مر الليالي

[عادل بوبدر]

جديد 2014

::
بسم الله أبدأ
::

كلٍ على همه سرى وانا على همي سريت
والناس رب العالمين أدرى بسر همومها

أحدٍ يدور للعشا وأحدٍ يبي عزٍ وصيت
وأحدٍ يجي ويروح مفلسْ من جميع سهومها

وأحدٍ من الاحزان قد شيد وعمر الف بيت
تسكن به الاحزان حتى رامته ويرومها

أزعلت عيني ياحزن وانا اللي في حكمك رضيت
تذرف عيوني من قهرها والعذول يلومها

صبرت صبرن ماصبره الصابرين ومالقيت
من زود صبري غير زود جروحها وكلومها

شربت من مر الليالي الماضيات ومارويت
يالله عسى حظي بعدها من كبار قسومها

ياللي شغلت أفكارنا مدري دريت أو مادريت
إن العيون بغيبتك يحرم عليها نومها

لو كان حولي كل خلق الله غيرك مارجيت
مادام أشوفك ياقمر مالي ومال نجومها

عادل بوبدر الدوسري

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[منيع]

مبدع ورائع
شكرا لك
تحياتي

[داعي الشوق]

صح لسانك عادل بو بدر
ابيات جزله و جميله
ولاهنت يالشاعر

[الراقي]

صح السانك وعلاء شانك
امتعتنا بهذه الرائعه
لاهنت ولاهان راسك

[الطامي]

أحدٍ يدور للعشا وأحدٍ يبي عزٍ وصيت
وأحدٍ يجي ويروح مفلسْ من جميع سهومها
وأحدٍ من الاحزان قد شيد وعمر الف بيت
تسكن به الاحزان حتى رامته ويرومها

عادل بو بدر الدوسري
صح السانك ملايين
ابداع مميز لافض فوك
شكرا لك

[نجم الإبداع]

صح لسانك ياعادل

مصافحه جزله وطيبه

لاهنت

[الكلثم]

سلمت وعشت
وصح لسانك الف
ولا هنت
تحياتي

[بنت النور]

صح السانك مليون مايكفون
ابداع وتميزت ياشاعر

لاهنت
تحياتي وتقديري

[حي الضمير]

ابدعت وامتعت
لافض فوك
ومدد صح لسانك