مناشد وترجمان مجاهر إلى الطائر المهاجر

[ماجد المهدي]

سلام الله عليكم يالفطاحلة

صوتٌٌ ممن يسكن المهدي ينتظر صدى من الطائر المهاجر تجلت في الشات الكتابي

وأنا مجرد مترجم مجاهرٍ بينهما

ألا يالطير يامهاجر أتاكم ماجد المهدي = يسلّم ثم يترجم لك رساله ما هيا لإنسان
يدندن داخله جنني ووده ينشدك نشدي = على من خافقه يعشق عجيبه من ملاك الجان
لعمر الله يالطائر لفي كبدي وما كبدي = سوى فدوى لمن اعشق جليلة من شذى العربان
لها شعرٍ شرمّحْ فيه أسرحْ درةٍ نضْدي = عليم الله أشقاني فأسمع وصفها بقيفان
لها وجهٍ كليل البدر في تمّه بلِ يعدّي = لأوصافٍ جلت فيها لتشفي الشايب التعبان
عيونٍ لونها لؤلؤ وخشمٍ سيّفٍ حُدّي = ووجنٍ لا أخجلت شببت خدور بخافق البركان
لها نطقٍ غدى شعرٍ بلا حبر وبلا قصدي = نزف من ثغرها الوردي درر تعلو سما الأوزان
إذا ناديتها لبّت وأنا من ضمّت الشهدي= تلاقيني ذبلت وقمت أهوجس منّها وسكران
ونحرٍ مرتوي غصنه بماء العين منشدي = وصدرٍ ممتلئ يشبه نضاج التين والرمان
وخصرٍ شابه الأعواد شبّ بنقطةٍ تبدي = كتفاحٍ دنى أحمر لتسلب خافق الهيمان
وساقٍ في تجمعها كبحر الجزر والمدي = إذا طافت بها سُفنٌ تسير براحة الركبان
خلطت بكاسها كاسي ولم يصبح لها ندّي = أغني في سماها دوم هبّي يا ندى الولهان
أحبك أعشقك يالله تعالي يا الهنا عندي = طلبتك لا تخليني هويتك والهوى خذلان
ولكن صدّني عنها ابوها المارد بصدّي = وأنا من بعد صدّه لي يحوم بداخلي شيطان
أفكّر في الخطف مره وأضيّع عقلي ورشدي = وأفكّر أنتحر مرات وأذكر ربي الرحمن
فهل من حل يا الطائر دنى من عندكم جدّي = يقرّبني لمن أعشق وأهديكم سنا الشكران
وسلامي للحبيب اللي شقاني بدهري وعهدي = وسلامٍ للمهاجر والمجاهر غالي الاثمان

تحياتي

ماجد المهدي

[علي محمد العتيبي]

فهل مـن حـل يـا الطائـر دنـى مـن عندكـم جـدّي
يقرّبني لمـن أعشـق وأكيـل الكـم سنـا الشكـران
وسلامي للحبيب اللـي شقانـي بدهـري وعهـدي
وســلامٍ للمهـاجـر والمجـاهـر غـالــي الاثـمــان


ماجد المهدي

ياسلام عليك

ياخي انت مبدع

لله درك من رائع


صح لسانك مليوون


اعجابي واحترامي

[الصريح العتيبي]

الاخ/ماجد المهدي
صح لسانك واعتلى شانك
والطائر لها بالراذار
دمت بخير حال

[الطائر المهاجر]

أفكّـر فـي الخطـف مـره وأضيّـع عقلـي ورشـدي
وأفـكّـر أنتـحـر مــرات وأذكــر ربـــي الـرحـمـن

اظنك تنتحر اجدى فما للموت من بدي= يموت الرجل احسن له ولا ينصاب هو بجنان


اصح لسانك واعتلى شأنك
لي عودة
تحياتي

[ابومياس]

ماجد المهدي

وش حدك على الجن الله يصلحك 0


صوت جميل ينظر الصدى

صح لسانك وبيض الله وجهك

دمت بخير

[داعي الشوق]

صح لسانك يالشاعر ماجد المهدي

دائما متميز ولكن هذه المره

جبت العيد صار فيها تحضير ،،

وش السالفه يا ماجد ههههههه

صح لسانك ولاهنت

[ابو أنس]

الفاضل ماجد المهدي......................
الله يعينك على الدكتور ان التفت لك وتقعد لك
أجل تحب من الجن!!!!!!!!!!!!!!!!!!
انت مادريت انه دكتور نفسي

عموما القصيدة جميله بجمال حس قائلها
وتنم على قدرة وافره على النظم والتصوير
لك كل الشكر

[النهج المختلف]

ماجد المهدي صح السانك ,,,,
الله يعطيك العافيه , على القصيدة الرائعة
لاهنت أخوي ماجد ,,,, تحياتي وتقديري ,,,,

[حي الضمير]

رائع ياماجد وابدعت كعادتك كشاعر متمكن وصح لسانك

[يوسف الشقران]

يـدنـدن داخـلــه جـنـنـي ووده يـنـشـدك نـشــدي
على من خافقه يعشق عجيبـه مـن مـلاك الجـان


اول ماقريت البيت هذا ضحكت

ودريت اني ابي اقرا شي مهو عادي


وفعلا مثل ماتوقعت


(خف على الشايب يابومهدي )



صح لسانك الف الف الف الف مليار


تحيتي