الغرب ..نازي وفاشي

[الطائر المهاجر]

معارضه لقصيدة حمود البغيلي الغرب يصنع طائرات وصواريخ

الغرب لولا مص دم المفاصيخ= ولولا عقول مهاجراتٍ عطاشي
ولولا علومٍ قلدوها وتنسيخ= من مكتبات العرْب وقت اللطاشي
ولولا مباديهم تنادي بترسيخ = حل الحرام ومشيهم بالغشاشي
ولولا احتلال ديارنا كان يا شيخ = ما طيّروا حتى طيورالأباتشي
سرّاقة الثروات ولهم تواريخ = مرٍّ بحرب ومر في دور راشي
ولولا النفط ياحمود ما كشّر الذيخ= وقام يعثى بخرفانها والحواشي
لاجل المصالح عندنا دوم تنويخ = حرّاس خوفٍ من ليال الهتاشي
ولا حاربونا كل يومٍ بتوبيخ = ولا دلّهونا من حليب الغراشي
ولا متخّوا منا فلسطين تمتيخ = وحنا نناطح بعضنا كالكباشي
ولا قدسنا راحت وديست بتوسيخ = وحنا نتفرج والصور بالفلاشي
وهذي العراق اليوم تشوى على الصيخ= ولا ندري اللي بعدها من هشاشي
وحتى ولو نحتج من دون تصريخ = نقولها بلسان فيه ارتعاشي
يامر ننفّذ ما يبي أي تلبيخ =والكل عنده من خشاش بخشاشي
هذي الحقيقة ما بها أي تشليخ =الغرب بعضه بين نازي وفاشي
وحنّا ندوّرهم ونصرف بتبذيخ = نأكد بأنّا من كديش الكداشي
يازينهم يا حليلهم هالمطانيخ = أرحم من العربان أهل الدفاشي
قمنا نتبطح نشتري الذل تاريخ = ولا عاد في روس العرب من عراشي
لكن ترى الله فوق ظالم وزرنيخ = ممن نسى في يوم لفّه بشاشي
الموت ما يعرف فقيرٍ ولا شيخ = ومن لايخاف الله الى النار ماشي

[عبدالرحمن بن زهير]

"الغرب يصنع طايرات وصواريخ"...................رد اروع من شاعر عملاق لا فض فوك يابوعبدالله هذه ابيات من العيار الثقيل وصح الله لسانك............تحياتي

[بنت العز]

يوووووووووووووووووووووووه قصيده من جد رووعه لاهنت وسلمت شاعرنا

[نفحات حساسة]

الله الله
صح الله لسانك ..ولاهنت والله
تحياتى..

[الطائر المهاجر]

شكرا أخي عبدالرحمن
على كريم الحضور والتفاعل
لاهنت
تحياتي

[نجم الإبداع]

الله الله

صح لسانك يابو عبدالله

عزالله انك صادق

والله يصلح الحال

لاهنت

تقبل مروري

وتقديري

[منيع]

ياسلام عليك
ابدعت واجدت
ولم تغادر الحقيقه قيد انمله
تحياتي لكم

[ترانيم المطر]

الشاعر المميز

فالك الجنه وما فيك حيله

إبداع ×إبداع

لله درك ودر تميزك

تقبل من التحيه أغلاها

ودمت مميزا كما أحببت

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[الـزلـزال]

قمنا نتبطـح نشتـري الـذل تاريـخ=ولا عاد في روس العرب من عراشـي
لكن ترى الله فـوق ظالـم وزرنيـخ=ممن نسى فـي يـوم لفّـه بشاشـي
الموت مـا يعـرف فقيـرٍ ولا شيـخ=ومن لايخاف الله الـى النـار ماشـي

الطائر المهاجر
قصيده رائعه ومحكمه
من شاعر عودنا على تقديم كل رائع وجزل
أبدعت طائرنا بكل جزاله وتمكن
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري