ياناااس قولوا لمحبوبي !!

[شجون القصيد]

.

..

...

ياناس قولوا لمحبوبي = اللي له ايام ناسيني
كانه يبيني على ذنوبي = فانا بعد منزله عيني
وكانه تغير عن دروبي = مالي بطرد المقفيني
دربٍ مشيته على دوبي = مااشوف به مايواسيني
حتى ولو كنت مطلوبي = ابتركه دام جافيني
ماني على خطاه مغصوبي = مادام ماهوب شاريني
الحب ياما به عيوبي = والناس تقفاه صنفيني
احدٍ تهنا ومرغوبي = واحدٍ شكى حظه الشيني
وانا بعد فيه مطبوبي = لاشك عقلي رجح فيني
لو كنت بالحب مسلوبي = نفسي عزيزه تمشيني
اسير والدرب محسوبي = وراسي تقديه ثنتيني
وقلبي مع الفكر مصحوبي = يرجح بكل الموازيني
واللي تعوّد على العوبي = ماهمني لو حكى فيني

[صعبة المنال]

وقلبي مع الفكر مصحوبي
يرجح بكـل الموازينـي
واللي تعوّد على العوبـي
ماهمني لو حكـى فينـي


والنعم فيك يا شجوووون
حلقتى بنا فى عالم المحبين

صح لسانك واحساسك


صعوووووووب

[عبدالله مذكر العقيلي]

الله الله

ابداع منقطع النظير

صح لسانك

ولله درك


تحيتي

[منيع]

للشعر مع شجون شجون
شكرا لك ولحرفك المتجدد
تحياتي

[حي الضمير]

صح لسانك شاعرتنا الرائعه شجون
واعتلا شانك يامميزه
قصيده رائعه بروعة حضورك
لا خلا ولا عدم

[عبدالعزيز البليهد]

يسلم راسك بعد حي ربي يحفظك

صح لسانك ولاهنتي

طرق اصيل ذكرنا بشاعرات نجد

شموخ وعزة نفس

[الفنان فهد]

الاخت شجون صح اللسانك مليون ولا يووفون جزله ورائعه وصح اللسانك

واللي تعوّد على العوبـي
ماهمني لو حكـى فينـي

انا اشهد ولي رجعه مجدده تقبلي مروري ودمتي بود فهد

[حوريه]

صح قلبك يابعدي

أبيات رائعه وشامخه

كشموخ شاعرتها

دمتي ودام حرفك

..

[مبروك بن ماضي]

الاخت الفاضلة الشاعرة القديرة / شجون القصيد
بكل معاني الاعجاب أحيي فيك هذا البوح الجميل ..
والذي ارتقى للمراتب العليا من الإبداع والجزاله ..
حضورك له بصمته الخاصة
وشعرك يستحق الوقوف والتأمل...
تقبلي تحياتي اللائقه

[زهرة اللوتس]

دائما للفقد لغته الفخمه
ولكن عندما يكون من نسج شجون
يكون روح معلّقه بين دمعتين
يالرقي حرفك وروحك ياشجون
دمتي صاحبة الحرف القريب
تحيه بعبق الورد


زهرة