مساجلة تتابع القافية ............! رهيبة

[محمد بن عمار]

السلام عليكم /
موضوعي اليوم هو .
مساجلة تتابع القافية .
جميلة وشيّقة وصعبة وسهله
وتحدي حقيقي في نفس الوقت ..
أكتب بيتين سواء من نظمي أو نظم غيري
ماتفرق علشان نسهّل العملية على المشاركين
واللي يجي بعدي يبدأ بآخر حرفين من القافية مثلا ً /

لاعني ضامر السرجوف = يوم مرّ ايتخطرا لي
كن نور القمر مخسوف = لا كشف خده الغالي

ل ، ي

اللي بعدي يكتب

ليه ياكل الغلا ويش السبب = كيف تجرحني على الجرح القديم
يارفيع الذوق بأخلاق و أدب = مع جمال ٍ في محياّك الوسيم

بسم الله نبدأ، اللي بعدي ...

.

.

.

ي ، م

[داعي الشوق]

لاهنت يا بن عمار

و يعطيك العافية

****************

يمك دعاني شوقي اللي ذبحني = و انا من اسبابك من العام مذبوح
ياليت تدري كم هواكم جرحني = زودٍ على جرح مشاريفه البوح

[محمد بن عمار]

وحيد يجبرني زماني أشوفك = مشتاق قربك كلما جيب طاري
مدام ظرفي ما يوافق ظروفك = أستقرب المشوار ،وأجيك ساري

ر ، ي

[محمد بن عمار]

رياح الود صابتني وأردت قلبي المطعون = وحالي من قبل ما أشوف مركوز النهد مغثوث
تصوبني بنظرات بها رمح الهوى مسنون = ولا لي غير ربي أشتكي له حزني المبثوث

و ، ث

[محمد بن عمار]

داااااااااعي ، هترررل
الهمام ياشعّااااااااااار

[محمد بن عمار]

وثب سهم العيون وشق وسط القلب من عرضه = وأنا كنت أحسب إني عن سهوم العين في صده
تلاقينا بدرب الشوق وكانت صدفةٍ محضه = لأجل قلبي على شوفة وليفي ما أقدر أرده

د ، هـ

[هترل]

دهاك ومكرك المعروف
يروعني ومن مده

اخاف العب على المكشوف
تجيني بهجمه مرتده

[هترل]

دهر لو عشت ياصاحب تمني النفس بالاحلام
عليم الله ما تلقى بدربك غيره المقسوم

ولو هي بالتمني كان ماصلى الامام وصام
ولا شفت البشر اشكال احد حاكم واحد محكوم

[محمد بن عمار]

ومنكم نستفيد العلم والحكمة مع الأفكار = وندرس كل تكتيك الغرام اللي تخفوّنه
و في بحر الهوى نسبح ونسبر خافي الأغوار = نجيب أصداف وسط القاع في المحّار مدفونة

[هترل]

نهيم بكل واد من الجنوب لديره المطران
يجمعنا الغلا وقلوبنا خضر وهواويه

ولا منه ظهر ياصاحبي ضو القمر وبان
نجيب الجزلا لعيونه ونار اشواقنا حيه