لو السهر طال000

[دخيل الازوري]

لو السهر طال وتمنيت ماانام= يكفيني اني في عيونك .....انا حي
خليني ارسم بالكحل طيف الاحلام= واروي هديل الشعر من سحرها شوي
ولا صرت ابقضي باقي الوقت بعتام= واحتاج من طول الهدب بارق الضي
ماهمني ولو أزهر براسي اثغام = وبعض الشجر ماينبت إلا تحت في
يا مثريه بالحب فكري والالهام = قلبي على غيابك شكى لاذع الكي
إخذي من اوقاتي لك سنين وايام= وسقي عطش قلبي من شفاتك المي
ترى حياتي دونك اشبه بالاوهام =والعمر مايسوى بدونك ولا.....شي

[الطائر المهاجر]

صح لسانك وبيض الله وجهك يا دخيل
نص جميل ولوحة فنية رائعة رسمت ببوح صادق لشاعر متمكن
شكرا على اتحافنا بها
تقبل أطيب تحياتي

[ماجد السعد]

شاعرنا دخيل

وحضورك دايما رااااااائع
صح كلك مبدعنا

[نجم الإبداع]

العذب


دخيل الأزوري


صح لسانك وسلم بنانك

سعدت بملامسة هذا النص الجميل


تحياتي لك

[الشريف الشرّقي]

ترى حياتي دونـك اشبـه بالاوهـام ** والعمر مايسوى بدونك ولا.....شـي
صح لسانك .. ونسأل الله لنا ولك طول العمر وحسن العمل .

[ابو زياد]

الشاعر دخيل
الف صح لسانك ومنطوقك
تسلم على الروائع والتحف الادبية

[يزيد النمي]

ترى حياتي دونـك اشبـه بالاوهـام
والعمر مايسوى بدونك ولا.....شـي


دخيل الأزوري


صح لسانك وسلم بنانك على هالمقطوعة الجميلة

[الخنساء]

صح لسانك اخوي دخيل قصيدة جزلة المعاني يسلم حرفك

[حسام الشعر]

بسم الله الرحمن الرحيم

دخيل الأزوري

السلام عليكم ورحمة الله وبركاته

صح الله لسانك وعاشت ايامك
قصيده جزله وأبيات راااااااااااائعه جدا

لله درك على هذه الجزاله وعلى هذه المعاني الراقيه


اخوك
حسام الشعر

[نسناس الهوى]

حضور رائع .. وابيات جزله ، وقافيه تطرب القلب قبل المسامع

ابدعت يامبدع .. وصح لسانك وسلم قلبك وروحك ،، تقبل اعجابي بحرفك الراقي ..