مجاراة رايعة الدكتور/عثمان العبدالله

تفاعلاً مع قصيده د/عثمان العبدالله ((ودي مثل غيري يجمد شعوره)) الهادفه والصادقه التي تطرقت لبعض السلبيات في المجتمع وما جاء فيها من مشاعر الأبن البار لهذا الوطن ومواطنه فقد كانت مجاراتي بهذه القصيده التي ارجو ان تنال استحسانكم وترضي ذايقة شاعرنا د/عثمان العبدالله

بحرٍ تهيبت البواخر عبوره=واطراف مده تغرق اللي يعومون
شاهدت مرجانه وقررت ازوره=لعلي اقدم له الشكر عربون
ماجيته استعرض واطاول شبوره=جيت استفيد وضمن من يستفيدون
مايقنع الطاير ويرضى غروره=الآ كلامٍ عن هل النقد مصيون
حدد مضامينه وذعذع عطوره=وخذ تمرة العصفور من كل عرجون
شعرٍ تناغم فكرته مع سطوره=بالصدق والحكمه والابداع مسكون
يشع من بعد المسافات نوره=وعلي سناء ضوحه هل الركب يسرون
تمتد ما بين الحيارى جسوره=ويبث أمل ويصحى اللى ينامون
الوعي يلزمنا نرسخ جذوره=في المجتمع حتى هل الجهل ياعون
مشاكلٍ تحتاج رأي ومشوره=وقضاة عدلٍ ياصلون ويقولون
لوكل واحد قام منا بدوره=ماصارت الاوضاع من دون في دون
نعد في وجه المقصر قصوره=والمخلص نحييه ونصير له عون
واللي من الرشوه تربت هبوره=هذاك في نص الاحاديث ملعون
علي الوطن ياكبر ظلمه وجوره=وغيره هل التهريب واللي يرابون
والدار عزه من سواعد صقوره=والآ مقيمينه يجون ويرحون
حنا ذراه من المطامع وسوره=عن كل متستر وخاين ومشحون
واسلافنا حموه ماضى عصوره=ماهمهم يحيون والآ يموتون
كانوا علي يمنى الشجاع اخو نوره=من حيث ماسارت ركابه يسيرون
حتى اصبحت روضٍ تطارد نهوره=واللي يجونه يأمنون ويعيشون
تعيش واحاته ومدنه وبوره=في نهضةٍ كبرى وفى قلب مأمون
مليكنا اللي كل غاية سروره=يحطنا من محجر العين في النون
لوينقلون اله الحقيقه سبوره=ماصار ابه عاطل وجايع ومغبون
غيث الديار اللي تفوز بمروره=تعشوشب وتثمربها فروع وغصون
بادر بالأصلاح وتبنى صدوره=وقال الفساد يحاربه كل دندون
وحنا معه ونفوسنا به فخوره=ونصير حوله كلنا اقلاع وحصون

[الـزلـزال]

لوكـل واحـد قـام منـا بــدوره=ماصارت الاوضاع من دون في دون
نعد فـي وجـه المقصـر قصـوره=والمخلص نحييه ونصير لـه عـون
واللي من الرشـوه تربـت هبـوره=هذاك في نـص الاحاديـث ملعـون
علي الوطن ياكبـر ظلمـه وجـوره=وغيره هل التهريب واللـي يرابـون

زيد بن راجح


مجاره رائعه وجميله


من شاعر متميز في كل مايقدمة



أبدعت غالينا وأمتعت بمجارتك



صح لسانك ملايين ملايين



ولك فائق تحياتي

[مبروك بن ماضي]

عندما يكونا الشاعران كبيران
تتقزم كل الحروف وكل المعاني
وجدتي نفسي هنا مع هذة المجاراه الرائعه
فعلمت ان الشعر لازال بخير
أخي المبدع / زيد راجح :
إعجابي بما تكتب يتجدد ويزيد
تفضل بقبول تحياتي كما هي للدكتور عثمان ،،

[الخنساء]

صح لسانك ولاهنت
مجارات رائعة تترجم روعة المعانى
سلمت ودمت بخير

[محمد عبدالله البدراني]

الشاعر القدير زيد بن راجح سلمه الله


مجاراة رائعه لرائعة الدكتور عثمان العبدالله < الطائر المهاجر >

حقيقه ان بها تجلت الشاعريه والمحافظه على قوانين الشعر من حيث المجاراه

قوة سبك وحبك ومضمون


لله دررررررررك

ومليون صح السانك


وصح السان الطائر الذي اتى لنا بالدره الاولى لتأتي هذه الدره كمجاراة رائعه


تضاف هي وصنوتها الى الشعر الشعبي


لافض فوك



تحيتي وتقديري

[نجم الإبداع]

الله الله

صح لسانك يازيد

مجاراه رائعه

لاهنت


تقبل مروري

وتقديري

[صنداح الزلامى]

زيد بن راحج لله درك

شاعر كبير


صح الله لسانك واعتلا شانك


اعجابي واحترامي

[صعبة المنال]

ما شاء الله عليك

ابداااع


صح لسانك وفكرك


صعووب

[ابومياس]

زيد بن راجح

صح لسانك وبيض الله وجهك

صدى جميل وحروف راقية

دمت بخير

زيد رااجح

مجاارااه رااائعه من شاعر محترف

لصوت راائع من شااعر متمكن


سلمت على هالابداااع