نوري الشعلان

[الطائر المهاجر]

نوري الشعلان

يزخـر تراثنا الشعري بشعراء لم يبلغوا الشهرة التي يستحقونها في هذا المجال لأنهم عرفـوا بميزات أخرى حجبت عنهم الشهرة الأدبية ، وشاعرنا هذا كان شيخاً وزعيمـاً كبيراً ، وأميراً وذا شخصية قوية في البادية :
ذلك هو { النوري بن هزاع بن نايف بن عبدالله بن منيف الشعلان ، شيخ الرولة من عنزة وتمتـد حياته ما بين [ 1267-1361هـ 1942 م في دمشق ] ، وقد قضى هذا الشيخ أربعاً وثمانين سنة في قيادة الرولة حافلة بأعمال وأحداث كثيرة عاصر خلالها أربعة عهود في بلاد الشـام هي على التوالي : [ العثمانية – الهاشمية – الفرنسية – السورية المستقلـة ] ، وكـانت علاقته بالحكومات بشكل عام تتصف بالود والمسالمة فقد كان ينأى بالرولة عن أتون الحرب مع هذه الدول. منح الأمير نوري من الفرنسيين وسام جوقة الشرف من درجة فارس ووسام كوماندور ، بالإضافة إلى مركزه في البرلمان السوري الممثل الدائم كما منحـوه بيتاً قرب الصالحية في دمشق فرممه وطوره حتى تكامل حوله حي كامل في دمشق ما يزال يعرف حتى اليوم بـ " حي الشعلان "
أصدر القائد التركي سامي باشا قراراً بإعدام النوري ، وفي ليلة التنفيذ قُتل سامي باشـا وألغى القائد الذي جاء بعده قرار الإعدام وأفرج عن النوري الذي قال :

الحمد للي قتل " سامي =الربّ ما احسن تدابيــره
أمسيت والموت قدّامــــي =وأصبحت في نازخ الديره
أصدر على القوم بإعدامي =وذبح ، وصارت لنا خيــره

من قصائده في القهوه :

قم سوّ ما يصبغ على الصين يا عيـــد =بدلال ما عنهن سنــا النار طافي
واستدن ما يجذب علينـــــــا الملابيد =يكثر علينا " قوّكــــم والعوافــــي "
ليا لبّس " المركب " بريش الــهداهيد =عدوّنا نودع عظـــامه ســــوافـي
ناخذ علي جمع المعـــــــادي ملاكيد =ونمشي علي نزل المعادي كشافي

ومن القصائد الغزلية التي تنسب للنوري بن شعلان قوله :

نطيت أنا المرقاب طالعت واشفيت =وبيّن لي اللي صنّق من شجرها
طرى عليّ صويــــحبي ثـــم ونيـت =ونّة قصيم الساق ما احدٍ جبرها
إن ما تهيّــا مــــن ثمـــانه ترويـــت =واعيني اللي ما يبّطل سهـــرها
وجدي عليهـا وجد حيٍّ علي ميت =وقلبي عليها بين الأضلاع يرهــا

[الطائر المهاجر]

قم سوّ ما يصبغ على الصين يا عيـــد=دلال مثل البطوط الهدافـــــــــــــــــــي
احمس وزينها على كيف ماريــــــــــد=بدلال ما عنهن سنــا النار طافـــــــــي
ودق النجر حسه يجيب الملابيــــــــــد=يجلي نواد اللي من النوم غافــــــــــي
تأتيك دكلات القروم الاواليــــــــــــــــد=ويكثر علينا قوكم والعوافــــــــــــــــي
ادغث لها حفنه من الهيل لاتزيـــــــــد=والزعفران وروكه يالسنافـــــــــــــي
وسقها لذربين الرجال الاجاويــــــــــد=وصبه للي يثني خلاف المقافــــــــــي
اللي يروي حربته بالمطاريــــــــــــــد=لعيون من قرنه على المتن ضافـــي
بنت الشيوخ مخضبين البواليــــــــــد=حريبهم لو هو بعيد يخافـــــــــــــــــي
واثنه على اللي وأن لفوه المسانيــد=لا يا بعد خطو الكذوب الهلافــــــــــي
وحنا الى صرقع ضبيح البواريـــــــد=وصار المقامع دون حم الشعافـــــي
وإن لبس المركب بريش الهداهيــــد=عدوّنا نودع عظـــامه ســــوافـــــــي
ناخذ على جمع المعادي ملاكيــــــــد =ونمشي على وضح النقا بالكشافــي
وأن درهم الصابور ما من تصاديـــد=كم فارس صارت اعظامه تلافـــــــي
مركاضنا يشبع به الضبع وايعيـــــــد=والنسر اللي بطنه من الجوع هافي

[الطائر المهاجر]

يا أجواد وا عنزي وأنا أدور كليـــت =يا أجواد عنزي ماتبين خبرهــــــــا
عنزي عليها من هاك النزل حلـــيت=في مجمع السيلين ما أحدٍ ذكرهــا
طرى عليّ صويــــحبي ثـــم ونيـت =ونّة قصيم الساق ما احدٍ جبرها
نطيت أنا المرقاب يا اجواد واشفيت =وتبين اللي متقي في شجرهــــــــا
فطن عليه شف بالي و ونيـــــــــــت =ونّة قصيم الساق ما احدٍ جبرهــا
إن ما تهيّــا مــــن ثمـــانه ترويـــت =واعيني اللي ما يبّطل سهـــرهـــا

[الطائر المهاجر]

وفي سجن الأتراك يقول النوري بن شعلان

البارحة نوم الملا مايجيني =والعين عيت تقبل النوم ياسعود
صبرا جميلأ والله المستعيني=,للي جابوني بالأمانات وعهود..؟؟
ياراكب من فوق طلق اليميني=ماوصفو مثلة من الجيش مشدود
يسبق شريط التيل للمنتويني=والياشبكتة بالرسن يطلب الزووود
وشعلمكم يا ربوعنا مرتخيني= لومي على خالد وممدوح وحمود
مشرف ومتعب هرجهم مايجيني=ياطراد انا قلبي من الهم ملهود
نخيتكم ياطراد شفني سجيني.؟؟=كيف انحبس وعيال وايل تقل طود
وين الرفاقة وين حبس الكميني =عاداتكم ياعزوتي نطحت الكود

[الطائر المهاجر]

وقال وهو في سجن الأتراك ايضا

ياونتي بالحشا ونة=في ديرة الترك يطرادي
عيني من النوم منجنة=ماتقبل النوم ياجوادي
وهموم قلبي الياجنة =في ضلمة والسفر غادي
قلبي كما بايد الشنة =تنثرت عقب الأصمادي
شدو لنا حرة كنة =منوة غريب ومدادي
عملية قايم فنة =ومن البحر تمسي الوادي
ياربعنا ياهل الكنة =الله كـــريـــــــــم وعوادي

[الطائر المهاجر]

وقال أيضا هذه القصيدة ينخى فيها ابن عمه الأمير ممدوح بن سطام الشعلان في الجوف .

ياراكب من عندنا فوق مزرام =تجفل إلي شافت خيال الرجومي
امة شرارية وابوة لبني لام =تشدا ظليم روح العصر يومي
علية من يوصل كلامي من الشام =يلفي لشيخ والحجالي ركومي
يلفي على ممدوح من نسل سطام=اللي على قالة رفيقة يقومي
حلياك مثل الحر للصيد لطام=تاخذ بثاري يابعيد العلومي
لوهني من قلط الريش قدام=وبنا بيوت الحرب مثل الحزومي
والي كدوا ربعي تقل عسكر انضام =بطرافهم تسمع رغيد الغيومي

[الطائر المهاجر]

البارحة كني على عضم ساقي =اقالب الجنبين عدي على شوك
ونيت ونة غالب البال شاقي =طريح قوم بينهم طاح مشبوك
ولا غريق مخطر بالغراقي =ينخى وعمرة وسط الأمواج مدروك
على عديم مايطب المتاقي =يثني ورى الصابور والعج مسموك
وقع طريح مخضب بالسناقي =هبيت يادور الأجواد داموك
ماينعي حي وراة الفراقي =ولاينكرة بعد الرفاقة إلي غثوك
قم سو فنجال ترى البال ضاقي=فنجال يجلي كل هم وداكوك
لمحلا مزت سبيل العراقي=اصفر يجيك بلوذت التتن مفروك
ودلال بيض ماغشاهن حراقي=وصينية يركض بها مثل مبروك
وفنجال بن مقيس بالقناقي =ماحط مع بنة ولا الهيل مشروك
إلي انطلق يشدا لدم الفلاقي=صبة لدسمين الشوارب إلي جوك
صبة لمن يثني خلاف السباقي=في ساعة تلقابها الكل مزنوك
صبة وعدة عن خطات الهلاقي =يقلط على البارد ويقصر عن احوك

[الطائر المهاجر]

من وقف الترف بالبابي =قلبي بحامي لهايبها
اقفيت يازين الأعذابي =والعين ما النوم صايبها
يما حلا نطت النابي =وتوقيفة في جذايبها
ترى السلف خيل وركابي =وكتبانها مع مراكبها
مفزاعهم فك الارقابي =على العدو ضاع مدبها
كم من سبيق ومرعابي =تأتي ولا شيف راكبها

وله ايضا

لي فاطر يوم أقول أبهـا =تقطع رهاريه داريـــــــه
من نسل شعلان ناجبهـا =وعليها وسم العواجيــه
تزها الميارك مناكبهـــا = حمرا هميمه شراريــــه
ما أهبلك ياللي تعذربـها = ما شفت مرواحها بيـــه
أدور خلي ومذهبهـــــــا =من شان عين النداويــه
ياما حلا يوم الاعبهـــــا = والصدر به بيض كدريه

[عبدالرحمن الصباح]

صح السانك يابوعبد الله والله يرحم النوري الشعلان مشكور وبارك الله فيك استاذي

[ابومياس]

قم سوّ ما يصبغ على الصين يا عيد
00000000دلال مثـل البـطـوط الهـدافـي
،،،،،،،،،،،،،،،،،،،،

اهلا ابو عبدالله

القصيدة جميلة جدا

بس مطلعها مغاير عن ما اعرفه محرف بالشطر الثاني

من مطلع القصيدة

والبيت الاقرب حسب ماسمعت القيدة قديما هو

قم سوّ ما يصبغ على الصين يا عبيد
000000000000 بدلال يشدنّ البـطـاط الهـدافـي

شاكر لك امتاعنا بالتحف الفريدة من روائع الشعر النبطي

دمت بخير وعافية