مجارات ( القوس قوسك ) + مخرج

[عبدالمحسن الرحمه]

ياليتني جنبك ولو باحلامك=أسقيك من حب ٍ تهامل نوه
أرحم عشير ٍ تايه ٍ بهيامك=روحه بعدكم بالرجاء مكسوه
ليلي قضيته بين ذكر أيامك=أيام ياهي بالوفاء معلوه
حبك سهم رابح وأنا من سامك=جوفي لكم مشتل بحبك روه
يازين خفف لاتزيد أجرامك=ارحم ترى قلبي سببك امشوه
ذوقتني يازين كود أسقامك=عجل على قلب ٍطلبك امخوه
سجلت هجرك يالغلا باقلامك=روحي عليكم يالغلا مرجوه
ما تدري أني هاوي ٍلنسامك=أصبحت من حبك بليغ امفوه
روحي و قلبي كلهن خدامك=تكفى شراع البعد تكفى طوه
لوعشت مابين اللحم واعظامك=أخير من بُعد ٍ جعلك افتوه
البعد يا مقساه وين اسلامك=ترى الهجر ممنوع يذبح سوه
تعلن على حربك ترز أعلامك=وإن جاز لك كي الخفوق بكوه
بعد الولي أنا طبيب الأمك=ليت لوصل يرجع ياليته لوه
الأرض خجلا من خطاة أقدامك=والطير جا لّمك وخلّى جوّه

( مخـــــــــــــــــــرج )

قلبي المسكين ما يقوى غلاك=حاير ٍ دايم وتايه في حلاك
يا حياتي أرحمي القلب الحزين=لملمي جروحه ودفيه ابدفاك
يشهد الله من بعدكم ما هتنيت=منوتي أسعد بشوفك ياملاك
آه لو تدري وش اللي في حشاي=كان ترحمني وترحم من هواك
لــــبى قلبك لا تـــــعاملني كـــذا=قدري حب ٍ رسمته في سماك
عمت في بحرك واثر بحرك عميق=حدني موجك على شاطي شقاك
واعذابي لأبدى الليل الطويـــــل=أذرف الدمعه على سبت جفاك

[الطامي]

العمر
صح السانك ملايين
رائعة جدا
لاهنت اخي

[عمر ال شيبي]

يالله حي العمر
جزل يا جزل

موفور المعاني وغزير الذوق
صح لسانك لاهنت ابد

[داعي الشوق]

صح لسااااااااااانك مليوووووووووون يا عبدالمحسن

ولاهنت يالشاعر

مع تقديري لك

[عبدالعزيز العمار]

صح لسانك ياعبدالمحسن

قصيدة رائعه بروعة حضورك المتوج بالجزاله

ومخرج أكثر من رائع ولاهان منطوقك وكل عام وانت بخير

تحياتي لك

[نجم الإبداع]

صح لسانك ياعبدالمحسن

مجاراه رائعه

لاهنت

تقبل مروري

وتقديري

[الراقي]

شاعر جزل

أبدعت بما خطت اناملك و املاه فكرك

صح لسانك عدد النجوم

لك التحية ...

[عبدالمحسن الرحمه]

لطامي ياهلا والله فيك
صح ابدنك شاكر لك الرد والمرور

[عبدالمحسن الرحمه]

عمر ال شيبي ياهلا والله فيك
صح ابدنك مرورك العطر فخر لي

[عبدالمحسن الرحمه]

داعي الشوق
صح ابدنك شكر لك على الرد
والمرور ودي لك