اعذريني لو بتربتك التحفت !.

[عبدالكريم العياش]

ياينابيـع الوفـاء يـاام الحنـان=كلمـا همّيـت أزورك ارتجـفـت
خفت لوجيتك وانـا كلـي هـوان=تزعلين انّي بعـد موتـك نحفـت
ولو حلفت اني صمود وعنفـوان=تكشفيني لو لك اقسمـت وحلفـت
وينكسر خاطرك ويذوب المكـان=ويتلاشى قبرك اللـي بـه كلفـت
ضاع قوسي وانكسر ظهر الحصان=يمّه ارجوك اسمح لي . اعترفـت
جيت يمه انشـدك امـن وامـان=وأعذريني لـو بتربتـك ألتحفـت
عَشَرة اعـوام بجهـاد وامتحـان=لاعَرَفت انساك!.اطلع ماعِرفـت!
بعدك الافراح ماتت مـن زمـان=كل شيٍ بعد موتك صـار (زفـت)
ومامشت دنيـاي بعـدك بأتـزان=لامشيت بدرب في نصفـه وقفـت
انخلق في داخلـي بعـدك جبـان=كل كلّـي بعـد موتـك أختلفـت
ليـت يمـه يـوم بـك أن الآوان=ميتٍ ماعشـت لحظتهـا وشفـت

صبيحة عيد رمضان المبارك
1/ 10 / 1433

[الـزلـزال]

عبدالكريم العياش

نص رائع ومعبر وجميل
من شاعر عودنا على روعة حروف شعره
أبدعت وأمتعت شاعرنا الراقي المميز
دمت بخير وسلام ورحم الله والدتك
صح لسانك ملايين ملايين
ولك فائق تحياتي وتقديري

[حي الضمير]

رحم الله والدتك وجميع المسلمين
وجمعنا بهم في جنته
وابدعت شاعرنا عبدالكريم
ومدد صح لسااانك

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

رحم الله والدتك رحمة واسعة واسكنها الفسيح من جنتة
ابيات اكثر من رائعة ومؤثرة
وكل سنة وانت طيب
تحياتي لكم

[صنداح الزلامى]

كتبت فأبدعت واجزلت
صح لسانك ولا هنت
تحياتي الطيبة
وكل عام وانتم بخير

[الخنساء]

صح لسانك مليوووووووون

قصيدة جزلة من شاعر متمكن

سلمت ودام حرفك

[الراكز]

قصيدة كتبت من مداد الفكر
صح لسانك يالقرم
ولا هان راسك
لك احترامي وتقديري

[الـزلـزال]

[حي الضمير]

اينـابـيـع الـوفــاء يــــاام الـحـنــانكـلـمـا هـمّـيــت أزورك ارتـجـفــت
خفـت لوجيتـك وانــا كـلـي هــوانتزعليـن انّـي بـعـد مـوتـك نحـفـت

رائعه ومؤثره تستحق العوده
ومدد صح لسااانك