لو بحثنا في سبايب انقسام المسلمين

[الطائر المهاجر]

لو بحثنا في سبايب انقسام المسلمين= ندرك الإشكال جانا بعد توريث الخلافه
كانت البيعه طريقة اختيار الراشدين = بعد شورى من كبار القوم في عقل وحصافه
ومن بعدها صار توريث الخلافه للبنين= وابتدى تسييس دين الله على طول المسافه
وابتدت تظهر طوائف للسياسه رافضين = وانعطاف ف الفتاوى زادت الفكر اختلافه
صارت قصور ومواكب والخدم يسرا ويمين= والجواري والملاهي فيها انواع السخافه
واستغل الدين للدنيا بلا فكرٍ رصين = والنهايه تعرفوها كيف صارت واحسافه
انتهى مجدٍ مؤزّر من جميع الخافقين = وانتهت امّه عظيمه اعطت العالم ثقافه
وانتهينا لإنحدارٍ مع جموع الخانعين = نلتمس عطف المعادي لو يعاملنا بجلافه
واستغل الضعف فينا يرسم الخط المشين= يضرب الإسلام بالإسلام ما يخشى مخافه
لاجل اسرائيل تكبر ماتلاقي مقاومين = فكك جيوش العروبه من بعضها بالتفافه
اشترى متأسلمينٍ لابسين ثياب دين = وكل منهم صار يفتي بعد ما حط اللفافه
من وراهم صار يركض من يبي اجرٍ ثمين= جاهلٍ والاّ فقيرٍ طامعٍ يجني خرافه
خير بالدنيا وصكٍ مع جموع الفائزين = بالجنان وحور عين وعيش مايعرف كسافه
رقدوهم بالفتاوي من لسان الخادعين = واطلقوهم يقتلون اللي يخالفهم هتافه
واصفين اللي يخالف من جموع الكافرين = واجبٍ قتله وحرقه دون حاجه لاعترافه
اشعلوها نار فتنه قسّمت للمسلمين = طبخة العادي يجهّزها على حلم الخلافه
مادروا باللي يوجه فوق روس القائدين= وانهم هم من يساعد كل عادي في قطافه
ولا دروا باللي يخطط للعرب من حاقدين= وكيف يحتلوا اراضيهم بلا ادنى كلافه
واجبٍ نصحى ونفهم منهم المتأسلمين= ومن دفعهم يشعلون الفتنه بعنف وصلافه
وكيف باعوا للضماير للأعادي الطامعين = خلف ستر الدين يمشوا مستغلين الصحافه
او قناواتٍ عميله تذكي النار وتعين = خادمه خطّ المعادي دام ترقد في لحافه

[الطامي]

كــانــت الـبـيـعـه طـريـقــة اخـتـيــار الـراشــديــن

بعد شورى من كبار القوم في عقل وحصافه

ومــن بعـدهـا صــار تـوريـث الخـلافـه للبنـيـن

وابتدى تسييس دين الله على طول المسافـه

ماشاء الله يادكتور ابداع هادف لافض فوك

صح السانك ملايين

ولاهنت

[عبدالله السويلم]

الله الله
صح لسانك يابوعبدالله


جزاله وسبك ومعنى هادف


ابدعت وامتعت لافض فوك




تحياتي لك يالغالي

[نفحات حساسة]

صح السانك...ولاهنت

ابيات رائعه وواقعيه..يعطيك العلفيه

ولاهنت شيخنا

[منيع]

معاني في محلها لافض فوك
تسلم يادكتور
تحياتي لكم

[داعي الشوق]

صح لسانك و فكرك و حالك

و الله يصلح الحال

ابدعت بحرفك و معناك

ولاهنت لاهنت يا شاعر العثمانيات

[نجم الإبداع]

نعم هذا هو الحال

صح لسانك يابو عبدالله

تقديري

[ساهر الليل]

يا سلام عليك ياعود

شاعر يعي مايقول

ابدعت في السبك والبنيان والمعنى

صح لسانك وطال عمرك يامبدع

تقبل وافر التقدير

[الطائر المهاجر]

شكرا الطامي
على كريم المتابعه
لاهنت
تحياتي

[طوفـــان]

الله المستعان وإليه المُشتكى ..

صدق الرسول حينما قال إنكم كثير لكن كغثاء السيل ..

صح لسانك أبو عبدالله على طرحك المؤثر صراحة ..

نسأل الله أن يعود للأمة عزها ومجدها وهذا لن يعود ونحن بهذا الحال ..


تحياتي للجميع .