
تحية واحترام

[الصوينع]

جميل ما قرأته
من شعر جزل من فكر مبدع
لك شكري وامتناني
وخالص الود والتقدير