اضحك مع العالم وامثل بمرتـاح

[الطامي]

الله مــــن هــــم بـقـلـبـي اشــلَـــه=يمكن لو انه فوق قمة جبـل سـاح
وايضاًهـواجـيـسٍ بقـلـبـي تـمـلــه=مل الطروش لشيهم وقـت مـرواح
والجسـم ناحـل عـاف قوتـه وبلَـه=والفكـر بهمومـه ولاهـو بمنـسـاح
والـدمـع عيـنـي كــل وقــتٍ تهـلـه=مـن دمعهـا فـي محاجرهـا تقـرّاح
ويافـوح قلـبـي فــوح هـيـلٍ بـدلـه=تفايشـت مـن حـر جمـرٍ بـالافـراح
صاحي جسم بس الخفا فيـه علـه=واضحك مع العالم وامثل بمرتـاح
والقـلـب يـالاجــواد يـــزداد غـلــه=متـى علـى الله داثـر الـهـم يـنـزاح
لابد مـن يومـنٍ علـى النـاس ظلـه=علـيـك ياظـالـم يلـبـسـك لـوشــاح
قالـو نـهـج وامقـيـط جعـلـه يـدلـه=قلنا عسى في كل ممسى ومصباح
ويالله عسى كل المصايب يجن له=وتلـم مـن خطـه علـى خطتـه راح
قلتـه خفايـا صـاحـبٍ مضـمـرٍ لــه=كــل الــوداد ايــام مـاكـان دمـــاح

[حرف وشعر]

الطامي الله يعين ياخوي

ويسعدني ان اكون اول المارين

يالغالي

تقبل صادق ودي لك

[داعي الشوق]

صح لسااانك يالطامي

الله يعين و يصلح الحال

وصح لسااانك يالشاعر

ولاهنت

[الطامي]

الشامسي
صح بدنك
وشكرا لمرورك
لاهنت اخي

[الطامي]

داعي
صح بدنك
وشكرا لمرورك
لاهنت اخي

[منيع]

صح الله السانك
وفرج الله ضيقتك
تحياتي

[عبدالإله]

الله الله ..

رااااائع وعذبـ وجزل ..

صح السانكـ .. وقلبكـ ..

@@@@@@@@@@@@@

[نفحات حساسة]

الله عليك..

وصح السسسانك..ولاهنت

أبيات رائعه..سلمت.. وسلم لنا فكرك

تحيتي لك..

[عبير الورد]

صح لسانك والله يبعد عنك الهموم

يعطيك الف عافية

[سناعيس]

صح لسانك يابو محمد
وبيض الله وجهك
لاهنت



تحياتي