قصيدة بنصف مـــــليون ريــال

[فهد حنس العتيبي]

	آخواني تعددت اغراض الشعر ,, ألا ترون ان من حق هذا الرجل ان ارفع له التحايا على رؤوس الاشهاد وبين العباد وهو الذي طوقني بمعروفه وكرمه وهو الذي يحضى بمكانه اجتماعيه كبرى وممن اشتهروا بالكرم الفارهه واعتاق العديد من الارقاب من القصاص وغيرها الكثير من المواقف انه الشيخ / شديد بن محمد الهماش القحطاني احد المقربين من سمو سيدي الامير احمد حفظه الله (( وللامانه فهذه القصيده كانت بناء على طلب احد اصدقاء الشيخ )) وكان لي شرف تحقيق طلبه وقد كانت نتيجتها كما هو العنوان

سلام ياشيخ ٍ شمخ والسعد طاب= الله يسدد بالمعزه ادروبه
اللي رفع راسه على الروس ماهاب= ومن فوق هامات العلا سولفوبه
جنسه قليل ويذهل الروس الالباب= وصفوة صناديد الرجال اعجبوبه
جيته على وضح النقا ماش ,,, مجناب = سلام ياشيخ ٍ توجهت صوبه
يمه تخطرينا الرفاقه والاصحاب= توبه مانمدح غيره اليوم توبه
قبلي سبقني له بني عم واجناب= ومثلي امسخرت القصيد اقصدوبه
هذاك من يحسب له احساب واحساب= وان جأ مجاله (شووشوا ) واحسبوبه
شديد الهماش محمود الانساب= لا ساقوا الفنجال الاول ,,,, بدو به
ابو محمد شوق تلعات الارقاب= ذعذع هواء عزه وهبت هبوبه
له في سنام المجد طاله ومرقاب= حي الجبين اللي ينومس اسلوبه
حي الحجاج اللي يشرف وينهاب= ولو دورو, فيه الردا ما لقوبه
صيته يشوشني وانا شاعر ٍ شاب= يانعم بالشارب وباللي ,, ينوبه
ترفع له البيضاء على بيد واهضاب= غصبِ على الحساد لو ما ,, رضوبه
شديد الهماش للضيف مرحاب= حلو النبا فيه النقا والعذوبه
كريم خيم ويودع الجود ينسا ب= جوده مثل وبل الحيا من انصوبه
مايذبح الا الكوم قعدان ,,واأشباب = ياهل البنوك المصنكين اقتدوبه
ابا الحكايا والعطا ,, والهواء الهاب = ندري وباقين القبايل دروبه
معطي العطايا اللي كما روح سحاب= تسعين منها بالرياض امحسوبه
وتسعين منها في,,ا للوازم والاسباب= وتسعين ,, لامن النشاما هقوبه
وتسعين من هاك العطايا في الاطلاب= يوم الردي نفسه تضيق امغصوبه
والناس كل الناس عربان وأغراب = ما منهم اللي ماعرف وين هوبه :؟؟
تلقاه في صرحِ عن العز ماغاب= صرححِ () مضوفِ للرجال وخصوبه
ينصونه الناصين عكفان الاشناب= ويلوذ به رجل شكا ضيق ثوبه
وان ضاقت الدنيا على الشيب ,, والشا ب = تنحروا شيخ السعد وانتخوبه
وضرب بحد السيف ماهوب هياب= ياسعد حظ اللي لفوا ,, والتووبه
وان جأ المزابا واعترا الجو ضبضاب= له حضرة ِ عند الرجال امحسوبه
* حلال قيد اللي احذف به وراء الباب= بغدرا ,,, غياهيب السجون انزلوبه
واحكم عليه وصدر الحكم بكتاب= ولفوه بالشمع الحمر واسرحوبه
وكبوه في الساحه وبالكبد مشهاب= وقروا , على الحضار صك العقوبه
وجاله من المولى بعد ضنك وأكراب = اشديد الهماش جاهم ,, وجوبه
فرج له الله ثم فكاك الانشاب= ابو محمد فرج الله اكروبه
أرها ... عليه بصافي المال ما أرتاب= ويبشر من المولى بحسن المثوبه
هذي سوات اللي للامداح كساب= مطلق محابيس القود من اجيوبه
رفع مكانة ربعه آقصين وأقراب= وربعي (( عتــــيـبــه )) في المجالس حكوبه
ومثله يجي له ند واضداد واحزاب= والحر يشهر والكبود امعطوبه
في نجد جاله صيت أبلج ومقضاب= في وسط نجد وفي شمال وجنوبه
وا لله يالولا اللوم يالعرم شباب = لاقول كل المدح ماغير دوبه
لعل يفدونه خبيثين الالقاب= بخال النفوس ومالهم ما أهتنوبه
ويفداه خدش لا يودي ولا جاب= ماغير في رأي الحليله يبوبه !!!!
حصلت ياشديد ـ من الروس الاعجاب= اعجوبة ٍِ يا كبرها من اعجوبه
هذي افعول اللي ينومس ولا ,, خاب= من لابــــــــــــــــةِ وسط القلوب امحبوبه
بني مضيم اليا حصل حزم كلاب = لاهازوا الشيخ المجوخ سطوبــــــــــــه
اهل السيوف اللي لها حد ونصاب= قحطان في شتى الديار امهيوبه
يوم انها مابين صولات واحراب= شبوا ..... على كبد المعادي شبوبه
أضعانهم من جاش !! اليا راس مشعاب= وان حولوا ,, دار المخافه رعوبه
هم ساس يعرب والعروبه والاعراب= اصل العرب منهم وساس العروبه
قلته وفكري لاهتوا / للهدف صاب= مالي ابخضخاض القصيد المشوبه
تمت وصلى الله على زاكي الاحساب= محمد اللي كفر الله اذنوبه

[مبروك بن ماضي]

كم يسعدني ان أكون في مقدمة الحضور

شاعرنا القدير/ فهد بن حنس

صح لسانك وعلا شانك

قصيده عانقت السحاب بروعتها .

أنعم بالمادح وبالممدوح

دمت بهذا الحضور وهذه الشاعريه.

تقبل فائق التقدير والاحترام

[محمد بن عمار]

السلام عليكم
الاخ الشاعر / فهد بن حنس
صح لسانك وجاد بيانك
تحياتي وتقديري
محمد بن عمار

[سلطان العطاوي]

صح لسانك واعتلا شآآنك

قصــيده رائعه بروعة الحضور
لا خلا ولا عدم

[داعي الشوق]

صح لسانك يالشاعر فهد

و يستاهل شديد القحطاني كل علم طيب

مادام هذي علومه

ويستاهل من مثله وشرواه

وافي يا فهد وافي

صح لسانك مع التحية لك

دمت بخير

،،،،،،،،،،،،،،،

[نجم الإبداع]

اللهم صل على محمد

صح لسانك يافهد

ويستاهل الشيخ شديد

بيض الله وجهك

جزل

لاهنت

تقبل مروري

وتقديري

[سناعيس]

صح لسانك يافهد
والف نعم فيك وفي القحطاني
وبيض الله وجهك على هذه القصيدة الرائعه
وهي وفاء منك لمن يستاهل الوفاء
لاهنت



تحياتي

[سعد الشقحاء]

صح لسانك
واعتلا شانك
قصيدة رائعه

[عبدالله الشويمان]

صح السانك يا اخ فهد

ولا هنت جزله يا الجزل

[محمد عبدالله البدراني]

شاعرنا القدير فهد بن حنس


سلمه الله


تستاهل هالقصيده اكثر من ما ذكرررررررت


اي والله


الف الف الف مليوووووون صح السانك


وقصيدة لاتقدر بثمن


لله دررررررررررك


لله دررررررررررك

ولي عودة تليق ان شاءالله

تحيتي وتقديري