رسالة عتب

[طلال سويعد]

السلام وعليكم ورحمة الله وبركاته

وكل عام وانتم بخير

سمعت طرقاً يونس القلب طرياه= من شاعرٍ ٍفنة حروفٍ رزينه
من دار وائل طيب الطيب مبدآه=لربع حكمه صاغ أحلى ثمينه
ما قول غير الله لا قلت بعلاه=مجد التاريخ اللي نصع من جبينه
جهينه أهل العز لجاد مبناه=تاريخ شمسه شارقه من سنينه
وفييت نظمك بالوفا كان مجزاه=بس التبس بالسرد من حق نعنيه
عديت بد وبد ماجبت ذكراه=بد العقيبي بالذهب كاتبينه
تاريخ جدودٍ جنى الطيب مجناه=أهل الطويله فعلهم حاسبينه
من روس قومٍٍ صيتهم عز يمناه=ركز المخيله وديمها خابرينه
يروي مراوي الخير لساق بذراه =عذب السواقي وردها شاربينه
لو قلت ميت بيت ماسد ممداه=يوصف مداهم بالفعل واصفينه
الله اكبر ياشعر كيف تنساه=كني بحروفك تنشد أخفاه وينه
تشره وانا اشره عندنا فيك مشراه=ويغيب ظن السوء عنا ظنينه
عز الرجال ومجدنا عالي مناه= انشد قظاعه كلها عارفينة
رد الجواب و يشفي العلم برضاه=اهل الركايب جودهم واصلينة
أهل الفهم ردو على الساس معناه=دايم على صرح النقا معتلينه
انشد جذور السمرْ من كان يرعاه=يعمي عيون السبع بأقصى عرينه
بإعلى الصخور النايفه وسّم خطاه= لين اعتلى بالمجد أصبح قرينه
لو قلت منهل عز لا شك مقراه*=*أهل القلوب الساقيه مرتوينه
منطوقهم حلو النبا دوم تلقاه=كل الشجاعه صرحها مرتقينة
مثل الطيور أحرارها فوق تبراه=هدادها ميجيب غير الثمينه
مشروبي الصافي وانا الهمج مدناه=أشرب قراحه قبل ميحوس طينه
ادري السهوّ للرأس لابد يغشاه=بس العذر يمحاه ويبعد طنينه
والله مهنا شك في طيب مجراه= مير القوافي هزها محتوينه

للاستمـــــــاع ،،

http://www.safeshare.tv/v/PIiZ59gUB30

[الطائر المهاجر]

سلمت
وصح لسانك
جزله من راس جزل
لاهنت
تحياتي

[حرف وشعر]

الاخ الكريم طلال اسويعد


قصيده جزله من شاعر متمكن

شكرا لك

[عبدالعزيز العمار]

طلال سويعد

صح لسانك وجاد بيانك

جزله من شاعر جزل وقدير

تحياتي وتقديري

[سناعيس]

صح لسانك ياطلال
قصيدة طيبه
لاهنت

تحياتي

[محمد بن عمار]

ابن سويعد / صح لسانك وجاد بيانك يالجزل ولا هنت

[منيع]

اكثر من رائعه
تسلم اخي الكريم
ربي يرعاكم
تحياتي

[عبير الورد]

صح لسااااااانك ملايين
سلمت وسلم منطوقك الجزل
ربي يعطيك العافية

[داعي الشوق]

صح لساااااااااانك يالشاعر طلال

و الحمد لله على السلامه يالشاعر

قصيدة جزلة و جميلة

كـ حضورك الجميل

تقبل مروري السريع

ولي عودة لاهنت

ويا هلا بك من جديد

و صح لسانك

[الراقي]

صح لسانك
ابداااااااااااااااااااااع

قصيده عذبه

وكلمات جميله

..........