يافئة الصبح من شمس الغلا فيه

[بحر الجنوب]

يا فية الصبح من شمس الغلا فيه=ضميني امسيت ساهر ماعرفت النوم
أضل ضلك وأغفي عيني شويه=لين انتفض بالغلا وأفز به واقــــوم
يا دفيء بردي بالأيام الشتاويه=ويا برد حري بفصل الصيف وقت الحوم
يابهجة العمر في السيره وفي الجيه=حياه بدونك احس اني بها محروم
شوفيني العاشق الي نيته نيه=ماشي عليها وما حصل خطا معصوم
جائع وظامي عطش منك وحنيه=لاجلك معايه مواصل فيك شهر الصـوم
أشوف وجهك مراية حب سحريه=وأشوف دونك حياتي كلها مظلوم
يعني من الأن باحط اتفاقيه=بيني وبينك وحكم المحكمه مختــوم
ياتتبعيني على العيشه الشقاويه=يا تقتليني بخنجر يدك المســموم
وأن ماقبلتي بلا تيه ولا تيه= أقتلك قتله شنيعه ماعليه لوم
لو حكم الأعــدام تصدره الجنائيه=ما اظن بعدك احس بحالتي معـدوم
لا والله الا أحس بحالتي حيه=لو كنت ميت ومن تحت الثرى مردوم
ودي اشــوفك بصورة حسن حوريه=يوم القيامه وانا وياك قبل القــــــوم

[رفيع المقام]

شكرا لإمتاعنا بإبداعك
لاهنت
تحياتي

[حوريه]

ابدعت بحر الجنوب

قصيده فاقت حدود الإبداع

دمت ودااااام عطاءكـ

[الطائر المهاجر]

سلمت
وصح لسانك وفكرك
ولا هنت
تحياتي

[منيع]

ابداع وتميز
تسلم اخي الكريم
تحياتي لكم

[حي الضمير]

صح لساااااااااااانك
قصيده رائعه وابدعت
سلمت يمناك

[كظيم]

لا والله الا أحـس بحالـتـي حـيـه
لو كنت ميت ومن تحت الثرى مـردوم

الله يخارجنـــاااا

بحر الجنووب
صح لسانك على هالفاتنه
ابدعت وامتعت حد الثماله
لله درك
تقبل مروري المتواضع لاهنت
ودي واحترامي

[بيدي رسنها]

ياتتبعينـي علـى العيشـه الشقاويـه
يا تقتلينـي بخنجـر يـدك المسمـوم
وأن ماقبلتـي بـلا تـيـه ولا تـيـه
أقتلـك قتلـه شنيعـه ماعليـه لـوم
الله الله
صح لسانك مليون ومايكفون ... وسلم عمرك وحرفك ... وماخبرت الهوى يسوي فيك الجنون .. لاهنت شاعرنا .. وبيض الله وجهك .. تحياتي لك

[فارس القوافي]

الله الله ياعلي


صح لسانك

لاهنت يالغالي


ونبيها شيلة فالصوتي


دمت بخير

[عبدالعزيز العمار]

بحر الجنوب

صح لسانك وجاد بيانك

كتبت فأبدعت وأجزلت

تحياتي وتقديري